'പൂജനടത്തി സ്വര്‍ണനിധി എടുത്ത് നല്‍കല്‍',വീട്ടമ്മമാരെ പ്രണയിച്ച് കെണിയിലാക്കല്‍; പ്രതി പിടിയില്‍


പ്രതി രമേശ്

നിലമ്പൂര്‍: പൂജയുടെ മറവില്‍ തട്ടിപ്പ് നടത്തി ഒളിവില്‍കഴിഞ്ഞയാളെ പോലീസ് പിടികൂടി. വയനാട് ലക്കിടി അറമല സ്വദേശി കൂപ്ലിക്കാട്ടില്‍ രമേശിനെയാണ് (36) വ്യാഴാഴ്ച പുലര്‍ച്ചെ കൊല്ലം പുനലൂര്‍ കുന്നിക്കോടുള്ള വാടകവീട്ടില്‍നിന്ന് നിലമ്പൂര്‍ പോലീസ് ഇന്‍സ്പെക്ടര്‍ ടി.എസ്. ബിനുവിന്റെ നേതൃത്വത്തില്‍ അറസ്റ്റ് ചെയ്തത്. ഇയാള്‍ രമേശന്‍ നമ്പൂതിരി, രമേശന്‍ സ്വാമി, സണ്ണി തുടങ്ങിയ പേരുകളിലും അറിയപ്പെട്ടിരുന്നു.

പ്രത്യേക പൂജ നടത്തി സ്വര്‍ണനിധി എടുത്തുനല്‍കാമെന്നും ചൊവ്വാദോഷം മാറ്റിനല്‍കാമെന്നും പറഞ്ഞ് പത്രപ്പരസ്യം നല്‍കി ആളുകളെ വലയില്‍ വീഴ്ത്തി ലക്ഷങ്ങളുടെ സ്വര്‍ണവും പണവും തട്ടിയെടുത്ത് മുങ്ങിയയാളാണ് രമേശ്. വണ്ടൂര്‍ സ്വദേശിനിയില്‍നിന്ന് 2017 ഓഗസ്റ്റ് 16 മുതല്‍ വിവിധ ദിവസങ്ങളിലായി അക്കൗണ്ട് വഴി 1,10,000 രൂപ കൈപ്പറ്റി. ചൊവ്വാദോഷമകറ്റി വിവാഹം ശരിയാക്കിക്കൊടുക്കാമെന്നു പറഞ്ഞായിരുന്നു തട്ടിപ്പ്. ഇവരുടെ പരാതിയില്‍ നിലമ്പൂര്‍ പോലീസ് കഴിഞ്ഞ ജനുവരിയില്‍ കേസെടുത്തു. ഈ കേസിലാണ് ഇപ്പോള്‍ അറസ്റ്റ്.

വയനാട് ജില്ലയില്‍ പ്രതി സമാനമായ തട്ടിപ്പുകള്‍ നടത്തിയതായി പോലീസ് പറയുന്നു. രണ്ടു കുട്ടികളുടെ മാതാവായ കോഴിക്കോട്ടുകാരിയായ വീട്ടമ്മയെ പ്രണയിച്ച് വിവാഹം കഴിച്ച ഇയാള്‍ കല്പറ്റ മണിയന്‍കോട് ക്ഷേത്രത്തിനു സമീപം പൂജയും തട്ടിപ്പും നടത്തി താമസിച്ചിരുന്നു. ഈ ബന്ധത്തില്‍ രണ്ടു പെണ്‍കുട്ടികള്‍ ജനിച്ചശേഷം രണ്ടു വര്‍ഷംമുമ്പ് ഇവരെ ഉപേക്ഷിച്ച് മുങ്ങി. ഭര്‍ത്താവും രണ്ടു കുട്ടികളുമുള്ള വയനാട് കോറോമിലെ മറ്റൊരു യുവതിയുമായി പ്രണയത്തിലായ ഇയാള്‍ അവര്‍ക്കൊപ്പം പുനലൂരില്‍ താമസിക്കുകയായിരുന്നു. അതിനിടയിലാണ് അറസ്റ്റ്.

വയനാട്ടില്‍നിന്ന് പുനലൂരിലേക്ക് മുങ്ങിയ പ്രതി വയനാട്ടിലെ ബന്ധുക്കളുമായോ സുഹൃത്തുക്കളുമായോ ആദ്യഭാര്യയുമായോ ഒരു ബന്ധവും പുലര്‍ത്തിയില്ല. പുനലൂരിലെ ഒരു ഹോട്ടലില്‍ ചീഫ് ഷെഫായി ജോലി ചെയ്യുകയായിരുന്നു പ്രതി. പോലീസുകാര്‍ ആഴ്ചകളോളം പല വേഷത്തില്‍നടന്ന് നിരീക്ഷണം നടത്തിയാണ് പ്രതിയുടെ സാന്നിധ്യം മനസ്സിലാക്കിയത്. അവിടെയും പ്രതി പൂജകള്‍ നടത്തുന്നതായി പോലീസിന് വിവരമുണ്ട്.

വയനാട് മണിയങ്കോട് സ്വദേശിനിയായ വീട്ടമ്മയുടെ പറമ്പില്‍ നിധിയുണ്ടെന്നു വിശ്വസിപ്പിച്ച് പുറത്തെടുക്കാനും പൂജ നടത്താനുമുള്ള ചെലവിലേക്ക് അഞ്ച് പവന്റെ സ്വര്‍ണാഭരണം തട്ടിയെടുത്തതായും കണ്ടെത്തിയിട്ടുണ്ട്. സമാനരീതിയില്‍ മീനങ്ങാടി സ്വദേശിനിയായ യുവതിയില്‍നിന്ന് എട്ടു പവന്റെ സ്വര്‍ണാഭരണവും തട്ടിയെടുത്തു. മണിയങ്കോട് സ്വദേശി സന്തോഷിനെയും സമാനമായ രീതിയില്‍ പറ്റിച്ചു. ഒരു ലക്ഷം രൂപ കൈപ്പറ്റുകയും നിധി കുഴിച്ചെടുക്കാനെന്ന പേരില്‍ വീടിനുചുറ്റും ആഴത്തില്‍ കുഴികളെടുത്ത് വീടും പരിസരവും വാസയോഗ്യമല്ലാതാക്കുകയും ചെയ്തു.

പ്രതിയെ നിലമ്പൂര്‍ കോടതി റിമാന്‍ഡ് ചെയ്തു. നിലമ്പൂര്‍ ഡിവൈ.എസ്.പി. സാജു കെ. എബ്രഹാമിന്റെ മേല്‍നോട്ടത്തില്‍ പ്രത്യേക അന്വേഷണസംഘത്തിലെ എസ്.ഐ. എം. അസൈനാര്‍, സീനിയര്‍ സിവില്‍ പോലീസ് ഓഫീസര്‍മാരായ മുഹമ്മദാലി, സഞ്ചു, സി.പി.ഒ.മാരായ അഭിലാഷ് കൈപ്പിനി, ആസിഫ് അലി, ടി. നിബിന്‍ദാസ്, ജിയോ ജേക്കബ്, എം. കൃഷ്ണദാസ് എന്നിവരുടെ നേതൃത്വത്തിലാണ് പ്രതിയെ പിടികൂടിയത്.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nupur Sharma

1 min

ഉത്തരവാദി നിങ്ങളാണ്, രാജ്യത്തോട് മാപ്പ് പറയണം: നൂപുര്‍ ശര്‍മയോട് സുപ്രീംകോടതി

Jul 1, 2022


veena vijayan

2 min

പിണറായിയുടെ മകളായിപ്പോയെന്ന ഒറ്റകാരണത്താല്‍ വേട്ടയാടപ്പെടുന്ന സ്ത്രീ; പിന്തുണച്ച് ആര്യ രാജേന്ദ്രന്‍

Jun 30, 2022


alia bhatt

1 min

'ഞാന്‍ ഒരു സ്ത്രീയാണ്, പാഴ്‌സല്‍ അല്ല, ആരും എന്നെ ചുമക്കേണ്ടതില്ല'; രൂക്ഷ പ്രതികരണവുമായി ആലിയ

Jun 29, 2022

Most Commented