ഒരുദിവസം 14,000 രൂപ വരെ, ചികിത്സാ ധനസഹായ ഫണ്ടിന്റെ പേരില്‍ ഓട്ടോയില്‍ കറങ്ങി തട്ടിപ്പ്; പിടിയില്‍


അറസ്റ്റിലായ പ്രതികളും ഇവർ ഉപയോഗിച്ചിരുന്ന വാഹനവും

തിരുവിഴാംകുന്ന്(പാലക്കാട്): നിര്‍ധനരോഗിക്കുള്ള ചികിത്സാധനസഹായ ഫണ്ടിന്റെ പേരില്‍ അനിധികൃത പിരിവ് നടത്തിയ നാല് മലപ്പുറംസ്വദേശികളെ മണ്ണാര്‍ക്കാട് പോലീസ് അറസ്റ്റ് ചെയ്തു. കരുവാരക്കുണ്ട് സ്വദേശികളായ എലിപ്പാറ്റവീട്ടില്‍ ശിവദാസ് (44), പട്ടിക്കാടന്‍ വീട്ടില്‍ മുഹമ്മദ് ആരിഫ് (42), കുളത്തൂര്‍വീട്ടില്‍ സുബ്രഹ്മണ്യന്‍ (38), പാണ്ടിക്കാട് സ്വദേശിയായ ഡ്രൈവര്‍ തെച്ചിയോടന്‍ വീട്ടില്‍ സക്കീര്‍ (44) എന്നിവരാണ് പോലീസിന്റെ പിടിയിലായത്.

ഞായറാഴ്ച തിരുവിഴാംകുന്ന് കാപ്പുപറമ്പ് ഭാഗത്തുനിന്നാണ് നാട്ടുകാരുടെ പരാതിയെത്തുടര്‍ന്ന് ഇവരെ പോലീസ് അറസ്റ്റ് ചെയ്തത്. സൈതലവി എന്നയാളുടെ പേരിലാണ് ഇവര്‍ പിരിവ് നടത്തിയിരുന്നത്. ഓട്ടോറിക്ഷയിലെത്തുന്ന സംഘം വീടുകളില്‍ ബക്കറ്റുമായി കയറി പിരിവ് നടത്തുകയും നോട്ടീസുകള്‍ വിതരണംചെയ്യുകയും ചെയ്യാറുണ്ടെന്നും കഴിഞ്ഞ മാസങ്ങളിലും ഇവര്‍ ഈ ഭാഗങ്ങളില്‍ വന്നിരുന്നതായും കാപ്പുപറമ്പ് വാര്‍ഡംഗം അയിഷ പറഞ്ഞു.

നോട്ടീസില്‍ രോഗിയുടെ വിവരങ്ങളും അക്കൗണ്ട് നമ്പറും ഫോണ്‍നമ്പറും മേല്‍വിലാസവും നല്‍കിയിരുന്നു. കൂടാതെ കരുവാരക്കുണ്ട് കേരള വാര്‍ഡ് മെമ്പര്‍ ഹസീനയുടെ പേരും നമ്പറും രേഖപ്പെടുത്തിയ രസീതും ഇവരുടെ കൈവശമുണ്ട്. സംശയംതോന്നിയതിനെത്തുടര്‍ന്ന് നാട്ടുകാരനായ ഷെമീര്‍ രസീതിലുള്ള മെമ്പറുടെ നമ്പറില്‍ വിളിച്ചപ്പോഴാണ് തട്ടിപ്പാണെന്ന് മനസ്സിലാകുന്നത്. തുടര്‍ന്ന്, മണ്ണാര്‍ക്കാട് പോലീസിനെ വിവരമറിയിക്കയായിരുന്നു. നേരത്തേ ചികിത്സാസഹായത്തിനായി പണപ്പിരിവ് നടത്തിയിരുന്നു. പിന്നീട് ഇത് നിര്‍ത്തിയിരുന്നു. ആദ്യംപിരിച്ച പണത്തില്‍നിന്ന് രോഗിക്ക് ചെറിയസംഖ്യ കൊടുത്തിരുന്നതായും പിന്നീട് ഒന്നും കൊടുത്തിട്ടില്ലെന്നും പോലീസ് പറഞ്ഞു.

പതിനാലായിരത്തോളം രൂപയാണ് ഒരുദിവസത്തെ കളക്ഷനായി ഇവരുടെ കൈയില്‍ നിന്ന് പോലീസ് പിടിച്ചെടുത്തത്. ഇവരെ തിങ്കളാഴ്ച കോടതിയില്‍ ഹാജരാക്കുമെന്ന് മണ്ണാര്‍ക്കാട് സബ് ഇന്‍സ്പെക്ടര്‍ കെ.ആര്‍. ജസ്റ്റിന്‍ പറഞ്ഞു.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022


supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


Droupadi Murmu

5 min

ദ്രൗപദി മുർമുവിനെ സര്‍വ്വസമ്മതയായ സ്ഥാനാര്‍ഥിയായി നിര്‍ത്തണം; സിന്‍ഹയെ പിന്‍വലിക്കണം | പ്രതിഭാഷണം

Jun 23, 2022

Most Commented