ഷുഹൈബ്, താരിസ്
കരുമാല്ലൂര്‍: വെളിയത്തുനാട്ടില്‍ കാറിനുനേരേ ബോംബെറിഞ്ഞ സംഭവത്തില്‍ രണ്ടുപേരെ പോലീസ് പിടികൂടി. പടിഞ്ഞാറേ വെളിയത്തുനാട് ചെത്തിക്കാട് വീട്ടില്‍ ഷുഹൈബ്, കോട്ടപ്പുറം മാമ്പ്ര പള്ളത്ത് വീട്ടില്‍ താരിസ് എന്നിവരെയാണ് ആലങ്ങാട് പോലീസ് പിടികൂടിയത്.
ബുധനാഴ്ച പുലര്‍ച്ചെയാണ് വെളിയത്തുനാട് തടിക്കക്കടവിനു സമീപത്തുനിന്ന് പെരുമ്പാവൂര്‍ സ്വദേശി സഞ്ചരിച്ചിരുന്ന കാറിനുനേരേ ബോംബേറുണ്ടായത്. ശബ്ദംകേട്ടെത്തിയ പ്രദേശവാസികള്‍ വിവരം നല്‍കിയതിനെത്തുടര്‍ന്നാണ് പോലീസെത്തി പരിശോധന നടത്തിയത്. ഫൊറന്‍സിക് പരിശോധനയില്‍ നാടന്‍ബോംബാണ് അക്രമികള്‍ ഉപയോഗിച്ചതെന്ന് കണ്ടെത്തിയിരുന്നു. ഗുണ്ടാസംഘങ്ങള്‍ തമ്മിലുള്ള കുടിപ്പകയാണ് കാരണമെന്ന് വ്യക്തമായി. തുടര്‍ന്നാണ് ഡിവൈ.എസ്.പി. പി.കെ. ശിവന്‍കുട്ടി, എസ്.എച്ച്.ഒ. കെ. ഉണ്ണികൃഷ്ണന്‍, എസ്.ഐ. വേണുഗോപാല്‍ എന്നിവരുടെ നേതൃത്വത്തില്‍ പ്രതികള്‍ക്കായി ഊര്‍ജിതമായ അന്വേഷണം ആരംഭിച്ചത്.
പെരുമ്പാവൂരിലും വെളിയത്തുനാട്ടിലുമായി ഗുണ്ടാപ്രവര്‍ത്തനത്തില്‍ ഏര്‍പ്പെടുന്നവരെ ചുറ്റിപ്പറ്റിയായിരുന്നു പരിശോധന. അതിനിടയിലാണ് ഇവര്‍ രണ്ടുപേര്‍ പിടിയിലാകുന്നത്. കേസെടുത്ത് കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
Also Watch
RELATED STORIES
.jpg?$p=d8cbf09&f=1x1&w=100&q=0.8)
IN CASE YOU MISSED IT
.jpg?$p=0040ee1&f=1x1&w=100&q=0.8)
.jpg?$p=aa62323&f=1x1&w=100&q=0.8)
.jpg?$p=fc07f96&q=0.8&f=16x11&w=104)
.jpg?$p=48405e6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..