ബസ് വേഗത കുറച്ച് ഓടിച്ചെന്ന് പറഞ്ഞ് ബസ് ഡ്രൈവര്‍ക്ക് മര്‍ദനം; ഇരുമ്പുവടി കൊണ്ട് അടിച്ചു


പ്രതീകാത്മക ചിത്രം | Twitter.com|Lolita_TNIE

ബെംഗളൂരു: ബസ് വേഗത കുറച്ച് ഓടിച്ചെന്ന കാരണത്താൽ പിന്നാലെയെത്തിയ വാഹനത്തിന്റെ ഡ്രൈവർ ബി.എം.ടി.സി. ബസ് ഡ്രൈവറെ മർദിച്ചു. ബനശങ്കരി ജങ്ഷനിലാണ് സംഭവം. ദീപാഞ്ജലി നഗർ ഡിപ്പോയിലെ ഡ്രൈവർ എസ്.ബി. ചന്നപ്പയ്ക്കാണ് (47) ഇരുമ്പുവടികൊണ്ടുള്ള അടിയേറ്റത്.

വിജയനഗർ ഭാഗത്തേക്കുപോകാൻ വലതുഭാഗത്തേക്ക് തിരിയാൻ ശ്രമിക്കുകയായിരുന്നു ചന്നപ്പ. വാഹനത്തിരക്കുള്ളതിനാൽ പതിയെ ആയിരുന്നു ബസ്സോടിച്ചത്. ഈ സമയം പിന്നിലുണ്ടായിരുന്ന വാഹനത്തിന്റെ ഡ്രൈവർ ഇറങ്ങിവന്ന് ഇരുമ്പുവടികൊണ്ട് ചന്നപ്പയുടെ കൈക്ക് അടിക്കുകയായിരുന്നു. ബസ് യാത്രക്കാരും മറ്റു വാഹനങ്ങളിലുണ്ടായിരുന്നവരും ഇടപെട്ട് വഴക്ക് തടഞ്ഞു.

ചന്നപ്പ ബസ് സമീപത്തെ ബസ്സ്റ്റാൻഡിലെത്തിച്ചെങ്കിലും പിന്നിലുണ്ടായിരുന്ന വാഹനത്തിന്റെ ഡ്രൈവർ ബസ് പിന്തുടർന്ന് വീണ്ടും ചന്നപ്പയെ മർദിച്ചു. ഡ്രൈവറുടെ സുഹൃത്തും മർദിച്ചതായി ചന്നപ്പ പോലീസിൽ നൽകിയ പരാതിയിൽ പറഞ്ഞു. ആശുപത്രിയിൽ ചികിത്സ തേടിയശേഷമാണ് ചന്നപ്പ ബനശങ്കരി പോലീസിൽ പരാതിനൽകിയത്. മർദിച്ചയാളെ പിടികൂടാൻ ശ്രമിക്കുന്നതായി പോലീസ് പറഞ്ഞു.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


Gautam adani

1 min

60,000 കോടി രൂപ ജീവകാരുണ്യ പ്രവർത്തനങ്ങൾക്ക്; ഗൗതം അദാനിയുടെ അറുപതാം പിറന്നാള്‍ സമ്മാനം

Jun 24, 2022

Most Commented