ബിസിനസുകാരന്റെ മരണം കൊലപാതകം; ക്വട്ടേഷന്‍ നല്‍കിയത് ഭാര്യയും മകനും


ബെംഗളൂരു: ബിസിനസുകാരന്‍ വീട്ടില്‍ മരിച്ച സംഭവത്തില്‍ മാസത്തിന് ശേഷം നിര്‍ണയക വഴിത്തിരിവ്. മരണം കൊലപാതകമാണെന്നും വാടകക്കൊലയാളികളെ ഏര്‍പ്പെടുത്തിയത് ഭാര്യയും മകനും ചേര്‍ന്നാണെന്നും പോലീസ് കണ്ടെത്തി. കൊലപാതകമാണെന്ന് സൂചിപ്പിക്കുന്ന, മേല്‍വിലാസമില്ലാത്ത കത്ത് പോലീസിന് ലഭിച്ചതോടെയാണ് രഹസ്യത്തിന്റെ ചുരുളഴിഞ്ഞത്. തുടര്‍ അന്വേഷണത്തില്‍ ഭാര്യയേയും മകനെയും മൂന്നുവാടകക്കൊലയാളികളെയും പോലീസ് അറസ്റ്റുചെയ്തു.

ഭാര്യ സര്‍വാരി ബീഗം (42) മകന്‍ ഷൈഫ് ഉര്‍ റഹ്മാന്‍ (20), വാടകക്കൊലയാളികളായ അഫ്ത്താബ് (22), മുഹമ്മദ് സൈഫ് ( 20), സയീദ് അവീസ് പാഷ( 23) എന്നിവരാണ് അറസ്റ്റിലായത്.

പീനിയ ഇന്‍ഡസ്ട്രിയല്‍ ഏരിയയില്‍ ചെരിപ്പ് നിര്‍മാണ യൂനിറ്റ് നടത്തുന്ന മുഹമ്മദ് ഹന്‍ജ (52) യാണ് കഴിഞ്ഞമാസം 10-ന് രാജഗോപാല്‍ നഗറിലെ വീട്ടില്‍ മരിച്ചനിലയില്‍ കണ്ടെത്തിയത്. ഭര്‍ത്താവ് ഹൃദയാഘാതത്തെത്തുടര്‍ന്ന് മരിച്ചെന്നാണ് ഭാര്യയും മകനും ബന്ധുക്കളെയും അയല്‍ക്കാരെയും വിശ്വസിപ്പിച്ചത്. മൃതദേഹം അന്നുതന്നെ സംസ്‌കരിക്കുകയും ചെയ്തു.

ഒരാഴ്ചമുമ്പാണ് മരണം കൊലപാതകമാണെന്ന് സൂചിപ്പിക്കുന്ന കത്ത് പോലീസിന് ലഭിച്ചത്. തുടര്‍ന്ന് ഭാര്യയുടേയും മകന്റെയും നീക്കങ്ങള്‍ പോലീസ് നിരീക്ഷിച്ചുവരികയായിരുന്നു. ഇവരെ ചോദ്യംചെയ്തതോടെയാണ് മുഹമ്മദ് ഹന്‍ജയുടെ മരണം കൊലപാതകമാണെന്ന് തെളിഞ്ഞത്. ഭാര്യയ്ക്കും മകള്‍ക്കും മറ്റുപുരുഷന്മാരുമായി ബന്ധമുണ്ടെന്ന് സംശയിച്ചിരുന്ന ഹന്‍ജ നിരന്തരം വീട്ടില്‍ പ്രശ്‌നമുണ്ടാക്കിയതാണ് കൊലനടത്താന്‍ കാരണമെന്ന് ഇവര്‍ പോലീസിന് മൊഴിനല്‍കി.

ഷൈഫ് ഉര്‍ റഹ്മാന്റെ പരിചയക്കാരെയാണ് കൊലയ്ക്ക് നിയോഗിച്ചത്. നാലരലക്ഷം രൂപയ്ക്കായിരുന്ന ക്വട്ടേഷന്‍. ഉറക്കഗുളിക കൊടുത്ത് മയക്കിക്കിടത്തിയശേഷം തലയണയുപയോഗിച്ച് ശ്വാസംമുട്ടിച്ചാണ് കൊലനടത്തിയത്.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
P.C George

1 min

പീഡന പരാതി: പി.സി ജോര്‍ജ് അറസ്റ്റില്‍

Jul 2, 2022


pc george-pinarayi

2 min

'ഒരു മറ്റേപ്പണിക്കും പോയിട്ടില്ല, എന്തിന് ഭയക്കണം ? പിണറായിയോട് പ്രതികാരം ചെയ്യും'- പി.സി. ജോര്‍ജ്

Jul 2, 2022


Nupur Sharma

1 min

ഉത്തരവാദി നിങ്ങളാണ്, രാജ്യത്തോട് മാപ്പ് പറയണം: നൂപുര്‍ ശര്‍മയോട് സുപ്രീംകോടതി

Jul 1, 2022

Most Commented