മഹാരാജാസ് ഹോസ്റ്റലില്‍ കെ.എസ്.യു. പ്രവര്‍ത്തകര്‍ക്ക് മര്‍ദനം; സാക്ഷി പറഞ്ഞതില്‍ വൈരാഗ്യമെന്ന് ആരോപണം


കൊച്ചി: മഹാരാജാസ് കോളേജ് ഹോസ്റ്റലില്‍ കെ.എസ്.യു. പ്രവര്‍ത്തകര്‍ക്ക് മര്‍ദനമേറ്റു. രണ്ടാം വര്‍ഷ മലയാളം വിദ്യാര്‍ഥികളായ പി.പി. അതുല്‍, ബേസില്‍ ജോര്‍ജ് എന്നിവര്‍ക്കാണ് പരിക്കേറ്റത്. ചൊവ്വാഴ്ച രാത്രി 11 മണിയോടെയാണ് സംഭവം.

അതുലും ബേസിലുമായി ഹോസ്റ്റലില്‍ അനധികൃതമായി താമസിച്ച വിദ്യാര്‍ഥി വാക്കു തര്‍ക്കമുണ്ടാക്കി. ഇതിനിടെ സ്ഥലത്തെത്തിയ എസ്.എഫ്.ഐ. പ്രവര്‍ത്തകന്‍ മര്‍ദിക്കുകയായിരുന്നുവെന്ന് അതുലും ബേസിലും പറയുന്നു.

കഴുത്തിലും പുറത്തും മര്‍ദനമേറ്റ ഇവരെ ജനറല്‍ ആശുപത്രിയില്‍ പ്രവേശിപ്പിക്കുകയും പിന്നീട് ഡിസ്ചാര്‍ജ് ചെയ്യുകയും ചെയ്തു. മുമ്പ് ഹോസ്റ്റലില്‍ കെ.എസ്.യു. പ്രവര്‍ത്തകനെ കെട്ടിയിട്ട് മര്‍ദിച്ച സംഭവത്തിലെ സാക്ഷികളാണ് അതുലും ബേസിലും. സാക്ഷി പറഞ്ഞതിന്റെ വൈരാഗ്യമാണ് മര്‍ദനത്തിനു കാരണമെന്നാണ് ആരോപണം.

വാര്‍ഡനും പ്രിന്‍സിപ്പലിനും പരാതി നല്‍കിയിട്ടുണ്ടെന്നും നടപടിയില്ലെങ്കില്‍ സമരം തുടങ്ങുമെന്നും കെ.എസ്.യു. ജില്ലാ പ്രസിഡന്റ് അലോഷ്യസ് സേവ്യര്‍ പറഞ്ഞു. കോളേജ് ഹോസ്റ്റലില്‍ അഡ്മിഷനില്ലാത്ത നിരവധി പേര്‍ വന്നു പോകുന്നുണ്ടെന്നും ഇതിനെതിരേ നടപടിയെടുക്കാന്‍ അധികൃതര്‍ തയ്യാറാകുന്നില്ലെന്നും കെ.എസ്.യു. ആരോപിച്ചു.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
pinarayi vijayan pc george

3 min

പിണറായിക്ക് പിന്നില്‍ ഫാരിസ് അബൂബക്കര്‍, അമേരിക്കന്‍ ബന്ധം അന്വേഷിക്കണമെന്ന് പി.സി; ഗുരുതര ആരോപണം

Jul 2, 2022


India vs England 5th Test Birmingham day 2 updates

2 min

റൂട്ടിനെ പുറത്താക്കി സിറാജ്, ഇംഗ്ലണ്ടിന് 5 വിക്കറ്റ് നഷ്ടം; രണ്ടാം ദിനവും സ്വന്തമാക്കി ഇന്ത്യ

Jul 2, 2022


pc george

1 min

മാധ്യമപ്രവര്‍ത്തകയോട് മോശമായി പെരുമാറിയ സംഭവം; ഖേദം പ്രകടിപ്പിച്ച് പി.സി ജോര്‍ജ് 

Jul 2, 2022

Most Commented