ചാത്തന്നൂർ ശീമാട്ടി ജങ്ഷനിൽ കവർച്ചശ്രമം നടന്ന എസ്.ബി.ഐ. എ.ടി.എം. പോലീസ് പരിശോധിക്കുന്നു
ചാത്തന്നൂര്‍(കൊല്ലം) : കാരംകോട് ശീമാട്ടി ഗുരുമന്ദിരത്തിനുസമീപത്തെ എസ്.ബി.ഐ.യുടെ എ.ടി.എം. കുത്തിത്തുറന്ന് കവര്‍ച്ചശ്രമം. എ.ടി.എം. മെഷീന്റെ പാസ്‌വേഡ്‌ ലോക്ക് നശിപ്പിച്ചു. കുത്തിപ്പൊളിക്കാന്‍ ശ്രമിച്ചെങ്കിലും കഴിഞ്ഞില്ല.
ഞായറാഴ്ച രാത്രിയാകാം സംഭവമെന്ന് സംശയിക്കുന്നു. തിങ്കളാഴ്ച ഉച്ചയ്ക്ക് ഒരുമണിയോടെ എ.ടി.എമ്മില്‍ പണം നിറയ്ക്കാനായി എത്തിയപ്പോഴാണ് കവര്‍ച്ചശ്രമം കണ്ടെത്തിയത്. കഴിഞ്ഞ വെള്ളിയാഴ്ച എ.ടി.എമ്മിന്റെ ക്യാമറ കറുത്ത പെയിന്റ് അടിച്ച് ആരോ മറച്ചിരുന്നു. ഇതേ തുടര്‍ന്ന് ബാങ്ക് അധികൃതര്‍ ചാത്തന്നൂര്‍ പോലീസില്‍ പരാതി നല്‍കിയിരുന്നു. ഇതിനുശേഷമാണ് ഞായറാഴ്ച രാത്രി എ.ടി.എം. കവര്‍ച്ചശ്രമം നടന്നത്.
എ.ടി.എമ്മിന്റെ ഫ്രണ്ട് ഡോര്‍ തുറന്നു ലോക്ക് നശിപ്പിച്ചെങ്കിലും ചെസ്റ്റ് പൊട്ടിക്കാന്‍ കഴിഞ്ഞില്ല. പണം നഷ്ടമായില്ലെന്ന് അധികൃതര്‍ പറഞ്ഞു. കൊല്ലത്തുനിന്ന് എസ്.ബി.ഐ. റീജണല്‍ ഓഫീസ് ചീഫ് മാനേജര്‍ ഒ.ബി.ഷിബി, ചാത്തന്നൂര്‍ ബ്രാഞ്ച് മാനേജര്‍ ശ്രീജിത്ത്, എ.ടി.എം. ചാനല്‍ മാനേജര്‍ രാകേഷ് എന്നിവരും ചാത്തന്നൂര്‍ പോലീസും സ്ഥലത്തെത്തി പരിശോധിച്ചു. പുതിയ മെഷീന്‍ ലോക്ക് സ്ഥാപിക്കുന്നതുവരെ ശീമാട്ടിയിലെ എ.ടി.എം. അടച്ചിടുമെന്ന് ബാങ്ക് അധികൃതര്‍ പറഞ്ഞു.
Content Highlights: atm robbery attempt in chathannoor kollam
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
IN CASE YOU MISSED IT
.jpg?$p=246738b&f=1x1&w=100&q=0.8)
.jpg?$p=fad68fb&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..