സുഹൃത്തിന്റെ ഷൂസിനുള്ളില്‍ ലഹരിമരുന്ന് ഉണ്ടെന്ന് ആര്യന് അറിയാമായിരുന്നു - കോടതിയുടെ പരാമര്‍ശങ്ങള്‍


Aryan Khan | Photo - PTI

മുംബൈ: ആഡംബര കപ്പലിലെ ലഹരിക്കേസില്‍ അറസ്റ്റിലായ ആര്യന്‍ ഖാന്റെ ജാമ്യാപേക്ഷ തള്ളിയ മുംബൈ എന്‍.ഡി.പി.എസ് കോടതി നടത്തിയത് നിര്‍ണായകമായ നിരീക്ഷണങ്ങള്‍. ഉന്നത ബന്ധങ്ങളുള്ള പ്രതിക്ക് ജാമ്യം നല്‍കിയാല്‍ കേസിന്റെ തുടരന്വേഷണത്തെ ബാധിക്കും. ആഡംബര കപ്പലില്‍ പാര്‍ട്ടിയില്‍ പങ്കെടുക്കാനായി പോകുമ്പോള്‍ സുഹൃത്ത് അര്‍ബാസ് മെര്‍ച്ചന്റിന്റെ ഷൂസിനുള്ളില്‍ ഒളിപ്പിച്ച നിലയില്‍ ലഹരിമരുന്നുണ്ടെന്ന് ആര്യന് അറിയാമായിരുന്നു എന്നുവേണം കരുതാന്‍ എന്നും കോടതി ചൂണ്ടിക്കാട്ടി.

ആര്യന്റെ വാട്‌സാപ്പ് ചാറ്റുകള്‍ പരിശോധിച്ചാല്‍ ലഹരി ഇടപാടുകാരുമായി നിരന്തരം ബന്ധം പുലര്‍ത്തിയിരുന്നുവെന്ന് വ്യക്തമാണ്. ആറ് ഗ്രാം ചരസ് ആണ് അര്‍ബാസിന്റെ പക്കല്‍ നിന്ന് എന്‍.സി.ബി പിടിച്ചെടുത്തത്. സ്ഥിരമായി ലഹരി ഉപയോഗിക്കുന്ന വ്യക്തിയാണ് ആര്യനെന്നും ജാമ്യം നല്‍കിയാലും സമാനമായ കുറ്റം ചെയ്യില്ലെന്ന് പറയാന്‍ കഴിയില്ലെന്നും കോടതി പറഞ്ഞു.

ലഹരി മരുന്ന വിതരണം ചെയ്യുന്നവരുമായി ആര്യന് വളരെ അടുത്ത ബന്ധമുണ്ടെന്നതിനും തെളിവുകളുണ്ട്. അര്‍ബാസും ആര്യനും വളരെ കാലമായി അടുത്ത സുഹൃത്തുക്കളാണ്. ഒരുമിച്ച് നിരവധി യാത്രകളും ചെയ്തിരുന്നു. ആഡംബര കപ്പലിലെ പാര്‍ട്ടിയില്‍ പങ്കെടുക്കാനായി പോകുമ്പോള്‍ ഉപയോഗിക്കുന്നതിനായി ലഹരി കൈയില്‍ കരുതിയിരുന്നത് ഇരുവരും സമ്മതിച്ചിട്ടുണ്ട്. അര്‍ബാസിന്റെ കൈവശം ലഹരിയുണ്ടെന്ന് ആര്യന് അറിയാമായിരുന്നു എന്നുവേണം കരുതാനെന്നും കോടതി പറയുന്നു.

ആര്യന്റെ വാട്‌സാപ്പ് ചാറ്റുകളില്‍ ലഹരി മരുന്നിനെ കുറിച്ച് പറയുന്നുണ്ട്. ഇത് അത്തരം വ്യാപാരം നടത്തുന്നവരുമായി പ്രതിക്കുള്ള ബന്ധത്തെ സൂചിപ്പിക്കുന്നതാണ്. എല്ലാ പ്രതികളും പരസ്പരം കണ്ണികളാണ്. എന്‍ഡിപിഎസ് ആക്ടിന് കീഴില്‍ വരുന്ന കുറ്റങ്ങള്‍ ചെയ്തിട്ടില്ലെന്ന് പറയാന്‍ കഴിയുകയുമില്ല.

ആര്യന് വിദേശ രാജ്യങ്ങളിലെ മയക്കുമരുന്ന് കണ്ണികളുമായി പോലും ബന്ധമുണ്ടോയെന്ന് സംശയിക്കുന്നതായി എന്‍.സി.ബി കോടതിയെ അറിയിച്ചിരുന്നു. ഇവര്‍ അന്താരാഷ്ട്ര മാഫിയയുടെ ഭാഗമാണോയെന്ന് അന്വേഷിക്കുകയാണെന്നും എന്‍.സി.ബി കോടതിയെ അറിയിച്ചു. പ്രതികളെല്ലാം ഉന്നത ബന്ധങ്ങളുള്ളതിനാല്‍ ജാമ്യം നല്‍കിയാല്‍ അത് അന്വേഷണത്തെ ബാധിക്കുമെന്ന എന്‍.സി.ബി വാദത്തെ കോടതി അംഗീകരിക്കുകയായിരുന്നു.

Content Highlights: aryan khan was aware of drugs in arbaz merchant`s custody

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
pinarayi

'എന്തും പറയാമെന്നോ, മനസ്സില്‍ വെച്ചാ മതി, മകളെ പറഞ്ഞാല്‍ കിടുങ്ങുമെന്ന് കരുതിയോ'

Jun 28, 2022


India vs Ireland 2nd t20 Dublin

2 min

അയര്‍ലന്‍ഡ് വിറപ്പിച്ചുവീണു, രണ്ടാം ട്വന്റി 20 യിലും വിജയിച്ച് പരമ്പര നേടി ഇന്ത്യ

Jun 28, 2022


r b sreekumar
EXCLUSIVE

7 min

'മോദി വീണ്ടും ജയിക്കും,എനിക്ക് പേടിയില്ല'; അറസ്റ്റിന് തൊട്ടുമുമ്പ് ആര്‍.ബി ശ്രീകുമാറുമായുള്ള അഭിമുഖം

Jun 28, 2022

Most Commented