കോപ്പിയടി ആരോപണത്തെ തുടര്‍ന്ന് ആത്മഹത്യ: ഹാള്‍ടിക്കറ്റിലെ കുറിപ്പുകള്‍ ഉത്തരക്കടലാസില്‍ ഇല്ല


വര്‍ഗീസ് സി.ജോര്‍ജ്

-

കോട്ടയം: പരീക്ഷയിൽ കോപ്പിയടിച്ചെന്ന ആരോപണത്തെ തുടർന്ന് ജീവനൊടുക്കിയ ബി.കോം. വിദ്യാർഥിനി കാഞ്ഞിരപ്പള്ളി പൊടിമറ്റം അഞ്ജു പി.ഷാജിയുടെ ഉത്തരക്കടലാസ് പരിശോധനയിൽ നിർണായക കണ്ടെത്തൽ. കോളേജ് അധികൃതർ പിടിച്ചെടുത്ത ഹാൾ ടിക്കറ്റിൽ എഴുതിയിരുന്ന വിവരങ്ങൾ ഒന്നും ഉത്തരക്കടലാസിൽ കണ്ടെത്താനായില്ലെന്ന് സർവകലാശാലാ അധികൃതരുടെ പരിശോധനാ റിപ്പോർട്ട്.

കേസ് അന്വേഷണത്തിന്റെ ഭാഗമായി പോലീസ് ആവശ്യപ്പെട്ടതിനെതുടർന്നാണ്, വിദ്യാർഥിനി കോപ്പിയടിച്ചെന്ന് ആരോപിക്കപ്പെട്ട ഉത്തരക്കടലാസ് സർവകലാശാലാ അധികൃതർ പരിശോധിച്ചത്. റിപ്പോർട്ട് പോലീസിന് കൈമാറി. പരീക്ഷാ ചുമതലയുണ്ടായിരുന്ന അധ്യാപകൻ പിടിച്ചെടുത്ത ഹാൾ ടിക്കറ്റിലെ കൈയക്ഷരം വിദ്യാർഥിനിയുടേതാണോയെന്ന് കണ്ടെത്താൻ പോലീസ് ശാസ്ത്രീയ അന്വേഷണ സംഘത്തിന്റെ സഹായം തേടിയിരിക്കുകയാണ്.

അഞ്ജു പി.ഷാജിയുടെ ഹാൾ ടിക്കറ്റ്, നോട്ട് ബുക്കുകൾ, പരീക്ഷാ ഹാളിലെ സി.സി.ടി.വി.യുടെ ഹാർഡ് ഡിസ്ക്, ബാഗ്, മൊബൈൽ ഫോൺ എന്നിവ കോട്ടയം ആർ.ഡി.ഒ. മുഖേന തിരുവനന്തപുരം െഫാറൻസിക് ലാബിലേക്ക് അയച്ചിട്ടുണ്ട്. എന്നാൽ, ഒന്നരമാസം കഴിഞ്ഞിട്ടും ഇതിന്റെ പരിശോധനാ ഫലങ്ങൾ പോലീസിന് ലഭിച്ചിട്ടില്ല.

കോവിഡിനെ തുടർന്ന് തിരുവനന്തപുരം ഫൊറൻസിക് ലാബിലെ ജീവനക്കാരുടെ കുറവാണ് പരിശോധനാഫലം വൈകാൻ കാരണമെന്നാണ് അധികൃതരുടെ വിശദീകരണം.

കൈയക്ഷരം സംബന്ധിച്ച ഫൊറൻസിക് പരിശോധനാഫലം ലഭിച്ചശേഷമേ കേസിൽ തുടർനടപടികൾ സ്വീകരിക്കാൻ കഴിയൂവെന്ന് അന്വേഷണത്തിന് നേതൃത്വം നൽകുന്ന കാഞ്ഞിരപ്പള്ളി ഡിവൈ.എസ്.പി. ജെ.സന്തോഷ് കുമാർ പറഞ്ഞു. ചേർപ്പുങ്കൽ ബി.വി.എം. കോളേജിൽ പരീക്ഷയെഴുതാനെത്തിയ കാഞ്ഞിരപ്പള്ളിയിലെ സ്വകാര്യ കോളേജ് വിദ്യാർഥിനിയായ അഞ്ജുവിനെ ജൂൺ ആറിനാണ് കാണാതാകുന്നത്. പിറ്റേന്ന് നടത്തിയ പരിശോധനയിലാണ് മീനച്ചിലാറ്റിൽനിന്ന് മൃതദേഹം കണ്ടെത്തുന്നത്. പരീക്ഷയെഴുതുന്നതിനിടെ കോപ്പിയടിച്ചെന്നാരോപിച്ച് ചേർപ്പുങ്കൽ ബി.വി.എം. കോളേജ് അധികൃതർ മാനസികമായി പീഡിപ്പിച്ചതിനെതുടർന്നാണ് വിദ്യാർഥിനി ജീവനൊടുക്കിയതെന്നാണ് വീട്ടുകാരുടെ ആരോപണം.

Content Highlights:anju p shaji suicide university inspection report


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

1 min

താലികെട്ടിനു തൊട്ടുമുമ്പ് വിവാഹത്തില്‍നിന്ന് പിന്മാറി വധു; പിറ്റേന്ന് പഴയ സുഹൃത്തുമായി വിവാഹം

Jan 28, 2023


john brittas mp

1 min

മോദിയുടേയും അദാനിയുടേയും വളർച്ച സമാന്തര രേഖ പോലെ,രാജ്യത്തെ പദ്ധതികൾ എല്ലാംപോയത് അദാനിക്ക്-ബ്രിട്ടാസ്

Jan 28, 2023


Mentalist Aadhi
Premium

15:03

അതീന്ദ്രിയ ശക്തികളോ മനസ്സ് വായിക്കാനോ ഉള്ള കഴിവോ മെന്റലിസത്തിന് ഇല്ല

Jan 25, 2023

Most Commented