കണ്ണൂര്‍: വ്യാജ വാട്സാപ്പ് ഗ്രൂപ്പ് വഴി സ്ത്രീയെ അപമാനിച്ചതിന് കണ്ണൂര്‍ ടൗണ്‍ പോലീസ് ഒരാളുടെപേരില്‍ കേസെടുത്തു. പാലക്കാട് കയറാടി കന്ദളത്തെ പുത്തന്‍ വീട്ടില്‍ ജിബിന്‍ ബിജുവിന്റെ പേരിലാണ് കേസ്. ഫെയ്സ്ബുക്കില്‍ കണ്ണൂര്‍ ജില്ലാ പോലീസ് മേധാവിയുടെ പേരില്‍ വ്യാജമായി 'യതീഷ്ചന്ദ്ര ഐ.പി.എസ്. ഫാന്‍സ്' എന്ന പേജുണ്ടാക്കിയ ഇയാള്‍ ഈ ഗ്രൂപ്പില്‍ പരാതിക്കാരിയായ സ്ത്രീയെ ഉള്‍പ്പെടുത്തുകയും ഒട്ടേറെപ്പേരെ അംഗങ്ങളാക്കുകയും ചെയ്തു. തുടര്‍ന്ന് ഇതിലെ മെമ്പര്‍മാരെ ഉള്‍പ്പെടുത്തി വ്യാജമായി വാട്സാപ്പ് ഗ്രൂപ്പുമുണ്ടാക്കി. ഈ ഗ്രൂപ്പിലും പ്രതി പരാതിക്കാരിയെ അംഗമാക്കി. പിന്നീട് പരാതിക്കാരിയെ വിവാഹം കഴിക്കണമെന്ന ആവശ്യവുമായി വാട്‌സാപ്പിലൂടെ അപകീര്‍ത്തിപ്പെടുത്തി. ഇവരില്‍നിന്ന് 10,000 രൂപ ആവശ്യപ്പെടുകയും ചെയ്തു. സംഭവത്തില്‍ കൂടുതല്‍ അന്വേഷണം നടത്തിവരുന്നതായി പോലീസ് അറിയിച്ചു.
സൂക്ഷിക്കണം, വ്യാജഗ്രൂപ്പുകളെ
പല പ്രമുഖവ്യക്തികളുടെയും പേരില്‍ അവരറിയാതെ നിരവധി വ്യാജ ഫെയ്സ് ബുക്ക് പേജുകളും വാട്സാപ്പ് ഗ്രൂപ്പുകളും ഇന്‍സ്റ്റഗ്രാം അക്കൗണ്ടുകളും പ്രവര്‍ത്തിച്ചുവരുന്നുണ്ട്. ഫാന്‍സ് അസോസിയേഷന്‍ എന്ന രൂപത്തിലും വ്യാജ ഗ്രൂപ്പുകളുണ്ട്. ഇത്തരം വ്യാജ സാമൂഹികമാധ്യമ അക്കൗണ്ടുകള്‍ വഴി വഞ്ചിതരാവാതിരിക്കാന്‍ ശ്രദ്ധിക്കണമെന്ന് ജില്ലാ പോലീസ് അറിയിച്ചു.
Content Highlights: abusing woman through whatsapp group; booked case in kannur
Also Watch
RELATED STORIES
IN CASE YOU MISSED IT
Premium
.jpg?$p=aa62323&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..