കമിതാക്കളായ 17-കാരനും 14-കാരിയും വീട് വിട്ടിറങ്ങി; ത്രിപുരയില്‍നിന്ന് വിമാനം കയറിയത് ചെന്നൈയിലേക്ക്


പ്രതീകാത്മക ചിത്രം | AP

ചെന്നൈ: ത്രിപുരയിൽനിന്ന് വീട് വിട്ടിറങ്ങിയ 17-കാരനും കാമുകിയായ 14-കാരിയും വിമാനത്തിൽ പറന്നത് ചെന്നൈയിലേക്ക്. പക്ഷേ, സ്വീകരിക്കാൻ വരാമെന്ന് പറഞ്ഞ കൂട്ടുകാരൻ പറ്റിച്ചപ്പോൾ ഇരുവരുടെയും യാത്ര മുടങ്ങി. ഒടുവിൽ കമിതാക്കളെ കണ്ടെത്തിയ പോലീസ് ഇവരെ സുരക്ഷിതമായി ചൈൽഡ് ലൈനിന് കൈമാറി.

ഒക്ടോബർ 19-നാണ് ചെന്നൈ വിമാനത്താവളത്തിലെത്തിയ രണ്ട് കൗമാരക്കാർ പോലീസിനെയും അധികൃതരെയും കുഴക്കിയത്. രാത്രി മുഴുവൻ വിമാനത്താവളത്തിൽ കറങ്ങിനടന്ന 17-കാരനെയും 14-കാരിയെയും പോലീസ് നേരത്തെ തന്നെ ശ്രദ്ധിച്ചിരുന്നു. മണിക്കൂറുകൾ കഴിഞ്ഞിട്ടും ഇരുവരും വിമാനത്താവളത്തിനകത്ത് തുടർന്നതോടെ പോലീസ് ചൈൽഡ് ലൈനിൽ വിവരമറിയിച്ചു. ചൈൽഡ് ലൈൻ പ്രവർത്തകരെത്തി കാര്യങ്ങൾ ചോദിച്ചതോടെയാണ് യാത്രയുടെ വിശദാംശങ്ങൾ മനസിലായത്.

തങ്ങൾ പ്രണയത്തിലാണെന്നും സ്ഥലങ്ങൾ കാണാനാണ് ചെന്നൈയിലേക്ക് വന്നതെന്നുമായിരുന്നു ഇവരുടെ മറുപടി. പെൺകുട്ടിയ്ക്ക് വിമാനത്തിൽ കയറണമെന്ന ആഗ്രഹം പൂർത്തീകരിക്കുകയെന്നതും യാത്രയ്ക്ക് പിന്നിലെ കാരണമായിരുന്നു. വീട് വിട്ടിറങ്ങിയ കമിതാക്കൾ ത്രിപുരയിലെ അഗർത്തലയിൽനിന്ന് ആദ്യം കൊൽക്കത്തയിലേക്കാണ് വിമാനം കയറിയത്. അവിടെനിന്ന് ചെന്നൈയിലും എത്തി. ചെന്നൈയിൽ വിമാനമിറങ്ങിയാൽ സ്വീകരിക്കാൻ വരാമെന്ന് 17-കാരന്റെ സുഹൃത്ത് പറഞ്ഞിരുന്നു. പക്ഷേ, സുഹൃത്ത് വരാതിരുന്നതോടെ ഇരുവർക്കും വിമാനത്താവളത്തിനകത്ത് തന്നെ സമയം ചിലവഴിക്കേണ്ടിവന്നു.

രാത്രി മുഴുവൻ വിമാനത്താവളത്തിൽ കറങ്ങിനടന്ന കമിതാക്കളെക്കുറിച്ച് പോലീസ് ചൈൽഡ് ലൈനിൽ വിവരമറിയിച്ചിരുന്നു. തുടർന്ന് ചൈൽഡ് ലൈൻ പ്രവർത്തകരെത്തി കാര്യങ്ങൾ ചോദിച്ചറിഞ്ഞു. മൊബൈൽ ഫോണുകളിൽനിന്ന് രക്ഷിതാക്കളുടെ നമ്പറുകളും ആധാർ കാർഡ് വിവരങ്ങളും ലഭിച്ചതോടെ വീട്ടുകാരെ ഫോണിൽ വിളിച്ച് വിവരമറിയിച്ചു. ത്രിപുരയിലെ ചൈൽഡ് ലൈൻ അധികൃതരെ ബന്ധപ്പെട്ട് ഇക്കാര്യങ്ങൾ സ്ഥിരീകരിക്കുകയും ചെയ്തു. ഒടുവിൽ ത്രിപുരയിൽനിന്ന് പെൺകുട്ടിയുടെ ബന്ധുവും രണ്ട് ഉദ്യോഗസ്ഥരും ചെന്നൈയിലെത്തിയാണ് ഇവരെ തിരികെ കൊണ്ടുപോയത്.

Content Highlights:17 year old boy and his lover 14 year old girl secretly fly to chennai from tripura



Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
marriage

1 min

ചെന്നൈയിലെ ഫ്‌ളാറ്റില്‍ ലളിതമായ ചടങ്ങ്; പ്രിയദര്‍ശന്റേയും ലിസിയുടേയും മകന്‍ സിദ്ധാര്‍ഥ് വിവാഹിതനായി

Feb 3, 2023


car catches fire

4 min

കുഞ്ഞുവാവയെ കിട്ടാന്‍ ആസ്പത്രിയിലേക്ക്, അച്ഛനും അമ്മയും നഷ്ടപ്പെട്ട് ശ്രീപാര്‍വതി; കണ്ണീരണിഞ്ഞ് നാട്

Feb 3, 2023


dr jose sebastian

4 min

'അക്കിടിമറയ്ക്കാൻ കുറ്റം കേന്ദ്രത്തിന്, മധ്യവര്‍ഗത്തിനുവേണ്ടി സാധാരണക്കാരനുമേല്‍ നികുതി ചുമത്തുന്നു'

Feb 3, 2023

Most Commented