കശ്മീരില്‍ യൂട്യൂബ് താരത്തെ ഭീകരര്‍ വെടിവെച്ച് കൊന്നു; ബന്ധുവായ പത്തുവയസ്സുകാരനും വെടിയേറ്റു


ടി.വി. പരിപാടികളിലും സംഗീത ആല്‍ബങ്ങളിലും അഭിനയിച്ചിട്ടുള്ള അമ്രീന്‍ ഭട്ട് സാമൂഹികമാധ്യമങ്ങളിലും സജീവമായിരുന്നു.

കൊല്ലപ്പെട്ട അമ്രീൻ ഭട്ട്

ശ്രീനഗര്‍: ജമ്മു കശ്മീരില്‍ യൂട്യൂബ് താരമായ യുവതിയെ ഭീകരര്‍ വീട്ടില്‍ക്കയറി വെടിവെച്ച് കൊന്നു. കശ്മീരിലെ ബുദ്ഗാം സ്വദേശിയായ അമ്രീന്‍ ഭട്ടിനെ(35)യാണ് കൊലപ്പെടുത്തിയത്. ബുധനാഴ്ച രാത്രി എട്ടുമണിയോടെയായിരുന്നു സംഭവം. വെടിവെയ്പ്പില്‍ യുവതിയുടെ സഹോദരപുത്രനായ പത്തുവയസ്സുകാരനും പരിക്കേറ്റിട്ടുണ്ട്. ആക്രമണത്തിന് പിന്നില്‍ ലഷ്‌കര്‍ ഇ-തൊയിബ ഭീകരരാണെന്ന് പോലീസ് സ്ഥിരീകരിച്ചു.

രാത്രി എട്ടുമണിയോടെയാണ് മൂന്ന് ഭീകരര്‍ അമ്രീന്റെ വീട്ടിലെത്തി വെടിയുതിര്‍ത്തത്. കഴുത്തില്‍ വെടിയേറ്റ ഇവരെ ഉടന്‍തന്നെ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. അമ്രീന്റെ സഹോദരപുത്രനായ പത്തുവയസ്സുകാരന് കൈയിലാണ് വെടിയേറ്റത്. കുട്ടിയുടെ ആരോഗ്യനില തൃപ്തികരമാണെന്ന് ആശുപത്രി അധികൃതര്‍ പറഞ്ഞു.

വെടിവെയ്പ്പിന് പിന്നാലെ പ്രദേശം പോലീസ് വളഞ്ഞു. ആക്രമണം നടത്തിയ ഭീകരര്‍ക്കായി തിരച്ചില്‍ തുടരുകയാണെന്നും പോലീസ് അറിയിച്ചു.

ടി.വി. പരിപാടികളിലും സംഗീത ആല്‍ബങ്ങളിലും അഭിനയിച്ചിട്ടുള്ള അമ്രീന്‍ ഭട്ട് സാമൂഹികമാധ്യമങ്ങളിലും സജീവമായിരുന്നു. യൂട്യൂബിനും ഇന്‍സ്റ്റഗ്രാമിലും ഒട്ടേറെപേരാണ് ഇവരെ പിന്തുടരുന്നത്. കഴിഞ്ഞദിവസം കശ്മീരിലെ സൗറയില്‍ ഒരു പോലീസുകാരനെയും ഭീകരവാദികള്‍ വെടിവെച്ച് കൊലപ്പെടുത്തിയിരുന്നു. ആക്രമണത്തില്‍ പോലീസുകാരന്റെ ഒമ്പതുവയസ്സുള്ള മകള്‍ക്ക് ഗുരുതരമായ പരിക്കേല്‍ക്കുകയും ചെയ്തു. ഇതിനുപിന്നാലെയാണ് ബുദ്ഗാമില്‍ യുവതിയെ വീട്ടില്‍ കയറി വെടിവെച്ച് കൊലപ്പെടുത്തിയിരിക്കുന്നത്.

Content Highlights: youtuber killed by terrorist in kashmir

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022

Most Commented