നഗ്നചിത്രം പ്രചരിപ്പിച്ചത് മറ്റൊരുപേരില്‍; ഡോക്ടറെ കൊന്ന കാമുകിയും കൂട്ടുകാരും ആര്‍ക്കിടെക്റ്റുമാര്‍


ബി.ടി.എം. ലേഔട്ടില്‍ വീട് വാടകയ്‌ക്കെടുത്ത് ഇരുവരും താമസം തുടങ്ങി. ഈ മാസം എട്ടിനാണ് പ്രതിഭ തന്റെ നഗ്‌നചിത്രങ്ങള്‍ സാമൂഹികമാധ്യമത്തില്‍ പ്രചരിക്കുന്നത് കണ്ടത്.

പ്രതിഭ, ഗൗതം, സുശീൽ

ബെംഗളൂരു: നഗ്‌നചിത്രങ്ങള്‍ സാമൂഹികമാധ്യമങ്ങളിലൂടെ പ്രചരിപ്പിച്ച ഡോക്ടറെ കാമുകിയും കൂട്ടുകാരും ചേര്‍ന്ന് മര്‍ദിച്ചുകൊന്നു. ബെംഗളൂരു ന്യൂ മൈക്കോ ലേഔട്ടിലാണ് സംഭവം. തമിഴ്നാട് സ്വദേശി എന്‍. വികാസാണ് (27) കൊല്ലപ്പെട്ടത്. വികാസിനൊപ്പം താമസിച്ചിരുന്ന സുഹൃത്ത് പ്രതിഭ (24), പ്രതിഭയുടെ കൂട്ടുകാരായ ഗൗതം (24), സുശീല്‍ (27), സൂര്യ (25) എന്നിവരെ പോലീസ് അറസ്റ്റുചെയ്തു.

ഈമാസം 10-നാണ് വികാസിന് മര്‍ദനമേറ്റത്. അബോധാവസ്ഥയിലായിരുന്ന ഇയാളെ ആശുപത്രിയില്‍ പ്രവേശിപ്പിച്ചെങ്കിലും മരിച്ചു. കഴിഞ്ഞദിവസമാണ് ബേഗൂര്‍ പോലീസ് യുവതിയെയും സുഹൃത്തുക്കളെയും അറസ്റ്റുചെയ്തത്. മൂന്നുപേരും ആര്‍ക്കിടെക്റ്റുമാരാണ്.

യുക്രൈനില്‍ പഠനം പൂര്‍ത്തിയാക്കിയ വികാസ് ഒരുവര്‍ഷംമുമ്പാണ് മെഡിക്കല്‍ കൗണ്‍സിലിന്റെ സ്‌ക്രീനിങ് പരീക്ഷാപരിശീലനത്തിനായി ബെംഗളൂരുവിലെത്തിയത്. ഇതിനിടെ പ്രതിഭയെ പരിചയപ്പെട്ടു. തുടര്‍ന്ന് ബി.ടി.എം. ലേഔട്ടില്‍ വീട് വാടകയ്‌ക്കെടുത്ത് ഇരുവരും താമസം തുടങ്ങി. ഈ മാസം എട്ടിനാണ് പ്രതിഭ തന്റെ നഗ്‌നചിത്രങ്ങള്‍ സാമൂഹികമാധ്യമത്തില്‍ പ്രചരിക്കുന്നത് കണ്ടത്. സംശയംതോന്നിയ ഇവര്‍ വികാസിന്റെ കംപ്യൂട്ടര്‍ പരിശോധിച്ചതോടെ ഇയാളാണ് മറ്റൊരുപേരില്‍ ചിത്രങ്ങള്‍ പ്രചരിപ്പിക്കുന്നതെന്ന് വ്യക്തമായത്. ഇതോടെ യുവതി സൃഹൃത്തുക്കളെ വിവരമറിയിച്ചു. പിന്നീട് സുശീലിന്റെ വീട്ടിലേക്ക് വിളിച്ചുവരുത്തിയ വികാസിനെ നാലുപേരും ചേര്‍ന്ന് ചോദ്യംചെയ്യുകയും ഇരുമ്പുവടി, വെള്ളക്കുപ്പി എന്നിവകൊണ്ട് മര്‍ദിക്കുകയുമായിരുന്നു. അബോധാവസ്ഥയിലായ വികാസിനെ ഇവര്‍തന്നെ ആശുപത്രിയിലെത്തിച്ചു.

ഫോണ്‍ചെയ്യാനായി പുറത്തിറങ്ങിയപ്പോള്‍ വികാസും മറ്റുള്ളവരും തമ്മില്‍ തര്‍ക്കമുണ്ടാകുകയായിരുന്നുവെന്നാണ് പ്രതിഭ നല്‍കിയ മൊഴി. സംഭവത്തില്‍ വിശദമായ അന്വേഷണം നടത്തുകയാണെന്ന് പോലീസ് അറിയിച്ചു

Content Highlights: young doctor killed by lover and her friends in bengaluru


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


xi jinping

2 min

ചൈനയില്‍ അട്ടിമറിയോ? 9000-ലേറെ വിമാനങ്ങള്‍ റദ്ദാക്കിയെന്ന് അഭ്യൂഹം; ഹൈസ്പീഡ് ട്രെയിനുകള്‍ നിര്‍ത്തി?

Sep 25, 2022

Most Commented