പ്രതീകാത്മക ചിത്രം | മാതൃഭൂമി
ലഖ്‌നൗ: ഉത്തര്‍പ്രദേശിലെ മുസാഫര്‍നഗറില്‍ ഭര്‍ത്താവിന്റെ കണ്മുന്നിലിട്ട് യുവതിയെ കൂട്ടബലാത്സംഗം ചെയ്ത കേസില്‍ പത്ത് പേര് അറസ്റ്റില്‍. യുവതിയെ ബലാത്സംഗം ചെയ്ത നാലുപേരും ഇവര്‍ക്കൊപ്പമുണ്ടായിരുന്ന ആറുപേരെയുമാണ് പോലീസ് പിടികൂടിയത്. പ്രതികളില്‍ രണ്ടുപേര്‍ പ്രായപൂര്‍ത്തിയാകാത്തവരാണെന്നും പോലീസ് പറഞ്ഞു.
ചൊവ്വാഴ്ച രാത്രിയാണ് ഭര്‍ത്താവിനെ മര്‍ദിച്ച് മരത്തില്‍ കെട്ടിയിട്ട ശേഷം 21-കാരിയെ കൂട്ടബലാത്സംഗം ചെയ്തത്. യുവതിയും 24-കാരനായ ഭര്‍ത്താവും യുവതിയുടെ വീട്ടില്‍നിന്ന് മടങ്ങുന്നതിനിടെയായിരുന്നു സംഭവം. മദ്യലഹരിയില്‍ ബൈക്കിലെത്തിയ പത്തുപേരാണ് രാത്രി റോഡരിലികിട്ട് ദമ്പതിമാരെ ആക്രമിച്ചത്.
യുവതിയുടെ അമ്മയെ കാണാനായാണ് ദമ്പതിമാര്‍ തൊട്ടടുത്ത ഗ്രാമത്തിലേക്ക് പോയത്. എന്നാല്‍ വീട്ടിലുണ്ടായിരുന്ന കുഞ്ഞിന് പനിയുണ്ടെന്ന് അറിഞ്ഞതോടെ ഇരുവരും രാത്രി തന്നെ സ്വന്തം വീട്ടിലേക്ക് മടങ്ങി. രാത്രി ഏറെ വൈകിയതിനാല്‍ വാഹനങ്ങളൊന്നും ലഭിച്ചില്ല. ഇതോടെ ദമ്പതിമാര്‍ നടന്നുപോകാന്‍ തീരുമാനിച്ചു. യാത്രയ്ക്കിടെയാണ് പത്തംഗ സംഘം ബൈക്കുകളിലെത്തിയത്.
ഒരു വിവാഹചടങ്ങില്‍ പങ്കെടുത്ത് മടങ്ങുന്നവരായിരുന്നു ബൈക്കുകളിലുണ്ടായിരുന്നത്. എല്ലാവരും മദ്യലഹരിയിലായിരുന്നു. ബൈക്കുകളില്‍ ഇവരെല്ലാം ആദ്യം ദമ്പതിമാരെ പിന്തുടര്‍ന്നു. യുവതിക്ക് നേരേ അശ്ലീലം പറയാന്‍ തുടങ്ങിയതോടെ ഭര്‍ത്താവ് ഇവരെ ചോദ്യംചെയ്തു. ഇതോടെ യുവാക്കള്‍ ഭര്‍ത്താവിനെ മര്‍ദിക്കുകയും റോഡില്‍നിന്ന് അല്പംമാറിയുള്ള ഒരു മരത്തില്‍ കെട്ടിയിടുകയുമായിരുന്നു. തുടര്‍ന്ന് സംഘത്തിലുണ്ടായിരുന്ന നാലുപേര്‍ യുവതിയെ കൂട്ടബലാത്സംഗത്തിനിരയാക്കുകയും ചെയ്തു.
ഉപദ്രവിക്കരുതെന്ന് ദമ്പതിമാര്‍ കരഞ്ഞുപറഞ്ഞെങ്കിലും പ്രതികള്‍ ചെവികൊണ്ടില്ല. നാലുപേര്‍ യുവതിയെ ബലാത്സംഗം ചെയ്യുമ്പോള്‍ സംഘത്തിലുണ്ടായിരുന്ന ബാക്കി ആറുപേരും ഇത് കണ്ടുനില്‍ക്കുകയായിരുന്നു.
യുവതിയെ ക്രൂരമായി ആക്രമിച്ച ശേഷമാണ് പ്രതികള്‍ സംഭവസ്ഥലത്തുനിന്ന് മടങ്ങിയത്. വിവരം പോലീസിനെ അറിയിച്ചാല്‍ അതിന്റെ ഭവിഷത്തുകള്‍ നേരിടേണ്ടിവരുമെന്നും ഭീഷണിപ്പെടുത്തി. വീട്ടിലെത്തിയ ദമ്പതിമാര്‍ കുടുംബാംഗങ്ങളോടാണ് ആദ്യം വിവരം വെളിപ്പെടുത്തിയത്. ബുധനാഴ്ച രാവിലെ കുടുംബാംഗങ്ങളുടെ പിന്തുണയോടെ പോലീസില്‍ പരാതി നല്‍കുകയായിരുന്നു.
ആക്രമണത്തിനിടെ പ്രതികളില്‍ ചിലര്‍ പേര് വിളിച്ചത് യുവതി ശ്രദ്ധിച്ചിരുന്നു. ഈ പേരുകളും യുവതി പോലീസിന് നല്‍കിയ മൊഴിയില്‍ വ്യക്തമാക്കിയിരുന്നു. തുടര്‍ന്നാണ് പോലീസ് സംഘം അന്വേഷണം നടത്തി പത്ത് പേരെയും അറസ്റ്റ് ചെയ്തത്. പ്രതികളില്‍ രണ്ടുപേര്‍ പ്രായപൂര്‍ത്തിയാകാത്തവരാണെന്നും ഇവരെ ജുവനൈല്‍ ഹോമിലേക്ക് അയച്ചതായും എസ്.എസ്.പി. അഭിഷേക് യാദവ് പറഞ്ഞു.
Content Highlights: woman gang raped in front of husband in uttar pradesh 10 accused arrested
Also Watch
RELATED STORIES
.jpg?$p=58db1bc&f=1x1&w=100&q=0.8)
IN CASE YOU MISSED IT
.jpg?$p=56c1500&q=0.8&f=16x11&w=104)
.jpg?$p=cce9be6&q=0.8&f=16x11&w=104)
.jpg?$p=79c0b37&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..