വിദ്യാ രാഘവൻ
വര്‍ക്കല: വര്‍ക്കലയിലെ സ്വകാര്യ റിസോര്‍ട്ടിലെ സ്വിമ്മിങ് പൂളില്‍ നീന്തുന്നതിനിടെ ഉത്തര്‍പ്രദേശ് സ്വദേശിനി കുഴഞ്ഞുവീണ് മരിച്ചു. വര്‍ക്കല സൗത്ത് ക്ലിഫിലെ എലിക്‌സര്‍ ബീച്ച് റിസോര്‍ട്ടില്‍ ചൊവ്വാഴ്ച വൈകുന്നേരം 4:30-ഓടെയായിരുന്നു സംഭവം. ഉത്തര്‍ പ്രദേശിലെ ലക്നൗ ഗോമട്ടിനഗര്‍ 5/35 വിപുല്‍ കാന്തില്‍ വിദ്യാ രാഘവന്‍(59) ആണ് മരിച്ചത്.
വര്‍ക്കല കുരയ്ക്കണ്ണി വലിയവീട്ടില്‍ ക്ഷേത്രത്തിനു സമീപം ദേവപ്രജ വില്ലയില്‍ കഴിഞ്ഞ മൂന്ന് മാസമായി വാടകയ്ക്ക് താമസിച്ചുവരികയായിരുന്നു ഇവര്‍. വിനോദസഞ്ചാരിയായി എത്തിയ ഇവര്‍ ഓണ്‍ലൈന്‍ ക്ലാസ് അധ്യാപിക കൂടിയായിരുന്നു. പതിവായി ഇവര്‍ പെരുംകുളത്തെ റിസോര്‍ട്ടില്‍ സ്വിമ്മിങ് പൂളില്‍ നീന്താന്‍ എത്തുമായിരുന്നു. ചൊവ്വാഴ്ച 3.30-ഓടെ എത്തിയ ഇവര്‍ നീന്തുന്നതിനിടെ കുഴഞ്ഞുവീഴുകയായിരുന്നു. ഉടനെ റിസോര്‍ട്ട് അധികൃതര്‍ പ്രാഥമിക ശുശ്രൂഷ നല്‍കിയശേഷം വര്‍ക്കല താലൂക്ക് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. വിവരമറിഞ്ഞ് വര്‍ക്കല പോലീസ് സ്ഥലത്തെത്തി നടപടികള്‍ സ്വീകരിച്ചു. മൃതദേഹം താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.
ഇവര്‍ക്ക് ഓസ്‌ട്രേലിയന്‍ പൗരത്വമുള്ളതായും ബന്ധുക്കളെ വിവരം അറിയിക്കുന്നതിനുള്ള നടപടികള്‍ സ്വീകരിച്ചതായും പോലീസ് അറിയിച്ചു.
Content Highlights: woman died in swimming pool in a resort in varkala
Also Watch
RELATED STORIES
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..