പ്രതീകാത്മക ചിത്രം
പാലക്കാട്: ഗോവിന്ദാപുരം, നടുപ്പുണി മോട്ടോര്‍വാഹന ചെക്പോസ്റ്റുകളില് വിജിലന്‍സ് മിന്നല്‍പ്പരിശോധന നടത്തി. ഡ്യൂട്ടികഴിഞ്ഞുമടങ്ങിയ ജീവനക്കാരനില്‍നിന്ന് രേഖകളില്ലാതെ കടത്തിയ 26,500 രൂപ പിടികൂടി. ചരക്കുവാഹനങ്ങളില്‍നിന്ന് കൈക്കൂലിവാങ്ങി പരിശോധനകൂടാതെ കടത്തിവിടുന്നുണ്ടെന്ന വിവരത്തെത്തുടര്‍ന്ന് വിജിലന്‍സ് രഹസ്യമായി ചെക്പോസ്റ്റുകളും പരിസരവും നിരീക്ഷണത്തിലാക്കിയിരുന്നു.
കൈക്കൂലിയായി വാങ്ങുന്നപണം ഇടനിലക്കാരുടെ കൈവശം നല്‍കുന്നുവെന്നും പിന്നീട് ഉദ്യോഗസ്ഥര്‍ ഡ്യൂട്ടികഴിഞ്ഞുപോകുമ്പോള്‍ തിരികെ വാങ്ങുന്നുണ്ടെന്നുമാണ് വിജിലന്‍സിനുലഭിച്ചവിവരം.
വെള്ളിയാഴ്ചരാവിലെ 8.45ന് ഗോവിന്ദാപുരം ചെക്പോസ്റ്റില്‍നിന്ന് ജോലികഴിഞ്ഞ് കാറില്‍ മടങ്ങുകയായിരുന്ന ഓഫീസ് അസിസ്റ്റന്റിനെ പിന്തുടരുകയും കൈവശമുള്ള ബാഗില്‍നിന്ന് 26,500 രൂപ കണ്ടെടുക്കുകയുമായിരുന്നെന്ന് വിജിലന്‍സ് സംഘം പറഞ്ഞു. കൈവശമുള്ള തുകയ്ക്ക് വ്യക്തമായവിവരം നല്‍കാന്‍ ഇദ്ദേഹത്തിന് കഴിയാത്തതിനാല്‍ വിജിലന്‍സ് കസ്റ്റഡിയിലെടുക്കുകയായിരുന്നു.
ചെക്പോസ്റ്റ് കൗണ്ടര്‍ ഡ്യൂട്ടിയിലുണ്ടായിരുന്ന എ.എം.വി.ഐ.യുടെ മേശവലിപ്പില്‍നിന്ന് അനധികൃതമായി കണ്ടെത്തിയ 200 രൂപയും വിജിലന്‍സ് കസ്റ്റഡിയിലെടുത്തു. നടുപ്പുണി ചെക്പോസ്റ്റിലെ പരിശോധനയില്‍ എ.എം.വി.ഐ. രജിസ്റ്ററില്‍ രേഖപ്പെടുത്തിയ തുകയില്‍ 3,600 രൂപയുടെ കുറവും കണ്ടെത്തി.
വിജിലന്‍സ് ഡെപ്യൂട്ടി പോലീസ് സൂപ്രണ്ട് എ. ഗംഗാധരന്‍, വിജിലന്‍സ് ഇന്‍സ്‌പെക്ടര്‍ ഡി. ഗിരിലാല്‍, കെ.എ. ബാബു, വിജിലന്‍സ് എസ്.ഐ.മാരായ ജി. മുരളിപ്രസാദ്, ബി. സുരേന്ദ്രന്‍, കെ. മനോജ് കുമാര്‍, സീനിയര്‍ സിവില്‍ പോലീസോഫീസര്‍മാരായ പി.ആര്‍. രമേഷ്, കെ. ഉവൈസ്, പി. പ്രമോദ്, സിവില്‍ പോലീസോഫീസറായ വി. സന്തോഷ് തുടങ്ങിയവരുടെ നേതൃത്വത്തിലായിരുന്നു പരിശോധന.
Content Highlights: vigilance raid in rto checkposts palakkad
Also Watch
RELATED STORIES
IN CASE YOU MISSED IT
.jpg?$p=e1effa9&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..