എക്‌സൈസ് സ്‌പെഷ്യല്‍ ഡ്രൈവ്; പിടിയിലായത് 13.48 കോടിയുടെ മയക്കുമരുന്നും 608 പേരും-എം.ബി രാജേഷ്


സ്ഥിരം കുറ്റവാളികളുടെ ഡാറ്റാ ബാങ്ക് തയ്യാറാക്കലും വിപുലമായ നിരീക്ഷണം ഉറപ്പുവരുത്താനുള്ള തീരുമാനവും എക്‌സൈസ് നടപ്പിലാക്കി വരികയാണ്.

എം.ബി. രാജേഷ് | Photo: Mathrubhumi

തിരുവനന്തപുരം: ലഹരിക്കെതിരെ ജനകീയപ്രതിരോധം ഉയര്‍ത്തുന്നതിനൊപ്പം എന്‍ഫോഴ്‌സ്‌മെന്റ് നടപടികളും സംസ്ഥാനത്ത് ശക്തമാക്കിയതായി തദ്ദേശ സ്വയം ഭരണ എക്‌സൈസ് വകുപ്പ് മന്ത്രി എം ബി രാജേഷ് അറിയിച്ചു. ഓണം സ്‌പെഷ്യല്‍ ഡ്രൈവിന് തുടര്‍ച്ചയായി സെപ്റ്റംബര്‍ 16-ന് മയക്കുമരുന്നിനെതിരെ ആരംഭിച്ച സ്‌പെഷ്യല്‍ ഡ്രൈവില്‍ വെള്ളിയാഴ്ച വരെ 597 കേസുകളിലായി 608 പേര്‍ പിടിയിലായി. തിരുവനന്തപുരത്തും എറണാകുളത്തും കൊല്ലത്തുമാണ് കൂടുതല്‍ കേസുകള്‍. ഡ്രൈവിന്റെ ഭാഗമായി 13.48 കോടി രൂപയുടെ മയക്കുമരുന്നും പിടിച്ചിട്ടുണ്ട്. മയക്കുമരുന്നിനെതിരെയുള്ള എന്‍ഫോഴ്‌സ്‌മെന്റ് നടപടികള്‍ കൂടുതല്‍ ശക്തമാക്കുമെന്ന് മന്ത്രി എം ബി രാജേഷ് അറിയിച്ചു.

സെപ്റ്റംബര്‍ 16 മുതല്‍ ഒക്ടോബര്‍ 6 വരെ 849.7 ഗ്രാം എംഡിഎംഎയാണ് പിടിച്ചത്. വയനാട്, കാസര്‍ഗോഡ്, പാലക്കാട് ജില്ലകളിലാണ് കൂടുതല്‍ എംഡിഎംഎ പിടിച്ചത്. 1.4 കിലോ മെത്താഫെറ്റാമിനും പിടിച്ചു. ഇതില്‍ 1.28 കിലോയും കണ്ണൂരില്‍ നിന്നാണ് കസ്റ്റഡിയിലെടുത്തത്. ഈ കാലയളവില്‍ 99.67കിലോ കഞ്ചാവും 170 കഞ്ചാവ് ചെടികളും എക്‌സൈസ് പിടിച്ചു. 153 ഗ്രാം ഹാഷിഷ് ഓയില്‍, 1.4 ഗ്രാം ബ്രൗണ്‍ ഷുഗര്‍, 9.6 ഗ്രാം ഹെറോയിന്‍, 11.3 ഗ്രാം എല്‍എസ്ഡി സ്റ്റാമ്പ്, 85.2 ഗ്രാം ലഹരി ഗുളികകള്‍ എന്നിവയും കണ്ടെടുത്തിട്ടുണ്ട്.



സ്ഥിരം കുറ്റവാളികളുടെ ഡാറ്റാ ബാങ്ക് തയ്യാറാക്കലും വിപുലമായ നിരീക്ഷണം ഉറപ്പുവരുത്താനുള്ള തീരുമാനവും എക്‌സൈസ് നടപ്പിലാക്കി വരികയാണ്. 3133 പേരെ ഇങ്ങനെ നിരീക്ഷിക്കുന്നുണ്ട്. സ്ഥിരം കുറ്റവാളികളായ 758 പേരെ ഈ കാലയളവില്‍ പരിശോധിച്ചിട്ടുമുണ്ട്. പൊതുജനങ്ങളില്‍ നിന്ന് ഈ കാലയളവില്‍ മയക്കുമരുന്ന് വിഷയവുമായി ബന്ധപ്പെട്ട് 242 പരാതികളും വിവരങ്ങളുമാണ് ലഭിച്ചത്. ഇതില്‍ 235 വിഷയങ്ങളിലും എക്‌സൈസ് നടപടി സ്വീകരിച്ചിട്ടുണ്ട്. വാറന്റ് പ്രതികളുടെ അറസ്റ്റും തുടരുകയാണ്.

മയക്കുമരുന്നിനെതിരെയുള്ള സര്‍ക്കാരിന്റെ പോരാട്ടത്തില്‍ ഓരോ വ്യക്തിയും പങ്കാളികളാകണമെന്ന് മന്ത്രി അഭ്യര്‍ഥിച്ചു. ലഹരി വ്യാപനം തടയിടാനുള്ള പ്രവര്‍ത്തനം പൊതുസമൂഹം ഏറ്റെടുക്കണം. സ്‌കൂള്‍ പിടിഎകള്‍, വിദ്യാര്‍ഥി കൂട്ടായ്മകള്‍, സ്റ്റുഡന്‍ന്റ് പോലീസ് കേഡറ്റ്, യുവജനസംഘടനകള്‍ ഉള്‍പ്പെടെയുള്ളവര്‍ ഇതിനായി രംഗത്തിറങ്ങണം. ലഹരി ഒഴുക്കിന് തടയിടാന്‍ കൂടുതല്‍ ശക്തമായ എന്‍ഫോഴ്‌സ്‌മെന്റ് നടപടികളുമായി സര്‍ക്കാര്‍ മുന്നോട്ടുപോവുകയാണെന്നും മന്ത്രി അറിയിച്ചു.

Content Highlights: valicheriyoo vishalokam anti drugs campaign 2022 mb rajesh


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


vizhinjam

2 min

പോലീസുകാരെ സ്‌റ്റേഷനിലിട്ട് കത്തിക്കുമെന്ന് ഭീഷണിമുഴക്കി; 85 ലക്ഷം രൂപയുടെ നാശനഷ്ടമെന്ന് FIR

Nov 28, 2022


'ഷിയും കമ്മ്യൂണിസ്റ്റുപാര്‍ട്ടിയും തുലയട്ടെ'; കോവിഡ് നിയന്ത്രണങ്ങള്‍ക്കെതിരെ ചൈനയില്‍ വന്‍ പ്രതിഷേധം

Nov 27, 2022

Most Commented