തീൻമേശയിലൂടെ തീവ്രവാദത്തിലെത്തിയ ഹംസ.. ഐ.എസ്. കേസില്‍ ഏഴ് വര്‍ഷം തടവ്


വളപട്ടണം ഐഎസ് കേസിലെ പ്രതികൾ

തലശ്ശേരി: വളപട്ടണം ഐ.എസ്. കേസിൽ ശിക്ഷിക്കപ്പെട്ടവരിൽ തലശ്ശേരി ചിറക്കര കുഴിപ്പങ്ങാട് തൗഫീഖിൽ യു.കെ. ഹംസ ഇബ്രാഹിം (61) എന്ന ‘ബിരിയാണി ഹംസ’യും. തീൻമേശയിൽനിന്ന് തീവ്രവാദത്തിന്റെ വഴിയിലെത്തിയ ആളാണ് ഹംസ. പാചകത്തിലൂടെ നാട്ടുകാരുടെ കൈയിലെടുത്ത ഹംസ വിദേശത്തും പാചകവിദഗ്ധനായിരുന്നു. ബഹ്‌റൈനിൽ പാചകക്കാരനായിട്ടാണ് ഹംസയുടെ പ്രവാസജീവിതം തുടങ്ങിയത്. 1991-ൽ സൗദിയിലെത്തി. അവിടെ സജൻ ഫാസ്റ്റ്ഫുഡ് കടയിൽ സലാഡ് മാസ്റ്ററായി. കടയിൽ ജോലി ചെയ്യവേ ഖത്തർ വ്യവസായമന്ത്രി അബ്ദുൾ അസീസ് അഹമ്മദ് അലി അൽത്താനിയുടെ പാചകസംഘത്തിൽ അംഗമായി. ദീർഘനാൾ അവിടെ ജോലി ചെയ്തു. ചൈനീസ്, അറേബ്യൻ സലാഡുകൾ ഉണ്ടാക്കുന്നതിൽ വിദഗ്ധനായി. സലാഡ് നിർമാണത്തിൽ പുരസ്കാരങ്ങൾ നേടി.

ഉന്നതവ്യക്തികളുമായി പാചകത്തിലൂടെ ബന്ധം സ്ഥാപിച്ചു. പ്രവാസജീവിതത്തിനുശേഷം നാട്ടിലെത്തിയ ഹംസ ‘അറേബ്യൻ കിച്ചൺ’ എന്ന പേരിൽ തലശ്ശേരിയിൽ കാറ്ററിങ് സർവീസ് തുടങ്ങി. വീട്ടിൽ തന്നെയായിരുന്നു പാചകം.

സഹായികൾ കുടുംബാംഗങ്ങളും. അറേബ്യൻവിഭവങ്ങളായ കുഴിമന്തി, ഹമൂസ്, മുത്തബൻ എന്നിവ തലശ്ശേരിക്കാരെ പരിചയപ്പെടുത്തിയത് ഹംസയാണ്. തീവ്രവാദക്കേസിൽ അറസ്റ്റിലായതോടെ ഹംസയുടെ തീവ്രവാദബന്ധം പുറംലോകമറിഞ്ഞത്. എന്നും രാവിലെ മാർക്കറ്റിലെത്തിയ ഹംസ തലശ്ശേരിക്കാർക്ക് സുപരിചിതനായിരുന്നു.

വളപട്ടണം ഐ.എസ്. കേസിൽ പ്രതികൾക്ക് കഠിനതടവ്

കൊച്ചി: വളപട്ടണം ഐ.എസ്. കേസിൽ കുറ്റക്കാരായി എൻ.ഐ.എ. കോടതി കണ്ടെത്തിയ രണ്ടുപ്രതികൾക്ക് ഏഴുവർഷവും ഒരുപ്രതിക്ക് ആറുവർഷവും കഠിനതടവ് വിധിച്ചു.

ഒന്നാംപ്രതി കണ്ണൂർ ചക്കരക്കല്ല് മുണ്ടേരി മിഥിലജ് (31), അഞ്ചാംപ്രതി തലശ്ശേരി ചിറക്കര യു.കെ. ഹംസ (61) എന്നിവർക്കാണ് ഏഴുവർഷം കഠിനതടവും 50,000 രൂപ പിഴയും ചുമത്തിയത്. രണ്ടാംപ്രതി വളപട്ടണം ചെക്കിക്കുളം അബ്ദുൽറസാഖിനു (28) ആറുവർഷം കഠിനതടവും 40,000 രൂപ പിഴയുമാണ് വിധിച്ചത്. വിചാരണത്തടവുകാരായി അഞ്ചുവർഷം ശിക്ഷയിൽനിന്ന് ഇളവുചെയ്യും. പിഴയടച്ചില്ലെങ്കിൽ ഒരുവർഷം അധികതടവ് അനുഭവിക്കണം. ജഡ്ജി അനിൽ കെ. ഭാസ്കറാണ് ശിക്ഷവിധിച്ചത്.

ഭീകരസംഘടനയിൽ അംഗമായി ഇന്ത്യയുടെ സൗഹൃദരാജ്യമായ സിറിയയ്ക്കെതിരേ പോരാടുക, ഭീകരസംഘടനയെ സഹായിക്കുക, ഗൂഢാലോചന നടത്തുക തുടങ്ങിയ കുറ്റങ്ങളാണ് പ്രതികൾക്കെതിരേ ചുമത്തിയത്. മിഥിലജിനും ഹംസയ്ക്കും 21 വർഷം കഠിനതടവാണു വിധിച്ചതെങ്കിലും ഒരുമിച്ച് ഏഴുവർഷം അനുഭവിച്ചാൽമതി.

ഇവരെ സഹായിച്ച കുറ്റത്തിനും ഗൂഢാലോചനയ്ക്കും റസാഖിനു 12 വർഷം കഠിനതടവു വിധിച്ചെങ്കിലും ഒരുമിച്ച്‌ ആറുവർഷം ശിക്ഷ അനുഭവിച്ചാൽമതി.

Content Highlights: Valapattanam IS case: NIA court sentences two accused to 7 years in jail, one gets 6 years

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022


shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022

Most Commented