ഉത്ര വധക്കേസ്: സൂരജാണ് കുറ്റവാളിയെന്ന് തെളിയിക്കുന്ന 12 സാഹചര്യങ്ങള്‍ നിരത്തി പ്രോസിക്യൂഷന്‍


File Photo

കൊല്ലം : ഉത്ര വധക്കേസിൽ സൂരജാണ് കുറ്റവാളിയെന്നു തെളിയിക്കുന്ന 12 സാഹചര്യങ്ങൾ നിരത്തി പ്രോസിക്യൂഷൻ വാദം. കൊല്ലം ആറാം അഡീഷനൽ സെഷൻസ് കോടതി മുൻപാകെയാണ് സ്പെഷ്യൽ പബ്ലിക് പ്രോസിക്യൂട്ടർ ജി.മോഹൻരാജ് തെളിവുകൾ നിരത്തിയത്.

കഴിഞ്ഞവർഷം ജനുവരിയിൽ, ഉത്രയ്ക്ക് സഹിക്കാനാകാത്ത പീഡനങ്ങളാണ് ഭർത്തൃഗൃഹത്തിലെന്ന് ബോധ്യപ്പെട്ട് വിളിച്ചുകൊണ്ടുവരാൻ ചെന്ന മാതാപിതാക്കളോട് ഇനി പ്രശ്നങ്ങളുണ്ടാകില്ലെന്ന് സൂരജ് ഉറപ്പുനൽകി. അന്നുമുതലാണ് സൂരജ് ഉത്രയെ പാമ്പിനെ ഉപയോഗിച്ച് കൊലപ്പെടുത്താൻ ഗൂഢാലോചന തുടങ്ങിയത്. ജനുവരിമുതൽ അണലിയെപ്പറ്റിയും പാമ്പുപിടിത്തക്കാരൻ ചാവർകാവ് സുരേഷിനെപ്പറ്റിയും ഇന്റർനെറ്റിൽ തിരഞ്ഞു. കഴിഞ്ഞകൊല്ലം ഫെബ്രുവരി 12 മുതൽ സുരേഷുമായി ബന്ധം സ്ഥാപിച്ചു. ഇരുവരും 18-ന് ചാത്തന്നൂരിൽവെച്ച് കണ്ടു.

ഫെബ്രുവരി 24-ന് കല്ലുവാതുക്കൽ ഊഴായ്ക്കോട്ടുനിന്ന് സുരേഷ് പിടിച്ച അണലിയെ സൂരജിനു കൈമാറി. തൊട്ടടുത്തദിവസം മുകളിലെ കിടപ്പുമുറിയിൽനിന്ന് മൊബൈൽ ഫോൺ എടുക്കാൻ പോയ ഉത്ര സ്റ്റെയർകേസിൽ ഒരു പാമ്പിനെ കണ്ടത് യാദൃശ്ചികമല്ലെന്നും അത് കൊലപ്പെടുത്താനുള്ള സൂരജിന്റെ പാളിപ്പോയ ആദ്യശ്രമമായിരുന്നെന്നും പ്രോസിക്യൂഷൻ വാദിച്ചു. ഈവിവരം ഉത്ര മാതാപിതാക്കളോട് പറഞ്ഞത് മരണമൊഴിയെന്ന തെളിവുനിയമത്തിലെ 32-ാം വകുപ്പുപ്രകാരം പ്രസക്തമാണെന്നും പ്രോസിക്യൂട്ടർ വാദിച്ചു.

ഉത്രയ്ക്ക് എങ്ങനെയാണ് കഴിഞ്ഞവർഷം മാർച്ച് മൂന്നിന് പാമ്പുകടിയേറ്റതെന്നോ എത്ര മണിക്കാണ് കടിച്ചതെന്നോ സൂരജ് കോടതി നടപടികളിൽ ഒരിക്കൽപ്പോലും പറഞ്ഞില്ല. അന്നു പുലർച്ചേ 2.54-നുമാത്രമാണ് ഉത്രയെ ആശുപത്രിയിൽ കൊണ്ടുപോകാൻ സുഹൃത്ത് സുജിത്തിനോട് ആവശ്യപ്പെടുന്നത്. വേദനകൊണ്ടു പുളഞ്ഞ ഉത്രയെ ആശുപത്രിയിൽ കൊണ്ടുപോകാൻ താമസിപ്പിച്ചത് മരണം ഉറപ്പാക്കാനായിരുന്നു. കൃത്യവും സന്ദർഭോചിതവുമായ ചികിത്സകൊണ്ടുമാത്രമാണ് ഉത്രയെ അന്ന് രക്ഷിക്കാനായത്. വീട്ടിൽ രണ്ടുവാഹനങ്ങളുണ്ടായിട്ടും സ്വയം ഉത്രയെ ആശുപത്രിയിൽ കൊണ്ടുപോയില്ല. അതിന് കോടതിയിൽ നൽകിയ വിശദീകരണം താനന്ന് മദ്യപിച്ചിരുന്നെന്നാണ്. ഭാര്യയുടെ ജീവൻ രക്ഷിക്കാൻപോലും വാഹനമോടിക്കില്ലെന്ന വാദം സാമാന്യബുദ്ധിക്കു നിരക്കാത്തതാണെന്ന് പ്രോസിക്യൂഷൻ പറഞ്ഞു.

അണലിയുടെ കടിയേറ്റ് ഉത്ര ആശുപത്രിയിൽ കിടക്കുമ്പോൾത്തന്നെ സൂരജ് സുരേഷിനോട് മൂർഖൻ പാമ്പിനെക്കുറിച്ച് തിരക്കിയിരുന്നു. ഒരുമാസത്തിനുശേഷം വീണ്ടും ചാവർകാവ് സുരേഷിനെ വിളിച്ചതും മൂർഖനെ ആവശ്യപ്പെട്ടതും പുഷ്പഗിരി ആശുപത്രിയിൽ ഇരുന്നുകൊണ്ടാണെന്ന് ഫോൺ ടവർ ലൊക്കേഷൻ കാണിച്ച് കോടതിയെ ബോധിപ്പിച്ചു.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


Balussery mob attack

1 min

തോട്ടില്‍ മുക്കി, ക്രൂരമര്‍ദനം; ബാലുശ്ശേരി ആള്‍ക്കൂട്ട ആക്രമണത്തിന്റെ കൂടുതല്‍ ദൃശ്യങ്ങള്‍

Jun 26, 2022


India vs Ireland 1st t20 live at Dublin

1 min

അനായാസം ഇന്ത്യ, ആദ്യ ട്വന്റി 20 യില്‍ അയര്‍ലന്‍ഡിനെ ഏഴുവിക്കറ്റിന് തകര്‍ത്തു

Jun 27, 2022

Most Commented