പിടിക്കാന്‍ പോകുന്നവര്‍ തന്നെ വിവരം നല്‍കും; ഗുണ്ടാനേതാവുമായി ബന്ധം, രണ്ട് പോലീസുകാര്‍ക്കെതിരേ നടപടി


പ്രതീകാത്മക ചിത്രം/മാതൃഭൂമി

കോട്ടയം: കോട്ടയത്ത് ഗുണ്ടാനേതാവുമായി ബന്ധമുള്ള രണ്ട് പോലീസ് ഉദ്യോഗസ്ഥര്‍ക്കെതിരേ നടപടി. ഡി.സി.ആര്‍.ബി. എ.എസ്.ഐ. അരുണ്‍കുമാര്‍, സ്‌പെഷ്യല്‍ ബ്രാഞ്ച് എ.എസ്.ഐ. പി.എന്‍.മനോജ് എന്നിവരെ ജില്ലയ്ക്ക് പുറത്തേക്ക് സ്ഥലംമാറ്റി.

പോലീസ് ഉദ്യോഗസ്ഥര്‍ക്ക് ഗുണ്ടാബന്ധമുണ്ടെന്ന ഐ.ജി.യുടെ റിപ്പോര്‍ട്ടിന് പിന്നാലെ ഇവര്‍ക്കെതിരേ തുടരന്വേഷണത്തിന് പാലാ ഡിവൈ.എസ്.പി.യെ ചുമതലപ്പെടുത്തിയിരുന്നു. ഈ അന്വേഷണത്തിന് പിന്നാലെയാണ് ഇരുവര്‍ക്കുമെതിരേ നടപടി സ്വീകരിച്ചത്. റിപ്പോര്‍ട്ടില്‍ പരാമര്‍ശമുള്ള സൈബര്‍ സെല്‍ സി.ഐ.ക്കെതിരേയും ഉടന്‍ നടപടിയുണ്ടാകും. അതേസമയം, ഗുണ്ടാബന്ധമുണ്ടെന്ന് കണ്ടെത്തിയ ചങ്ങനാശ്ശേരി ഡിവൈ.എസ്.പി. ആര്‍. ശ്രീകുമാറിനെതിരേ നടപടി വൈകുന്നതായും ആക്ഷേപമുണ്ട്.

ഹണിട്രാപ്പ് കേസില്‍ ഗുണ്ടാനേതാവ് അരുണ്‍ഗോപന്‍ അറസ്റ്റിലായതോടെയാണ് പോലീസുകാരുടെ ഗുണ്ടാബന്ധം പുറത്തറിഞ്ഞത്. അരുണ്‍ ഗോപന്റെ അറസ്റ്റ് വൈകിപ്പിച്ചതിലടക്കം പോലീസ് ഉദ്യോഗസ്ഥര്‍ക്ക് പങ്കുണ്ടെന്നായിരുന്നു കണ്ടെത്തല്‍. പോലീസുകാരുമായി ബന്ധമുണ്ടെന്ന് അരുണ്‍ ഗോപന്‍ വെളിപ്പെടുത്തിയതോടെ സ്‌പെഷ്യല്‍ ബ്രാഞ്ച് ഈ വിവരം എസ്.പി.യെ അറിയിച്ചു.

എസ്.പി. ഗുണ്ടാനേതാവിനെ നേരിട്ടെത്തി ചോദ്യംചെയ്തതോടെ പോലീസുകാരുമായുള്ള ബന്ധങ്ങളെക്കുറിച്ചും മാസപ്പടിയെക്കുറിച്ചും കൂടുതല്‍ വിവരങ്ങള്‍ ലഭിക്കുകയായിരുന്നു. ഗുണ്ടാനേതാവിന്റെ ഫോണ്‍വിളിപ്പട്ടിക എടുത്ത എസ്.പി.ക്ക് ബന്ധങ്ങളുടെ ചിത്രം കിട്ടിയെന്നാണ് വിവരം. ഹണി ട്രാപ്പ് കേസില്‍ പോലീസും ഇയാളും നടത്തിയ ഒളിച്ചുകളി പുറത്തായി. പിടിക്കാന്‍ പുറപ്പെടുന്നവര്‍തന്നെ ഇയാളെ മുന്‍കൂര്‍ വിവരം അറിയിച്ചിരുന്നു. തുടര്‍ന്ന് എസ്.പി.യുടെ റിപ്പോര്‍ട്ട് ഡി.ജി.പി.ക്ക് കൈമാറി. ഇതിലാണ് ദക്ഷിണമേഖല ഐ.ജി. അന്വേഷിച്ച് റിപ്പോര്‍ട്ട് നല്‍കിയത്.

അരുണ്‍ഗോപനെ രണ്ടുമാസം മുമ്പാണ് അറസ്റ്റുചെയ്തത്. ഇയാളെ സ്റ്റേഷനിലെത്തിച്ചപ്പോള്‍ ആരോപണവിധേയനായ ഡിവൈ.എസ്.പി. സ്റ്റേഷനിലെത്തി. അകാരണമായിരുന്നു ആ സന്ദര്‍ശനം. തന്റെ അധികാരപരിധിയില്‍ അല്ലാത്ത സ്റ്റേഷനിലെത്തിയാണ് ഡിവൈ.എസ്.പി. പ്രതിയുമായി സംസാരിച്ചത്. സ്റ്റേഷനില്‍ ഗുണ്ടാനേതാവ് ഡിവൈ.എസ്.പി.യോട് കയര്‍ത്തു. സ്റ്റേഷനില്‍ എന്തെങ്കിലും പ്രകോപനം ആസമയത്ത് ഉണ്ടായിരുന്നില്ല.

30 കേസില്‍ പ്രതിയാണ് അരുണ്‍ഗോപന്‍. ഇതരസംസ്ഥാനങ്ങളില്‍നിന്ന് ലഹരികടത്താണ് ഒരു പ്രധാന കുറ്റകൃത്യം. ചിങ്ങവനത്തെ വ്യാപാരിയെ കോട്ടയത്തെത്തിച്ച് സ്ത്രീകള്‍ക്കൊപ്പമിരുത്തി ഫോട്ടോയെടുത്ത് ഹണി ട്രാപ്പ് ഒരുക്കിയതാണ് ഏറ്റവുമൊടുവിലത്തെ പ്രധാന കേസ്. മെഡിക്കല്‍ കോളേജ് പരിസരത്ത് എതിര്‍ ഗുണ്ടാസംഘവുമായി ഏറ്റുമുട്ടിയപ്പോഴും ഇയാള്‍ വാര്‍ത്തകളിലെത്തിയിരുന്നു. നഗരത്തിലെ ഒരുഭാഗത്തെ ലഹരിവിതരണം ഇയാളുടെ സംഘമാണ് നടത്തുന്നത്. കാപ്പ ചുമത്തപ്പെട്ട അരുണ്‍ ഇപ്പോള്‍ ജയിലിലാണ്.

Content Highlights: two police officers transferred from kottayam for maintaining close relation with goonda leader

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022


rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022


Eknath Shinde

1 min

കോടിപതികള്‍, ശ്രീലങ്കയില്‍നിന്ന് ഡോക്ടറേറ്റ്; ഷിന്ദേ മന്ത്രിസഭയില്‍ 75%പേരും ക്രിമിനല്‍ കേസുള്ളവര്‍

Aug 11, 2022

Most Commented