അനന്തു അരവിന്ദ്, ജിതിൻ ലാൽ
മാന്നാര്‍(ആലപ്പുഴ): മയക്കുമരുന്നു നിര്‍മിക്കാന്‍ ഗുളികകളുമായി പോയ രണ്ടു യുവാക്കള്‍ അറസ്റ്റില്‍. ആലപ്പുഴ കൈതവന സനാതനപുരം പടൂര്‍ വീട്ടില്‍ ജിതിന്‍ലാല്‍ (ജിത്തു-22), പഴവീട് ചാക്കുപറമ്പ് വീട്ടില്‍ അനന്തു അരവിന്ദ് (കണ്ണന്‍-24) എന്നിവരെയാണ് മാന്നാര്‍ പോലീസ് അറസ്റ്റുചെയ്തത്.
ആലുംമൂട് ജങ്ഷനു സമീപം വാഹനപരിശോധന നടത്തുമ്പോള്‍ നമ്പരില്ലാത്ത ബൈക്ക് ശ്രദ്ധയില്‍പ്പെട്ടതിനെത്തുടര്‍ന്ന് പരിശോധിച്ചപ്പോഴാണ് ഗുളികകള്‍ കണ്ടെത്തിയത്. ഉറക്കക്കുറവിനും മാനസികപ്രശ്‌നങ്ങള്‍ക്കും മറ്റും നല്‍കുന്ന ഗുളിക ഡോക്ടറുടെ വ്യാജകുറിപ്പടി ഉണ്ടാക്കിയാണ് പ്രതികള്‍ വാങ്ങിയത്.
ജില്ലയിലെ പുതിയ മെഡിക്കല്‍ സ്റ്റോറുകള്‍ കണ്ടെത്തിയാണ് ഇവര്‍ ഗുളിക വാങ്ങുന്നതെന്നും മറ്റു ചേരുവകള്‍കൂടി ചേര്‍ത്ത് കൂടുതല്‍ ലഹരിയുള്ള മയക്കുമരുന്നാക്കിയാണ് ഇവര്‍ കച്ചവടം നടത്തുന്നതെന്നും പോലീസ് പറഞ്ഞു. ആലപ്പുഴ നഗരത്തിലെ പ്രധാന മയക്കുമരുന്നുസംഘത്തിലെ കണ്ണികളാണ് ഇവരെന്ന് പോലീസ് പറഞ്ഞു. കാപ പ്രകാരം ജയിലിലായിരുന്ന അനന്തു അരവിന്ദ് രണ്ടുമാസം മുന്‍പാണ് പുറത്തിറങ്ങിയത്. മാന്നാര്‍ ഇന്‍സ്‌പെക്ടര്‍ എസ്. ജോസ് മാത്യുവിന്റെ നേതൃത്വത്തില്‍ എസ്.ഐ.മാരായ സി.എസ്. അഭിരാം, ജോണ്‍ തോമസ്, ശ്രീകുമാര്‍ എന്നിവരുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.
Content Highlights: two arrested with tablets for drugs production in mannar alappuzha
Also Watch
RELATED STORIES
IN CASE YOU MISSED IT
.jpg?$p=2922c1a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..