ഫൈസൽ, ആഷ്ലി
മാള(തൃശ്ശൂര്‍): കാട്ടിക്കരക്കുന്നിലെ വീട്ടില്‍ സൂക്ഷിച്ചിരുന്ന 42.930 ഗ്രാം എം.ഡി.എം.എ. പിടികൂടി. ഡാന്‍സാഫ് സംഘത്തിന്റെ നേതൃത്വത്തില്‍ മാള പോലീസുമായി ചേര്‍ന്ന് നടത്തിയ പരിശോധനയിലാണ് എം.ഡി.എം.എ. പിടികൂടിയത്. സംഭവത്തില്‍ കുട്ടമുഖത്ത് ഫൈസല്‍ (43), അഷ്ടമിച്ചിറ ചെമ്മലത്ത് ആഷ്ലി (35) എന്നിവരെ പോലീസ് അറസ്റ്റ് ചെയ്തു. ബെംഗളൂരുവില്‍നിന്ന് മൊത്തമായി വാങ്ങിയ എം.ഡി.എം.എ. ചെറുപായ്ക്കറ്റുകളിലാക്കി വില്‍ക്കാനായി സൂക്ഷിച്ചിരുന്നതാണ്. ഇതിന് അഞ്ച് ലക്ഷത്തോളം വിലവരും.
ഫൈസലിന്റെ വീട്ടില്‍നിന്നാണ് എം.ഡി.എം.എ. പിടികൂടിയത്. പോലീസെത്തിയപ്പോള്‍ ഇവിടെ ആഷ്ലിയും ഉണ്ടായിരുന്നു. സ്വകാര്യ കമ്പനിയില്‍ ജോലിക്കാരനാണ് ഫൈസല്‍. ഏതാനും നാളായി ഇവരുടെ പെരുമാറ്റത്തില്‍ സംശയം ഉണ്ടായിരുന്നതായി നാട്ടുകാര്‍ പറഞ്ഞു.
ഡാന്‍സാഫ് ഇന്‍സ്‌പെക്ടര്‍ ബി.കെ. അരുണ്‍, എസ്.ഐ.മാരായ വി.ജി. സ്റ്റീഫന്‍, പി. ജയകൃഷ്ണന്‍, എ.എസ്.ഐ.മാരായ സി.എ. ജോബ്, ടി.ആര്‍. ഷൈന്‍, സീനിയര്‍ സി.പി.ഒ.മാരായ സൂരജ് വി. ദേവ്, മിഥുന്‍ ആര്‍. കൃഷ്ണ, ഐ.ആര്‍. ലിജു തുടങ്ങിയവരുടെ നേതൃത്വത്തിലാണ് പരിശോധന നടത്തിയത്. ഇവര്‍ക്ക് എം.ഡി.എം.എ. ലഭിച്ച ഉറവിടത്തെക്കുറിച്ച് പോലീസിന് സൂചന ലഭിച്ചിട്ടുണ്ട്.
Content Highlights: two arrested with mdma in malai thrissur
Also Watch
RELATED STORIES
IN CASE YOU MISSED IT
.jpg?$p=1990e2a&q=0.8&f=16x11&w=104)
.jpg?$p=e66fa2b&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..