അയല്‍ക്കാരനോട് മുന്‍വൈരാഗ്യം, കള്ളക്കേസില്‍ കുടുക്കാന്‍ ഓട്ടോയില്‍ ചാരായം ഒളിപ്പിച്ചു; പിടിയില്‍


മുജീബ് റഹ്‌മാൻ, അബ്ദുൽമജീദ്

പരപ്പനങ്ങാടി: മുന്‍വൈരാഗ്യത്താല്‍ ഓട്ടോ ഡ്രൈവറെ അബ്കാരി കേസില്‍ കുടുക്കാന്‍ ശ്രമിച്ചവരെ പോലീസ് പിടികൂടി. എടരിക്കോട് ചുടലപ്പാറ പാറാട്ട് മുജീബ് റഹ്‌മാന്‍(49), വാഴയൂര്‍ കുനിയില്‍ കൊടമ്പാട്ടില്‍ അബ്ദുല്‍ മജീദ്(38) എന്നിവരെയാണ് പോലീസ് അറസ്റ്റുചെയ്തത്.

പുത്തരിക്കല്‍ ഉള്ളണം പള്ളിയുടെ മുന്‍വശത്ത് ഓട്ടോറിക്ഷയില്‍ നാടന്‍ ചാരായം വില്‍ക്കുന്നെന്ന് ഇവര്‍ സ്റ്റേഷനിലേക്ക് വിളിച്ചുപറഞ്ഞിരുന്നു. ഇതിന്റെ അടിസ്ഥാനത്തില്‍ താനൂര്‍ ഡാന്‍സാഫ് ടീം നടത്തിയ പരിശോധനയിലാണ് പരപ്പനങ്ങാടി സ്വദേശി ഷൗക്കത്തിന്റെ ഓട്ടോറിക്ഷയില്‍നിന്ന് വ്യാജമദ്യം പിടികൂടിയത്.

സംശയം തോന്നിയ പോലീസ് പിന്നീട് നടത്തിയ വിശദ അന്വേഷണത്തിലാണ് മുജീബ് റഹ്‌മാനെയും അബ്ദുല്‍മജീദിനെയും പിടികൂടിയത്. പരപ്പനങ്ങാടി സ്വദേശിയാണ് ഓട്ടോറിക്ഷ ഡ്രൈവറായ ഷൗക്കത്ത്. ഷൗക്കത്തിന്റെ ഓട്ടോറിക്ഷയുടെ പിന്‍ഭാഗത്തുനിന്ന് കുപ്പികളിലാക്കി കവറുകളില്‍വെച്ച നാലര ലിറ്റര്‍ ചാരായമാണ് പോലീസ് കണ്ടെടുത്തത്.

ചോദ്യംചെയ്യലില്‍ ഷൗക്കത്ത് വെച്ചതല്ല ഇതെന്ന് പോലീസിന് വ്യക്തമായി. കൂടുതല്‍ അന്വേഷണം നടത്തിയപ്പോഴാണ് ഷൗക്കത്തിന്റെ അയല്‍വാസിയായ മുജീബ് റഹ്‌മാന്‍ വെച്ചതാണെന്ന് മനസ്സിലായത്. മുന്‍ വൈരാഗ്യത്താല്‍ ഷൗക്കത്തലിയെ അബ്കാരി കേസില്‍പ്പെടുത്താനായിരുന്നു ഇത്. മുജീബ് റഹ്‌മാന്‍ മുന്‍പ് മറ്റൊരു കേസില്‍ ജയിലിലായപ്പോള്‍ പരിചയപ്പെട്ട വാഴയൂര്‍ സ്വദേശി അബ്ദുള്‍ മജീദിനെക്കൊണ്ട് കോട്ടയ്ക്കല്‍ ചുടലപ്പാറയില്‍നിന്ന് ഷൗക്കത്തലിയുടെ ഓട്ടോ വിളിപ്പിച്ചു. യാത്രയ്ക്കിടയില്‍ അബ്ദുള്‍മജീദ്, മുജീബ് റഹ്‌മാന്‍ നല്‍കിയ ചാരായക്കുപ്പി ഓട്ടോയുടെ പിന്നില്‍ ഒളിപ്പിക്കുകയായിരുന്നു.

പരപ്പനങ്ങാടി പുത്തരിക്കല്‍ എത്തിയശേഷം അബ്ദുള്‍മജീദ് ഓട്ടോയില്‍ നിന്നിറങ്ങി കുറച്ചുനേരം കാത്തുനില്‍ക്കാന്‍ പറഞ്ഞ് മുങ്ങി. ഓട്ടോറിക്ഷയെ പിന്തുടര്‍ന്ന് വന്ന മുജീബ് റഹ്‌മാന്‍ ഓട്ടോ ഡ്രൈവര്‍ കാണാതെ മാറിനിന്ന് ഓട്ടോറിക്ഷയില്‍ ചാരായംവില്പന നടത്തുന്നുവെന്ന് പോലീസില്‍ അറിയിക്കുകയായിരുന്നു.

അന്വേഷണത്തില്‍ താനൂര്‍ ഡിവൈ.എസ്.പി. മൂസ വള്ളിക്കാടന്‍, പരപ്പനങ്ങാടി സി.ഐ. ഹണി കെ. ദാസ്, എസ്.ഐ. പ്രദീപ്കുമാര്‍, ഡാന്‍സഫ് അംഗങ്ങളായ ജിനു, വിപിന്‍, അഭിമന്യു, ആല്‍ബിന്‍ എന്നിവര്‍ പങ്കെടുത്തു.

Content Highlights: two arrested for making false case in parappanangadi

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022


rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022


Eknath Shinde

1 min

കോടിപതികള്‍, ശ്രീലങ്കയില്‍നിന്ന് ഡോക്ടറേറ്റ്; ഷിന്ദേ മന്ത്രിസഭയില്‍ 75%പേരും ക്രിമിനല്‍ കേസുള്ളവര്‍

Aug 11, 2022

Most Commented