ആ വിരല്‍പ്പാടില്‍ കുടുങ്ങി, തെളിഞ്ഞത് കൊലപാതകം; ഒന്നരവയസുകാരനെ കൊന്ന അമ്മയ്ക്ക് ജീവപര്യന്തം


-

തൊടുപുഴ: ഒന്നര വയസ്സുള്ള ആൺകുഞ്ഞിനെ കഴുത്തിലമർത്തി കൊന്നെന്ന കേസിൽ അമ്മയ്ക്ക് ജീവപര്യന്തം കഠിനതടവും 15,000 രൂപ പിഴയും. കോട്ടയം അയർക്കുന്നം കുന്തംചാരിയിൽ റോളിമോളെ(39)യാണ് തൊടുപുഴ നാലാം അഡീഷണൽ സെഷൻസ് ജഡ്ജി പി.വി.അനീഷ് കുമാർ ശിക്ഷിച്ചത്. ഇവരുടെ ഇളയ മകനാണ് കൊല്ലപ്പെട്ടത്.

2018 ഏപ്രിൽ 18-ന് ഉപ്പുതറ പോലീസ് സ്റ്റേഷൻ പരിധിയിലുള്ള പീരുമേട് ടീ എസ്റ്റേറ്റിലെ ലയത്തിലാണ് കൊലപാതകം നടന്നത്. കോട്ടയം സ്വദേശിനിയായ പ്രതിയും കുടുംബവും അവിടെ അമ്മാവന്റെ വീടുപണിയുടെ ഭാഗമായി എത്തിയതായിരുന്നു. ഇവർക്ക് കൊല്ലപ്പെട്ട കുട്ടി കൂടാതെ ഏഴ് വയസ്സുള്ള മറ്റൊരു കുട്ടികൂടിയുണ്ടായിരുന്നു.

ഇളയ കുട്ടിയെ കൊന്നശേഷം ഓട്ടിസം ബാധിച്ച മൂത്ത കുട്ടിയുമൊത്ത് ജീവനൊടുക്കാനാണ് പ്രതി തയ്യാറെടുത്തത്. കഴുത്തിൽ വിരൽ അമർത്തിയപ്പോൾ പിടഞ്ഞ കുട്ടി കട്ടിലിൽനിന്ന് താഴെ വീണു. ഭയന്നുപോയ പ്രതി സമീപവാസികളെ വിളിച്ചുകൂട്ടി. കുട്ടി കട്ടിലിൽനിന്ന് വീണെന്നാണ് അവരോട് പറഞ്ഞത്.

ഉടൻതന്നെ കട്ടപ്പനയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. കഴുത്തിലെ വിരൽപ്പാട് കണ്ട് സംശയം തോന്നിയ ഡോക്ടറാണ് പോലീസിനെ അറിയിച്ചത്.

ഉപ്പുതറ ഇൻസ്പെക്ടറായിരുന്ന ഷിബുകുമാർ പ്രതിയെ അറസ്റ്റ് ചെയ്തു. ഇതിനിടെ പ്രതി കിണറ്റിൽ ചാടി ജീവനൊടുക്കാനും ശ്രമിച്ചു. പ്രതിക്ക് മാനസികരോഗം ഉണ്ടെന്ന പ്രതിഭാഗം വാദം കോടി അംഗീകരിച്ചില്ല.

Content Highlights:toddler murder mother gets life imprisonment


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

1 min

താലികെട്ടിനു തൊട്ടുമുമ്പ് വിവാഹത്തില്‍നിന്ന് പിന്മാറി വധു; പിറ്റേന്ന് പഴയ സുഹൃത്തുമായി വിവാഹം

Jan 28, 2023


john brittas mp

1 min

മോദിയുടേയും അദാനിയുടേയും വളർച്ച സമാന്തര രേഖ പോലെ,രാജ്യത്തെ പദ്ധതികൾ എല്ലാംപോയത് അദാനിക്ക്-ബ്രിട്ടാസ്

Jan 28, 2023


Mentalist Aadhi
Premium

15:03

അതീന്ദ്രിയ ശക്തികളോ മനസ്സ് വായിക്കാനോ ഉള്ള കഴിവോ മെന്റലിസത്തിന് ഇല്ല

Jan 25, 2023

Most Commented