പ്രതീകാത്മക ചിത്രം
തിരുവനന്തപുരം: വീടിന് മുന്നില്‍ പോലീസുകാര്‍ മൂത്രമൊഴിച്ചത് ചോദ്യംചെയ്തതിന് റെയില്‍വേ ഉദ്യോഗസ്ഥനെ മര്‍ദ്ദിച്ചു. സംഭവത്തില്‍ മൂന്ന് പോലീസുകാര്‍ക്കെതിരെ കേസെടുത്തു. ഇവരെ സര്‍വീസില്‍ നിന്ന് ജില്ലാ പോലീസ് മേധാവി സസ്‌പെന്‍ഡ് ചെയ്യുകയും ചെയ്തു. ആറ്റിങ്ങല്‍ നഗരൂരില്‍ നടക്കുന്ന പോലീസ് അസോസിയേഷന്റെ സംസ്ഥാന സമ്മേളനത്തില്‍ പങ്കെടുക്കാന്‍ കോട്ടയത്ത് നിന്ന് എത്തിയ പോലീസുകാരാണ് അതിക്രമം കാണിച്ചത്.
കിളിമാനൂര്‍ സ്വദേശി രജനീഷിന്റെ വീടിന് മുന്നില്‍ പോലീസുകാര്‍ വന്ന ട്രാവലര്‍ നിര്‍ത്തി ഇറങ്ങിയ ശേഷം മൂത്രമൊഴിക്കുകയായിരുന്നു. വീടിന് മുന്നിലാണോ മൂത്രമൊഴിക്കുന്നതെന്ന് ചോദിച്ച് രജനീഷ് ഇവരെ തടയാന്‍ ശ്രമിച്ചു. ഇതില്‍ പ്രകോപിതരായാണ് പോലീസുകാര്‍ ഇദ്ദേഹത്തെ ക്രൂരമായി മര്‍ദിച്ചത്. പരിക്കേറ്റ രജനീഷ് കിളിമാനൂര്‍ പോലീസ് സ്‌റ്റേഷനില്‍ പരാതി നല്‍കി. ഇയാള്‍ ഇപ്പോള്‍ ആശുപത്രിയില്‍ ചികിത്സയിലാണ്.
സംഭവത്തില്‍ കിളിമാനൂര്‍ പോലീസ് കേസെടുത്തു. തുടര്‍നടപടിയായി കോട്ടയം ജില്ലാ പോലീസ് മേധാവി മൂന്ന് പോലീസുകാരേയും സസ്‌പെന്‍ഡ് ചെയ്യുകയും ചെയ്തു. പോലീസുകാര്‍ മദ്യലഹരിയിലായിരുന്നുവെന്നാണ് രജനീഷിന്റെ പരാതിയില്‍ പറയുന്നത്.
Content Highlights: kerala police, attack, crime
Also Watch
RELATED STORIES
.jpg?$p=8a7b7b1&f=1x1&w=100&q=0.8)
IN CASE YOU MISSED IT
.jpg?$p=6a12f4a&f=1x1&w=100&q=0.8)
.jpg?$p=8a7b7b1&q=0.8&f=16x11&w=104)
.jpg?$p=6a12f4a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..