ചെമ്മണ്ണാറിന് സമീപം അതിഥിത്തൊഴിലാളികൾ സഞ്ചരിച്ചിരുന്ന ബൈക്ക് കുളത്തിലേക്ക് മറിഞ്ഞനിലയിൽ
നെടുങ്കണ്ടം: മദ്യലഹരിയില്‍ മധ്യപ്രദേശ് സ്വദേശികളായ തൊഴിലാളികള്‍ സഞ്ചരിച്ചിരുന്ന ബൈക്ക് റോഡരികിലെ കുളത്തിലേക്ക് മറിഞ്ഞു. മൂന്ന് അതിഥിത്തൊഴിലാളികള്‍ക്ക് ഗുരുതരമായി പരിക്കേറ്റു. ചെമ്മണ്ണാറിന് സമീപം ഞായറാഴ്ച ഉച്ചയോടെയാണ് സംഭവം. ചെമ്മണ്ണാറിലെ തോട്ടത്തിലെ ജോലിക്കാരായ ദേവ് സിങ് (22), അജയ് സിങ് (19), ഹരി(20) എന്നിവര്‍ക്കാണ് പരിക്കേറ്റത്.
കുളത്തില്‍ മുങ്ങിത്താഴ്ന്ന തൊഴിലാളികളെ നാട്ടുകാര്‍ രക്ഷിച്ച് കല്ലാറിലെ സ്വകാര്യ ആശുപത്രിയില്‍ എത്തിച്ചു. പരിക്ക് ഗുരുതരമായതിനാല്‍ കോട്ടയം മെഡിക്കല്‍ കോളേജ് ആശുപത്രിയിലേക്ക് മാറ്റി. ഉച്ചയ്ക്ക് ശേഷം ബൈക്കില്‍ മൂവരുംകൂടി ചെമ്മണ്ണാര്‍ കുത്തുങ്കല്‍ റൂട്ടില്‍ യാത്രചെയ്യുന്നതിനിടെയാണ് അപകടം ഉണ്ടായത്. ബൈക്ക് റോഡിന് താഴേക്ക് മറിയുകയും കുളത്തില്‍ പതിക്കുകയുമായിരുന്നു. കല്‍ക്കെട്ടുകളില്‍ തലയിടിച്ചാണ് മൂവര്‍ക്കും പരിക്കേറ്റത്. അപകടം കണ്ടുനിന്ന സ്ത്രീയുടെ നിലവിളികേട്ടെത്തിയ പ്രദേശവാസികളാണ് ഇവരെ കുളത്തില്‍നിന്ന് പുറത്തെടുത്തത്. ഉടുമ്പന്‍ചോല പോലീസ് കേസെടുത്തു.
Content Highlights: three migrant labours injured in bike accident in nedumkandam
Also Watch
RELATED STORIES
.jpg?$p=79c0b37&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=a80322e&f=1x1&w=100&q=0.8)
.jpg?$p=69d463a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..