പ്രതീകാത്മക ചിത്രം | Screengrab: Mathrubhumi News
ബെംഗളൂരു: ബെംഗളൂരുവില്‍ 30 ലക്ഷംരൂപ വിലമതിക്കുന്ന ലഹരിവസ്തുക്കളുമായി രണ്ടു മലയാളികള്‍ ഉള്‍പ്പെടെ മൂന്നുപേര്‍ അറസ്റ്റില്‍. പാലക്കാട് സ്വദേശികളായ എ.എച്ച്. ഷാഹുല്‍ ഹമീദ് (32), എസ്. പ്രശാന്ത് (29), മേഘാലയ സ്വദേശി സിദ്ധാന്ത് ബോര്‍ദോലി (19) എന്നിവരാണ് അറസ്റ്റിലായത്.
ഇവരില്‍നിന്ന് 219 എല്‍.എസ്.ഡി. സ്റ്റാമ്പുകള്‍, 100 ഗ്രാം എം.ഡി.എം.എ., 15 ലഹരിഗുളികകള്‍ എന്നിവ കണ്ടെടുത്തു. കേരളം കേന്ദ്രീകരിച്ച് പ്രവര്‍ത്തിക്കുന്ന വിതരണക്കാരനില്‍നിന്നാണ് ഇവര്‍ ലഹരിവസ്തുക്കള്‍ സംഘടിപ്പിച്ചതെന്നാണ് പോലീസ് നിഗമനം.
ഭക്ഷണവിതരണക്കാരുടെ യൂണിഫോം അണിഞ്ഞാണ് സംഘം ലഹരിമരുന്നുകള്‍ ആവശ്യക്കാര്‍ക്ക് എത്തിച്ചുനല്‍കിയത്. കെ.ആര്‍. പുരത്തിന് സമീപത്തെ സീഗെഹള്ളിയിലായിരുന്നു മൂന്നുപേരുടെയും താമസം. താമസസ്ഥലത്ത് ഒളിപ്പിച്ചനിലയിലായിരുന്നു ലഹരിവസ്തുക്കള്‍. കെ.ആര്‍. പുരം പോലീസ് കേസെടുത്തു.
Content Highlights: three arrested with drugs in bengaluru
Also Watch
RELATED STORIES
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..