മിക്കസമയവും ഇന്‍സ്റ്റഗ്രാമില്‍, അഭിനയിക്കുന്നതിലും എതിര്‍പ്പ്; യുവതിയെ ഭര്‍ത്താവ് കൊലപ്പെടുത്തി


ഇന്‍സ്റ്റഗ്രാം, ടിക്ടോക് തുടങ്ങിയ സാമൂഹികമാധ്യമങ്ങളില്‍ ചിത്ര സജീവമായിരുന്നു. ഇന്‍സ്റ്റഗ്രാമില്‍ മാത്രം 33,000 ഫോളോവേഴ്‌സുള്ള ചിത്ര അടുത്തിടെ സിനിമയില്‍ ചെറിയവേഷങ്ങളിലും അഭിനയിച്ചു.

ചിത്ര | Screengrab: Youtube.com/Thanthi TV

ചെന്നൈ: സാമൂഹികമാധ്യമങ്ങളില്‍ കൂടുതല്‍ സമയം ചിലവഴിക്കുന്നുവെന്ന് ആരോപിച്ച് ഭാര്യയെ ഭര്‍ത്താവ് കൊലപ്പെടുത്തി. തമിഴ്‌നാട് തിരുപ്പൂര്‍ സ്വദേശിയായ ചിത്ര(38)യെയാണ് ഭര്‍ത്താവ് അമൃതലിംഗം(38) കഴുത്തില്‍ ഷാള്‍ കുരുക്കി കൊലപ്പെടുത്തിയത്. അമൃതലിംഗത്തെ പോലീസ് അറസ്റ്റ് ചെയ്തു.

വസ്ത്ര നിര്‍മാണശാലയില്‍ ജോലിക്കാരിയായിരുന്ന ചിത്ര ഇന്‍സ്റ്റഗ്രാം, ടിക്ടോക് തുടങ്ങിയ സാമൂഹികമാധ്യമങ്ങളില്‍ സജീവമായിരുന്നു. ഇന്‍സ്റ്റഗ്രാമില്‍ മാത്രം 33,000 ഫോളോവേഴ്‌സുള്ള ചിത്ര അടുത്തിടെ സിനിമയില്‍ ചെറിയവേഷങ്ങളിലും അഭിനയിച്ചു. എന്നാല്‍ ഭാര്യ ഇന്‍സ്റ്റഗ്രാമില്‍ നിരന്തരം റീല്‍സ് പോസ്റ്റ് ചെയ്യുന്നതിലും സിനിമയില്‍ അഭിനയിക്കാന്‍ പോകുന്നതിലും ഭര്‍ത്താവ് എതിര്‍പ്പ് പ്രകടിപ്പിച്ചിരുന്നു. ഇതാണ് കൊലപാതകത്തിന് കാരണമായതെന്ന് പോലീസ് പറഞ്ഞു.



സാമൂഹികമാധ്യമങ്ങളില്‍ കൂടുതല്‍സമയം ചിലവഴിക്കുന്നതിനെച്ചൊല്ലി ദമ്പതിമാര്‍ തമ്മില്‍ നേരത്തെയും വഴക്കുണ്ടായിരുന്നു. എന്നാല്‍ ഭര്‍ത്താവ് എതിര്‍ത്തിട്ടും ചിത്ര ഇന്‍സ്റ്റഗ്രാമില്‍ റീല്‍സ് പോസ്റ്റ് ചെയ്യുന്നത് തുടര്‍ന്നു. ഇതിനിടെയാണ് സിനിമയില്‍ അഭിനയിക്കാനുള്ള അവസരവും ലഭിച്ചത്. സിനിമയില്‍ അഭിനയിക്കാനായി രണ്ടുമാസം മുമ്പ് ചെന്നൈയിലേക്ക് പോയ ചിത്ര കഴിഞ്ഞയാഴ്ച മകളുടെ വിവാഹത്തിനായാണ് തിരുപ്പൂരില്‍ തിരിച്ചെത്തിയത്. വിവാഹചടങ്ങുകള്‍ക്ക് ശേഷം ചെന്നൈയിലേക്ക് മടങ്ങാനിരുന്ന ചിത്രയെ ഭര്‍ത്താവ് പോകാന്‍ അനുവദിച്ചില്ല. ഞായറാഴ്ച രാത്രി ഇതേച്ചൊല്ലി ദമ്പതിമാര്‍ തമ്മില്‍ വീണ്ടും വഴക്കുണ്ടായി. തുടര്‍ന്നാണ് അമൃതലിംഗം ഭാര്യയെ കഴുത്തില്‍ ഷാള്‍ കുരുക്കി കൊലപ്പെടുത്തിയത്.

ചിത്ര അബോധാവസ്ഥയിലായതോടെ പ്രതി വീട്ടില്‍നിന്ന് കടന്നുകളഞ്ഞിരുന്നു. തുടര്‍ന്ന് ചിത്രയെ താന്‍ മര്‍ദിച്ചതായി മകളെ വിളിച്ചറിയിച്ചു. മകള്‍ വീട്ടിലെത്തി പരിശോധിച്ചതോടെയാണ് ചിത്രയെ മരിച്ചനിലയില്‍ കണ്ടെത്തിയത്. സംഭവത്തിനുശേഷം രക്ഷപ്പെട്ട പ്രതിയെ പെരുമാനല്ലൂരില്‍നിന്നാണ് പോലീസ് കസ്റ്റഡിയിലെടുത്തത്. അറസ്റ്റിലായ അമൃതലിംഗം തെന്നംപാളയം പച്ചക്കറി ചന്തയിലെ തൊഴിലാളിയാണ്.

Content Highlights: tamilnadu woman killed by husband over spending too much time in instagram and social media


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


argentina vs australia

3 min

ആളിക്കത്തി അര്‍ജന്റീന! ഓസ്‌ട്രേലിയയെ തകര്‍ത്ത് മെസ്സിയും സംഘവും ക്വാര്‍ട്ടര്‍ ഫൈനലില്‍

Dec 4, 2022


photo: Getty Images

1 min

മനോഹരം...മെസ്സി.... മാറഡോണയുടെ ഗോള്‍നേട്ടം മറികടന്നു

Dec 4, 2022

Most Commented