പ്രതീകാത്മക ചിത്രം | മാതൃഭൂമി
ബെംഗളൂരു: പതിനാറുകാരിയെ പലര്‍ക്കായി കൈമാറി പീഡനത്തിനിരയാക്കിയ കേസില്‍ രണ്ടു സ്ത്രീകളുള്‍പ്പെടെ ആറുപേരെ പോലീസ് അറസ്റ്റുചെയ്തു. അഗര സ്വദേശി കലാവതി (52), ബന്ദെപാളയ സ്വദേശി രാജേശ്വരി (50), ഹൊസൂരില്‍ ഓട്ടോമൊബൈല്‍ കമ്പനിയിലെ ഡെപ്യൂട്ടി മാനേജരായ കേശവമൂര്‍ത്തി (47), കോറമംഗല സ്വദേശി സത്യരാജു (43), യെലഹങ്ക സ്വദേശി ശരത് (38), ബേഗൂര്‍ സ്വദേശി റഫീഖ് (38) എന്നിവരാണ് അറസ്റ്റിലായത്.
ബെംഗളൂരുവില്‍ ജോലിയന്വേഷിച്ചുവന്നതാണ് പെണ്‍കുട്ടിയുടെ കുടുംബം. മാതാപിതാക്കള്‍ ദിവസവേതന തൊഴിലാളികളാണ്. സ്‌കൂള്‍ വിട്ടുവന്ന ശേഷം പെണ്‍കുട്ടി രാജേശ്വരിയുടെ വീട്ടില്‍ തയ്യല്‍ പഠിക്കാന്‍ പോയിരുന്നു. ഒരുദിവസം രാജേശ്വരി പെണ്‍കുട്ടിയെ വീടിന്റെ അകത്തേക്ക് വിളിച്ചുകൊണ്ടുപോയി ലഹരിമരുന്ന് കലര്‍ത്തിയ ജ്യൂസ് നല്‍കി. പെണ്‍കുട്ടി അബോധാവസ്ഥയിലായപ്പോള്‍ പ്രതികളിലൊരാളായ കേശവമൂര്‍ത്തി ബലാത്സംഗം ചെയ്തു. രണ്ടു ദിവസത്തിനുശേഷം വീണ്ടും രാജേശ്വരി പെണ്‍കുട്ടിയെ വീട്ടിലേക്ക് വിളിച്ചെങ്കിലും പോകാന്‍ തയ്യാറായില്ല. എന്നാല്‍, ഭീഷണിപ്പെടുത്തി കലാവതിയുടെ വീട്ടിലേക്കു കൊണ്ടുപോയി. ഇവിടെ വെച്ച് കലാവതിയും രാജേശ്വരിയും ചേര്‍ന്ന് പെണ്‍കുട്ടിയെ പലര്‍ക്കും കൈമാറുകയായിരുന്നുവെന്ന് പോലീസ് പറഞ്ഞു.
പെരുമാറ്റത്തില്‍ സംശയം തോന്നിയതിനെത്തുടര്‍ന്ന് അമ്മ ചോദ്യംചെയ്തപ്പോഴാണ് പെണ്‍കുട്ടി സംഭവം വെളിപ്പെടുത്തിയത്. ഇതേത്തുടര്‍ന്ന് അമ്മ എച്ച്.എസ്.ആര്‍. ലേഔട്ട് പോലീസ് സ്റ്റേഷനില്‍ പരാതി നല്‍കുകയായിരുന്നു.
Content Highlights: six arrested in bengaluru for raping minor girl
Also Watch
RELATED STORIES
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..