ചെന്നൈ കലാക്ഷേത്രയിൽ കഴിഞ്ഞദിവസം വിദ്യാർഥികൾ നടത്തിയ സമരം | Photo: twitter.com/KuthaliPu
ചെന്നൈ: കലാക്ഷേത്ര ഫൗണ്ടേഷനുകീഴിലുള്ള രുക്മിണീദേവി കോളേജ് ഫോര്‍ ഫൈന്‍ ആര്‍ട്‌സിലെ ലൈംഗികാതിക്രമക്കേസില്‍ പ്രതിയായ മലയാളി അധ്യാപകന്‍ അറസ്റ്റില്‍. കോളേജിലെ അസി. പ്രൊഫസറും കൊല്ലം സ്വദേശിയുമായ ഹരി പദ്മനെയാണ് ചെന്നൈ സിറ്റി പോലീസ് തിങ്കളാഴ്ച രാവിലെ അറസ്റ്റ് ചെയ്തത്.
കോളേജിലെ പൂര്‍വവിദ്യാര്‍ഥിനിയാണ് അധ്യാപകനെതിരേ പോലീസില്‍ പരാതി നല്‍കിയിരുന്നത്. ഇയാള്‍ക്കെതിരേ മുന്‍ അധ്യാപികയും വനിതാ കമ്മിഷനില്‍ പരാതി നല്‍കിയിരുന്നു.
അധ്യാപകന്റെ ലൈംഗികാതിക്രമത്തെത്തുടര്‍ന്ന് ബിരുദാനന്തര ബിരുദ പഠനം പാതിവഴിയില്‍ നിര്‍ത്തേണ്ടിവന്നുവെന്നാണ് പൂര്‍വവിദ്യാര്‍ഥിനി ആരോപിച്ചിരുന്നത്. അധ്യാപകന്‍ തന്നെ വീട്ടിലേക്ക് ക്ഷണിച്ചെന്നും ഇല്ലെന്ന് പറഞ്ഞപ്പോള്‍ നൃത്തപരിപാടിയില്‍നിന്ന് മാറ്റിനിര്‍ത്തിയെന്നും പൂര്‍വവിദ്യാര്‍ഥിനി പറഞ്ഞിരുന്നു.
കോളേജിലെ ലൈംഗികാതിക്രമങ്ങളെക്കുറിച്ച് കഴിഞ്ഞ ദിവസം 90 വിദ്യാര്‍ഥികളും സംസ്ഥാന വനിത കമ്മിഷന്‍ അധ്യക്ഷ എ.എസ്. കുമാരിക്ക് പരാതി നല്‍കിയിട്ടുണ്ട്. ഈ പരാതികളില്‍ കലാക്ഷേത്രയിലെ നര്‍ത്തകരായ സഞ്ജിത് ലാല്‍, സായി കൃഷ്ണന്‍, ശ്രീനാഥ് എന്നിവര്‍ക്കെതിരേയും ആരോപണമുണ്ടായിരുന്നു. മലയാളികളായ മൂവരും ഒളിവിലാണ്. അതിനിടെ, സംഭവത്തില്‍ വിദ്യാര്‍ഥികളില്‍നിന്ന് മൊഴിയെടുത്ത വനിതാകമ്മിഷന്‍ തിങ്കളാഴ്ച മുഖ്യമന്ത്രിക്ക് റിപ്പോര്‍ട്ട് നല്‍കും. അധ്യാപകര്‍ക്കെതിരേ നടപടി ആവശ്യപ്പെട്ട് കഴിഞ്ഞദിവസം കോളേജിലെ വിദ്യാര്‍ഥികള്‍ സമരവും നടത്തിയിരുന്നു.
Content Highlights: sexual harassment case in chennai kalakshetra malayali professor arrested
Also Watch
RELATED STORIES
.jpg?$p=aa62323&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=1990e2a&q=0.8&f=16x11&w=104)
.jpg?$p=e66fa2b&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..