അറസ്റ്റിലായ ചിത്രസേനൻ | Screengrab: Mathrubhumi News
തിരുവനന്തപുരം: ശ്രീകാര്യത്ത് പട്ടാപ്പകല്‍ സ്ത്രീക്ക് നേരേ അതിക്രമം. റോഡരികിലൂടെ നടന്നുപോവുകയായിരുന്ന 68-കാരിയെയാണ് പിന്തുടര്‍ന്നെത്തിയയാള്‍ കടന്നുപിടിച്ചത്. സംഭവത്തില്‍ പ്രതിയായ വട്ടപ്പാറ സ്വദേശി ചിത്രസേനനെ പോലീസ് അറസ്റ്റ് ചെയ്തു.
ബുധനാഴ്ച ഉച്ചയോടെ ശ്രീകാര്യം ജങ്ഷന് സമീപത്തായിരുന്നു സംഭവം. നടന്നുപോവുകയായിരുന്ന 68-കാരിയെ പിന്തുടര്‍ന്നെത്തിയ ചിത്രസേനന്‍ കടന്നുപിടിക്കുകയായിരുന്നു. കുതറിമാറാന്‍ ശ്രമിച്ചപ്പോള്‍ കഴുത്തില്‍ കുത്തിപിടിച്ച് റോഡില്‍ തള്ളിയിടാനും ശ്രമിച്ചു. സ്ത്രീയുടെ നിലവിളി കേട്ടെത്തിയ നാട്ടുകാരാണ് ഇവരെ അക്രമിയില്‍നിന്ന് രക്ഷിച്ചത്. പ്രതിയെ നാട്ടുകാര്‍ തടഞ്ഞുവെച്ച് പോലീസില്‍ വിവരമറിയിച്ചു. തുടര്‍ന്ന് പോലീസെത്തി അക്രമിയെ കസ്റ്റഡിയിലെടുക്കുകയായിരുന്നു.
2020-ല്‍ ശ്രീകാര്യം പോലീസ് സ്‌റ്റേഷനില്‍ രജിസ്റ്റര്‍ ചെയ്ത വധശ്രമക്കേസിലെ പ്രതിയാണ് ചിത്രസേനന്‍. പ്രതിയെ കോടതിയില്‍ ഹാജരാക്കും.
Content Highlights: sexual assault against 68 year old woman in sreekaryam thiruvananthapuram
Also Watch
RELATED STORIES
IN CASE YOU MISSED IT
.jpg?$p=430c1f1&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..