അറസ്റ്റിലായ അബ്ദുൾ റഷീദ് എന്ന സമൂസ റഷീദ്
കാസര്‍കോട്: യുവാവിനെ കൊന്ന് കിണറ്റില്‍ തള്ളിയ കേസില്‍ ഒളിവില്‍ കഴിയുകയായിരുന്ന പ്രതിയെ കാസര്‍കോട് ടൗണ്‍ പോലീസ് അറസ്റ്റ് ചെയ്തു. മധൂര്‍ പട്ളയിലെ ഷൈന്‍ എന്ന ഷാനുവിനെ (24) കൊന്ന് കിണറ്റില്‍ തള്ളിയ കേസിലെ രണ്ടാം പ്രതി കുമ്പള കോയിപ്പാടി ശാന്തിപ്പള്ളത്തെ അബ്ദുള്‍ റഷീദ് എന്ന സമൂസ റഷീദിനെ (40) ആണ് പോലീസ് അറസ്റ്റ് ചെയ്തത്.
2019 ഒക്ടോബര്‍ 18-നാണ് കാസര്‍കോട് ദിനേശ് ബീഡി കമ്പനിക്ക് സമീപത്തെ കിണറ്റിലാണ് ഷാനുവിന്റെ മൃതദേഹം കണ്ടെത്തിയത്. കേസില്‍ ആകെ നാല് പ്രതികളാണുള്ളത്. ഇതില്‍ മൂന്നുപേരെ പോലീസ് അറസ്റ്റ് ചെയ്തിരുന്നു.
രണ്ടാം പ്രതി റഷീദ് മൈസൂരുവില്‍ ഒളിവില്‍ കഴിയുകയായിരുന്നുവെന്ന് കാസര്‍കോട് പോലീസ് അറിയിച്ചു. കാസര്‍കോട് ഇന്‍സ്പെക്ടര്‍ പി. അജിത്കുമാറിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. എസ്.ഐ.മാരായ രഞ്ജിത്കുമാര്‍, അനില്‍, സിവില്‍ പോലീസ് ഓഫീസര്‍മാരായ ഗോകുല്‍, മനു എന്നിവരും സംഘത്തിലുണ്ടായിരുന്നു.
Content Highlights: samoosa rasheed arrested in a murder case in kasargod
Also Watch
RELATED STORIES
IN CASE YOU MISSED IT
.jpg?$p=5ab4c51&f=1x1&w=100&q=0.8)
.jpg?$p=afe3202&f=1x1&w=100&q=0.8)
.jpg?$p=a80322e&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..