ഫെയ്‌സ്ബുക്കിലൂടെ പരിചയപ്പെട്ട വിദ്യാര്‍ഥിനിയെ പീഡിപ്പിച്ചു; ആന്‍ഡമാനിലടക്കം ഒളിവുജീവിതം, പിടിയില്‍


സ്‌കൂള്‍ യൂണിഫോമില്‍ പെണ്‍കുട്ടിയെ തട്ടിക്കൊണ്ടുപോവുകയായിരുന്നു. ശാരീരികമായി പീഡിപ്പിച്ചശേഷം കുട്ടിയെ ചാലക്കുടി റെയില്‍വേസ്റ്റേഷനില്‍ ഉപേക്ഷിച്ച് കടന്നുകളഞ്ഞു.

ജിന്റോ കുര്യൻ

കിഴക്കമ്പലം: ഫെയ്‌സ്ബുക്ക് വഴി പരിചയപ്പെട്ട സ്‌കൂള്‍ വിദ്യാര്‍ഥിനിയെ തട്ടിക്കൊണ്ടുപോയി ലൈംഗികമായി ഉപദ്രവിച്ച കേസില്‍ കോടതി പിടികിട്ടാപ്പുള്ളിയായി പ്രഖ്യാപിച്ച പ്രതി പിടിയില്‍. തൃശ്ശൂര്‍ ആളൂര്‍ വെള്ളാച്ചിറ പാറക്കല്‍ ഞാറലേലി വീട്ടില്‍ ജിന്റോ കുര്യനെ (36) യാണ് തടിയിട്ടപറമ്പ് പോലീസ് പിടികൂടിയത്. 2015-ലാണ് സംഭവം. സ്‌കൂള്‍ യൂണിഫോമില്‍ പെണ്‍കുട്ടിയെ തട്ടിക്കൊണ്ടുപോവുകയായിരുന്നു. ശാരീരികമായി പീഡിപ്പിച്ചശേഷം കുട്ടിയെ ചാലക്കുടി റെയില്‍വേസ്റ്റേഷനില്‍ ഉപേക്ഷിച്ച് കടന്നുകളഞ്ഞു.

അന്ന് തന്നെ പ്രതിയെ അറസ്റ്റ് ചെയ്ത് കോടതിയില്‍ ഹാജരാക്കി റിമാന്‍ഡ് ചെയ്തു. സമയത്ത് കുറ്റപത്രവും സമര്‍പ്പിച്ചു. എന്നാല്‍, ഇതിനിടെ ജാമ്യം ലഭിച്ച പ്രതി ഒളിവില്‍പ്പോവുകയായിരുന്നു.



പ്രതിയെ പിടിക്കാന്‍ പ്രത്യേക സംഘത്തെ നിയോഗിച്ചിരുന്നു. ആന്‍ഡമാന്‍ നിക്കോബാര്‍, ബെംഗളൂരു, ചെന്നൈ, ഹൈദരാബാദ്, മുംബൈ എന്നിവിടങ്ങളില്‍ ഒളിവില്‍ക്കഴിഞ്ഞ പ്രതിയെ വയനാട്ടിലെ കല്‍പ്പറ്റയില്‍ നിന്നാണ് അറസ്റ്റ് ചെയ്തത്.

ഒരു മാസമായി അലുമിനിയം ഫാബ്രിക്കേറ്ററായി കഴിയുകയായിരുന്നു. ഇവിടെ നിന്നും ബെംഗളൂരുവിലേക്ക് കടക്കാനുള്ള തയാറെടുപ്പിനിടയിലാണ് പിടിയിലായത്.

പെരുമ്പാവൂര്‍ എ.എസ്.പി. അനൂജ് പലിവാലിന്റെ മേല്‍നോട്ടത്തില്‍ എസ്.എച്ച്.ഒ. വി.എം. കേഴ്സന്‍, സബ് ഇന്‍സ്പെക്ടര്‍ ഒ.വി. സാജന്‍, സീനിയര്‍ സിവില്‍ പോലീസ് ഓഫീസര്‍മാരായ എ.ആര്‍. ജയന്‍, പി.എം. ഷമീര്‍, മാഹിന്‍ ഷാ, സി.പി.ഒ. ബോബി ടി. ഏല്യാസ് തുടങ്ങിയവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്.

Content Highlights: rape case accused arrested in eranakulam


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


argentina vs australia

3 min

ആളിക്കത്തി അര്‍ജന്റീന! ഓസ്‌ട്രേലിയയെ തകര്‍ത്ത് മെസ്സിയും സംഘവും ക്വാര്‍ട്ടര്‍ ഫൈനലില്‍

Dec 4, 2022


photo: Getty Images

1 min

മനോഹരം...മെസ്സി.... മാറഡോണയുടെ ഗോള്‍നേട്ടം മറികടന്നു

Dec 4, 2022

Most Commented