.jpg?$p=bec7056&f=16x10&w=852&q=0.8)
രഞ്ജിത്ത്
കുന്നംകുളം: പ്രായപൂര്‍ത്തിയാകാത്ത പെണ്‍കുട്ടിയെ വിവാഹവാഗ്ദാനം നല്‍കി പീഡിപ്പിച്ച പ്രതിക്ക് രണ്ട് കേസുകളിലായി 30 വര്‍ഷം കഠിനതടവും ഒരുലക്ഷം രൂപ പിഴയും ശിക്ഷ വിധിച്ചു. വാടാനപ്പള്ളി ബീച്ചില്‍ വടക്കന്‍ വീട്ടില്‍ രഞ്ജിത്തി(29)നെയാണ് കുന്നംകുളം അതിവേഗ സ്‌പെഷ്യല്‍ പോക്‌സോ കോടതി ജഡ്ജ് എസ്. ലിഷ കുറ്റക്കാരനെന്ന് കണ്ടെത്തിയത്.
2016 ഏപ്രില്‍ 14-ന് വീട്ടില്‍നിന്ന് പെണ്‍കുട്ടിയെ ഇറക്കിക്കൊണ്ടുപോയി ലോഡ്ജില്‍വെച്ച് പീഡിപ്പിച്ചെന്നാണ് ആദ്യത്തെ കേസ്. പെണ്‍കുട്ടിയെ കാണാതായതോടെ വീട്ടുകാര്‍ വാടാനപ്പള്ളി പോലീസില്‍ പരാതി നല്‍കിയിരുന്നു. പോലീസ് നടത്തിയ അന്വേഷണത്തില്‍ ഇരുവരെയും ഗുരുവായൂര്‍ കോട്ടപ്പടിയില്‍നിന്നാണ് കണ്ടെത്തിയത്. പിന്നീട് പെണ്‍കുട്ടിയെ വീട്ടുകാര്‍ ബന്ധുവീട്ടിലേക്ക് മാറ്റിയിരുന്നു. ഇവിടെനിന്ന് ഏപ്രില്‍ 24-ന് പ്രതി പെണ്‍കുട്ടിയെ നിര്‍ബന്ധിച്ച് ഇറക്കിക്കൊണ്ടുപോയി പീഡിപ്പിച്ചെന്നാണ് രണ്ടാമത്തെ കേസ്.
Content Highlights: rape case, 30 years imprisonment for accused
Also Watch
RELATED STORIES
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..