മദ്യപിച്ച് വാഹനമോടിച്ചുള്ള അപകടം: സഹയാത്രികരുടെ പേരിലും കേസെടുക്കാമെന്ന് മദ്രാസ് ഹൈക്കോടതി


പാതിരാത്രി മദ്യലഹരിയില്‍ ഓടിച്ച വാഹനമിടിച്ച് മൂന്ന് കാല്‍നടയാത്രക്കാര്‍ മരിച്ച കേസില്‍നിന്ന് ഒഴിവാക്കണമെന്ന സഹയാത്രികയായ ഡോക്ടറുടെ ആവശ്യം തള്ളിയാണ് ഹൈക്കോടതിവിധി.

മദ്രാസ് ഹൈക്കോടതി| Photo: PTI

ചെന്നൈ: മദ്യപിച്ച് വാഹനമോടിച്ചയാള്‍ അപകടമുണ്ടാക്കിയാല്‍ സഹയാത്രികരുടെപേരിലും മനഃപൂര്‍വമല്ലാത്ത നരഹത്യാപ്രേരണയ്ക്ക് നിയമനടപടി സ്വീകരിക്കാമെന്ന് മദ്രാസ് ഹൈക്കോടതി വ്യക്തമാക്കി. മദ്യപിച്ചില്ലെന്നതോ വാഹനം ഓടിച്ചില്ലെന്നതോ നടപടിയില്‍നിന്ന് രക്ഷപ്പെടാനുള്ള കാരണമായെടുക്കാന്‍ പറ്റില്ല.

വാഹനമോടിക്കുന്നയാള്‍ മദ്യപിച്ചിട്ടുണ്ടെന്ന് അറിഞ്ഞിട്ടും കൂടെ യാത്രചെയ്യുന്നത് അയാളുടെ ചെയ്തികള്‍ക്കുള്ള പിന്തുണയായും പ്രോത്സാഹനമായും വ്യാഖ്യാനിക്കാവുന്നതാണെന്ന് ജസ്റ്റിസ് ഭരത ചക്രവര്‍ത്തി വിധിന്യായത്തില്‍ പറഞ്ഞു.

പാതിരാത്രി മദ്യലഹരിയില്‍ ഓടിച്ച വാഹനമിടിച്ച് മൂന്ന് കാല്‍നടയാത്രക്കാര്‍ മരിച്ച കേസില്‍നിന്ന് ഒഴിവാക്കണമെന്ന സഹയാത്രികയായ ഡോക്ടറുടെ ആവശ്യം തള്ളിയാണ് ഹൈക്കോടതിവിധി. 2013-ല്‍ മറീനയ്ക്കുസമീപം ബീച്ച് റോഡിലായിരുന്നു അപകടം.

ഹര്‍ജിക്കാരിയായ വി. ലക്ഷ്മിയുടെ സഹോദരനാണ് വാഹനമോടിച്ചത്. മദ്യപിച്ചിരുന്നില്ലെന്നും അപകടസമയത്ത് വാഹനമോടിച്ചത് താനല്ലെന്നും അതുകൊണ്ട് കേസില്‍നിന്ന് ഒഴിവാക്കണമെന്നും ആവശ്യപ്പെട്ട് ലക്ഷ്മി നല്‍കിയ ഹര്‍ജി കീഴ്ക്കോടതി തള്ളിയിരുന്നു. അതിനെതിരേയാണ് ഹൈക്കോടതിയെ സമീപിച്ചത്.

കാറിന്റെ മുന്‍സീറ്റിലാണ് പരാതിക്കാരി ഇരുന്നതെന്ന് ചൂണ്ടിക്കാണിച്ച ഹൈക്കോടതി സഹോദരന്‍ മദ്യപിച്ചിരുന്നെന്നകാര്യം അറിയാമായിരുന്നുവെന്നുവേണം കരുതാനെന്ന് അഭിപ്രായപ്പെട്ടു.അസമയത്ത് കറങ്ങാന്‍ കാറില്‍ കൂടെപ്പോയി എന്നത് വാഹനമോടിക്കാനും അപകടമുണ്ടാക്കുന്നതിനുമുള്ള പ്രോത്സാഹനമായി കാണണം. മനഃപൂര്‍വമല്ലാത്ത നരഹത്യയ്ക്കുള്ള പ്രേരണക്കുറ്റത്തില്‍നിന്ന് ഹര്‍ജിക്കാരിക്ക് ഒഴിയാന്‍പറ്റില്ലെന്ന് കോടതി വ്യക്തമാക്കി.

Content Highlights: police can be book case against passenger for motor accident caused by drunken driver

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


shajahan murder

2 min

ഷാജഹാന്‍ വധം; മുഴുവന്‍ പ്രതികളും പിടിയില്‍,കൊലയ്ക്ക് ശേഷം പ്രതികള്‍ ബാറിലെത്തിയതായി CCTV ദൃശ്യങ്ങള്‍

Aug 16, 2022

Most Commented