ബസില്‍ തൊട്ടടുത്ത സീറ്റിലിരുന്ന വിദ്യാര്‍ഥിനിയോട് അപമര്യാദയായി പെരുമാറി; യുവാവ് അറസ്റ്റില്‍, pocso case,

14 July 2022, 08:00 AM IST

വിദ്യാര്‍ഥിനി ഇയാളെ കൈയേറ്റംചെയ്തു. ഇതോടെ യാത്രക്കാരും നാട്ടുകാരും ചേര്‍ന്ന് ഇയാളെ പനമരത്തെത്തിക്കുകയും പോലീസില്‍ വിവരമറിയിക്കുകയും ചെയ്തു.

ടി.എം. ഫിറോസ്

പനമരം: ബസ് യാത്രയ്ക്കിടെ വിദ്യാര്‍ഥിനിയോട് അപമര്യാദയായി പെരുമാറിയ യുവാവ് അറസ്റ്റില്‍. സുല്‍ത്താന്‍ബത്തേരി പൂമല തൊണ്ടന്‍മല ടി.എം. ഫിറോസിനെയാണ് (38) പനമരം പോലീസ് അറസ്റ്റുചെയ്തത്. ബുധനാഴ്ച വൈകീട്ട് നാലരയോടെയായിരുന്നു സംഭവം.

മാനന്തവാടിയില്‍നിന്ന് ബത്തേരിയിലേക്ക് സര്‍വീസ് നടത്തുന്ന സ്വകാര്യബസില്‍ യാത്രചെയ്യുകയായിരുന്ന വിദ്യാര്‍ഥിനിക്കുനേരെയായിരുന്നു യുവാവിന്റെ അതിക്രമം. തൊട്ടടുത്ത സീറ്റിലിരുന്ന് യാത്രചെയ്യുകയായിരുന്ന ഫിറോസ് വിദ്യാര്‍ഥിനിയോട് അപമര്യാദയായി പെരുമാറുകയായിരുന്നു. വിദ്യാര്‍ഥിനി ഇയാളെ കൈയേറ്റംചെയ്തു. ഇതോടെ യാത്രക്കാരും നാട്ടുകാരും ചേര്‍ന്ന് ഇയാളെ പനമരത്തെത്തിക്കുകയും പോലീസില്‍ വിവരമറിയിക്കുകയും ചെയ്തു.

വിദ്യാര്‍ഥിനി പനമരം പോലീസില്‍ പരാതിയും നല്‍കി. തുടര്‍ന്ന്, പനമരം എസ്.ഐ. പി.സി. സജീവനും സംഘവും ചേര്‍ന്ന് ഇയാളെ പോക്‌സോ നിയമപ്രകാരം കേസെടുത്ത് അറസ്റ്റുചെയ്തു.

Content Highlights: pocso case, 38 year old arrested

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)