.jpg?$p=2922c1a&f=16x10&w=852&q=0.8)
മദ്രാസ് ഐ.ഐ.ടി | ഫോട്ടോ: മാതൃഭൂമി
ചെന്നൈ: മദ്രാസ് ഐ.ഐ.ടി.യിലെ ഗവേഷണവിദ്യാര്‍ഥിയെ വാടകവീട്ടില്‍ മരിച്ചനിലയില്‍ കണ്ടെത്തി. ബംഗാള്‍ സ്വദേശിയായ സച്ചിന്‍കുമാര്‍ ജെയിനെയാണ് (32) വേളാച്ചേരിയിലുള്ള വീട്ടില്‍ തൂങ്ങിമരിച്ചനിലയില്‍ കണ്ടെത്തിയത്.
വെള്ളിയാഴ്ച കാമ്പസില്‍നിന്ന് നേരത്തേ ഇറങ്ങിയ സച്ചിന്‍ സുഖമില്ലെന്ന് സുഹൃത്തുക്കള്‍ക്ക് സന്ദേശം അയച്ചിരുന്നു. പിന്നീട് 'ക്ഷമിക്കണം, തൃപ്തികരമല്ല' എന്ന ഇംഗ്ലീഷ് വാചകം വാട്സാപ്പ് സ്റ്റാറ്റസാക്കി. ഇതുകണ്ട് സംശയംതോന്നിയ സുഹൃത്തുക്കള്‍ വീട്ടിലെത്തുകയായിരുന്നു. വാതില്‍ തുറക്കാതെ വന്നതോടെ കുത്തിത്തുറന്ന് അകത്ത് കടന്നുനോക്കിയപ്പോഴാണ് മരിച്ചനിലയില്‍ കണ്ടത്. വേളാച്ചേരി പോലീസ് കേസെടുത്ത് അന്വേഷണം ആരംഭിച്ചു.
ഈവര്‍ഷം ആത്മഹത്യചെയ്യുന്ന മദ്രാസ് ഐ.ഐ.ടി.യിലെ മൂന്നാമത്തെ വിദ്യാര്‍ഥിയാണ് സച്ചിന്‍. ഫെബ്രുവരി 14-ന് മലയാളിയായ സ്റ്റീവന്‍ സണ്ണിയെ ഹോസ്റ്റല്‍മുറിയില്‍ മരിച്ചനിലയില്‍ കണ്ടെത്തിയിരുന്നു. കുടുംബപ്രശ്‌നമാണ് സ്റ്റീവന്റെ മരണകാരണമെന്ന് തെളിഞ്ഞിരുന്നു. ഒരുമാസത്തിനുശേഷം ആന്ധ്ര സ്വദേശിയായ ഒരു വിദ്യാര്‍ഥിയാണ് ഹോസ്റ്റല്‍മുറിയില്‍ ആത്മഹത്യചെയ്തത്.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056)
Content Highlights: one more student commits suicide in iit madras
Also Watch
RELATED STORIES
.jpg?$p=70fc63a&f=1x1&w=100&q=0.8)
.jpg?$p=298ab5c&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=430c1f1&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..