രുചിസ്മിത ഗുരു | Photo: facebook.com/ruchismita.guru.1
ഭുവനേശ്വര്‍: 'ആലൂ പറാത്ത' ഉണ്ടാക്കുന്നതിനെച്ചൊല്ലി അമ്മയുമായി വഴക്കിട്ടതിന് പിന്നാലെ യുവനടിയെ തൂങ്ങിമരിച്ച നിലയില്‍ കണ്ടെത്തി. ഒഡീഷയിലെ നടിയും ഗായികയുമായ രുചിസ്മിത ഗുരുവിനെയാണ് ബോലാംഗീറിലെ ബന്ധുവീട്ടില്‍ മരിച്ചനിലയില്‍ കണ്ടത്. ഞായറാഴ്ചയായിരുന്നു സംഭവം.
കിടപ്പുമുറിയിലെ സീലിങ് ഫാനില്‍ തൂങ്ങിയനിലയിലാണ് നടിയുടെ മൃതദേഹം കണ്ടെത്തിയതെന്ന് പോലീസ് പറഞ്ഞു. അതേസമയം, മകള്‍ നേരത്തെയും ആത്മഹത്യാശ്രമം നടത്തിയിട്ടുണ്ടെന്നായിരുന്നു അമ്മയുടെ പ്രതികരണം. സംഭവദിവസം ഭക്ഷണമുണ്ടാക്കുന്നതിനെച്ചൊല്ലി താനും മകളും തമ്മില്‍ വഴക്കുണ്ടായിരുന്നതായും അമ്മ മാധ്യമങ്ങളോട് പറഞ്ഞു.
രാത്രി എട്ടുമണിക്ക് അത്താഴത്തിനായി 'ആലൂ പറാത്ത' ഉണ്ടാക്കാന്‍ അമ്മ രുചിസ്മിതയോട് ആവശ്യപ്പെട്ടിരുന്നു. എന്നാല്‍ പത്തുമണിക്ക് ഉണ്ടാക്കാമെന്നായിരുന്നു നടിയുടെ മറുപടി. ഇതോടെ ഇരുവരും തമ്മില്‍ വഴക്കുണ്ടായി. പിന്നാലെ മുറിയിലേക്ക് പോയ നടിയെ പിന്നീട് തൂങ്ങിമരിച്ച നിലയില്‍ കണ്ടെത്തിയെന്നാണ് അമ്മയുടെയും ബന്ധുക്കളുടെയും പ്രതികരണം. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
നടിയും ഗായികയുമായ രുചിസ്മിത ഒട്ടേറെ സംഗീത ആല്‍ബങ്ങളില്‍ അഭിനയിച്ചിട്ടുണ്ട്. സ്റ്റേജ് ഷോകളിലും സജീവസാന്നിധ്യമായിരുന്നു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056)
Content Highlights: odisha actress ruchismita guru found dead
Also Watch
RELATED STORIES
.jpg?$p=70fc63a&f=1x1&w=100&q=0.8)
IN CASE YOU MISSED IT
.jpg?$p=2922c1a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..