നാട്ടുവൈദ്യന്റെ കൊലപാതകം: ഷൈബിന്റെ ഭാര്യയും പിടിയില്‍, എല്ലാം അറിഞ്ഞിരുന്നതായി പോലീസ്


ഷൈബിൻ അഷ്‌റഫ് | ഫയൽചിത്രം | മാതൃഭൂമി

കല്പറ്റ: നിലമ്പൂരില്‍ നാട്ടുവൈദ്യനെ തടവില്‍ പാര്‍പ്പിച്ച് കൊലപ്പെടുത്തിയ കേസില്‍ മുഖ്യപ്രതി ഷൈബിന്‍ അഷ്‌റഫിന്റെ ഭാര്യയും പിടിയില്‍. വയനാട് മേപ്പാടി സ്വദേശിനി ഫസ്‌നയെയാണ് നിലമ്പൂര്‍ പോലീസ് ചൊവ്വാഴ്ച കസ്റ്റഡിയിലെടുത്തത്. കുറ്റകൃത്യത്തെക്കുറിച്ച് ഫസ്‌നയ്ക്ക് അറിവുണ്ടായിരുന്നതായും ഇവര്‍ തെളിവ് നശിപ്പിക്കാന്‍ കൂട്ടുനിന്നതായുമാണ് പോലീസ് പറയുന്നത്.

നേരത്തെ കേസുമായി ബന്ധപ്പെട്ട് ഫസ്‌നയെ പോലീസ് ചോദ്യംചെയ്തിരുന്നു. ഇതോടെ ഇവര്‍ മുന്‍കൂര്‍ ജാമ്യം തേടി ഹൈക്കോടതിയെ സമീപിച്ചു. എന്നാല്‍, ഫസ്‌നയെ നിലവില്‍ പ്രതിയാക്കാന്‍ ഉദ്ദേശിക്കുന്നില്ലെന്നായിരുന്നു പോലീസ് അന്ന് കോടതിയില്‍ നല്‍കിയ വിശദീകരണം. തുടര്‍ന്ന് മുന്‍കൂര്‍ ജാമ്യഹര്‍ജി കോടതി തീര്‍പ്പാക്കിയിരുന്നു.

മൂലക്കുരുവിനുള്ള ഒറ്റമൂലിയുടെ രഹസ്യം സ്വന്തമാക്കാനായി 2019 ഓഗസ്റ്റിലാണ് മൈസൂരുവിലെ നാട്ടുവൈദ്യനായ ഷാബാ ഷരീഫിനെ ഷൈബിനും സംഘം തട്ടിക്കൊണ്ടുവന്നത്. ഒറ്റമൂലി രഹസ്യം വെളിപ്പെടുത്താതിരുന്നതോടെ ഷാബാ ഷരീഫിനെ നിലമ്പൂരിലെ വീട്ടില്‍ മാസങ്ങളോളം തടവില്‍ പാര്‍പ്പിച്ചു. ഇതിനിടെ ക്രൂരമായി മര്‍ദിക്കുകയും ചെയ്തു. മര്‍ദനത്തിനിടെ 2020 ഒക്ടോബറില്‍ ഷാബാ ഷരീഫ് കൊല്ലപ്പെട്ടതോടെ മൃതദേഹം വെട്ടിനുറുക്കി കഷണങ്ങളാക്കി പ്രതികള്‍ ചാലിയാറില്‍ ഉപേക്ഷിക്കുകയായിരുന്നു.

നാട്ടുവൈദ്യന്റെ കൊലപാതകത്തിന് പുറമേ അബുദാബിയില്‍ നടന്ന രണ്ട് കൊലപാതകങ്ങളിലും ഷൈബിനെതിരേ പോലീസ് കേസെടുത്തിട്ടുണ്ട്. ബിസിനസ് പങ്കാളിയായിരുന്ന ഹാരിസിനെയും ഇവരുടെ മാനേജരായ ചാലക്കുടി സ്വദേശിനിയെയും കൊലപ്പെടുത്തിയെന്ന കേസിലാണ് ഷൈബിനെ അടുത്തിടെ പ്രതി ചേര്‍ത്തത്. യുവതിയെ കൊലപ്പെടുത്തി ഹാരിസ് ജീവനൊടുക്കിയെന്ന് വരുത്തിതീര്‍ക്കാനായിരുന്നു ഷൈബിന്റെ ശ്രമം. നാട്ടുവൈദ്യന്റെ കൊലപാതകത്തില്‍ പിടിയിലായതോടെയാണ് അബുദാബിയില്‍ നടന്ന ഇരട്ടക്കൊലയുടെയും ചുരുളഴിഞ്ഞത്.

Content Highlights: nilambur shaba shareef murder case shaibin ashraf wife in police custody

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
IN DEPTH

11:43

ഷെയര്‍ മാര്‍ക്കറ്റിലെ വിജയമന്ത്രം; ഓഹരി രാജാവ് വിടപറയുമ്പോള്‍ | Rakesh Jhunjunwala

Aug 14, 2022


shajahan

1 min

പാലക്കാട് സിപിഎം പ്രാദേശിക നേതാവിനെ വെട്ടിക്കൊലപ്പെടുത്തി

Aug 14, 2022


Yuan Wang-5

1 min

ഇന്ത്യയുടെ ആശങ്കകള്‍ തള്ളി ശ്രീലങ്ക; ചൈനീസ് ചാരക്കപ്പലിന് നങ്കൂരമിടാന്‍ അനുമതി നല്‍കി

Aug 13, 2022

Most Commented