Representational Image
ഉല്ലാസ്നഗര്‍(മഹാരാഷ്ട്ര): അവിഹിതബന്ധം തുടരാന്‍ വിസമ്മതിച്ച സ്ത്രീയെ വെട്ടിക്കൊലപ്പെടുത്താന്‍ ശ്രമിച്ചശേഷം ഒളിവില്‍പ്പോയ ആള്‍ അറസ്റ്റില്‍. രഘുനാഥ് കൃഷ്ണ ഭോയിര്‍ (55) എന്ന ആളെയാണ് ഉല്ലാസ്നഗര്‍ ഹില്‍ ലൈന്‍ പോലീസ് അറസ്റ്റ് ചെയ്തത്. ഉല്ലാസ്നഗര്‍ ക്യാമ്പ് അഞ്ചില്‍ പൂക്കട നടത്തിവന്നിരുന്ന സ്ത്രീക്കാണ് വെട്ടേറ്റത്.
തലയ്ക്കും പുറത്തും വെട്ടേറ്റ സ്ത്രീയെ ആദ്യം ഇവിടത്തെ സെന്‍ട്രല്‍ ആശുപത്രിയില്‍ പ്രവേശിപ്പിച്ചശേഷം ആരോഗ്യനില ഗുരുതരമായതിനാല്‍ പിന്നീട് കല്‍വയിലെ ഛത്രപതി ശിവജി മഹാരാജ് ആശുപത്രിയിലേക്ക് മാറ്റി.
തിങ്കളാഴ്ചയാണ് സംഭവം നടന്നത്. വെട്ടേറ്റ സ്ത്രീയുടെ പൂക്കടയിലെ ജോലിക്കാരനാണ് രഘുനാഥ്. സ്ത്രീയുടെ ഭര്‍ത്താവ് മരിച്ചശേഷം ഇയാളും സ്ത്രീയും തമ്മില്‍ അവിഹിതബന്ധം പുലര്‍ത്തി വരികയായിരുന്നു. എന്നാല്‍ സ്ത്രീയുടെ മക്കള്‍ വലുതായി വരുന്നതിനാല്‍ രഘുനാഥുമായുള്ള ബന്ധം നിര്‍ത്താന്‍ തീരുമാനിച്ച സ്ത്രീ ഇക്കാര്യം രഘുനാഥിനെ അറിയിച്ചപ്പോള്‍ അതിനായി അയാള്‍ അഞ്ചു ലക്ഷം രൂപ ആവശ്യപ്പെട്ട് സ്ത്രീയെ ഭീഷണിപ്പെടുത്തി വരികയായിരുന്നു. ഒടുവില്‍ പണം നല്‍കാന്‍ വിസമ്മതിച്ച സ്ത്രീയെ അയാള്‍ വെട്ടുകത്തികൊണ്ടു വെട്ടി കൊലപ്പെടുത്താന്‍ ശ്രമിച്ചശേഷം ഒളിവില്‍ പോവുകയായിരുന്നു.
Content Highlights: murder attempt against woman accused arrested
Also Watch
RELATED STORIES
.jpg?$p=50d4e95&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..