'ട്രിപ്പ് അഡ്വൈസറായി പോകാം, ലക്ഷങ്ങള്‍ സമ്പാദിക്കാം' ;മണിചെയിൻ തട്ടിപ്പിനിരയായത് നൂറുകണക്കിനാളുകൾ


പ്രതീകാത്മക ചിത്രം/AP

കണ്ണൂർ: ടൂറിസം മേഖലയിൽ ട്രിപ്പ് അഡ്വൈസർ ജോലി വാഗ്ദാനം ചെയ്തും ഫ്രാഞ്ചൈസി നൽകാമെന്ന്‌ തെറ്റിദ്ധരിപ്പിച്ചും ഉദ്യോഗാർഥികളിൽനിന്ന് തട്ടിയെടുത്തത് കോടികൾ. ‘ക്യുനെറ്റ്’ എന്ന അന്താരാഷ്ട്ര മണിചെയിൻ കമ്പനിയുടെ പേരിൽ നടന്ന തട്ടിപ്പിൽ കൂത്തുപറമ്പ്, കണ്ണൂർ മേഖലയിൽമാത്രം 38 പേരിൽനിന്നായി തട്ടിയെടുത്തത് 62 ലക്ഷം രൂപ. അതേസമയം തങ്ങൾക്ക്‌ ഇതുമായി ബന്ധമില്ലെന്ന്‌ ക്യുനെറ്റ്‌ പറയുന്നു.

സംസ്ഥാനത്തെ വിവിധ ജില്ലകളിലായി കൂടുതൽ പേർ തട്ടിപ്പിനിരയായതായി പറയുന്നുണ്ട്. ഇതുസംബന്ധിച്ച് പരാതിക്കാരനായ വള്ള്യായി മുതിയങ്ങ സ്വദേശി ഇ.കെ.അതുൽ അഡ്വ. പി.വി.മിഥുൻ മുഖേന കൂത്തുപറമ്പ് കോടതിയിൽ പരാതി നൽകിയിരുന്നു. കോടതി നിർദേശപ്രകാരം പി.എ.മുഹമ്മദ് ജിസീൽ (31) കൊച്ചി, കരൺപ്രമോദ് സാവന്ത് (32) അമരാവതി, റോഷൻ കെ.ചാക്കോ (33) വയനാട്, കെ. പദ്‌മ (48) ചെന്നൈ എന്നിവർക്കെതിരേ പോലീസ് കേസെടുത്തു. സമാന തട്ടിപ്പിൽ ഇവർക്കെതിരേ നേരത്തേ എറണാകുളം തോപ്പുംപടി പോലീസും കേസെടുത്തിട്ടുണ്ട്. ഇവർക്കെതിരേ സംസ്ഥാനത്തിന്റെ വിവിധ ഭാഗങ്ങളിൽ പരാതി ഉയരുന്നുണ്ട്. കൂത്തുപറമ്പ് മേഖലയിൽനിന്ന് 62 ലക്ഷമാണെങ്കിൽ സംസ്ഥാനത്തിന്റെ വിവിധ ഭാഗങ്ങളിലായി 10 കോടിയിലധികം രൂപ ഇവർ തട്ടിയെടുത്തതായി അറിയുന്നു.

നേരത്തേ 1.39 ലക്ഷം രൂപ തട്ടിച്ചതിന്റെ പേരിൽ മട്ടാഞ്ചേരി സ്വദേശി ഷുഹൈബാണ് ആദ്യം പരാതി നൽകിയത്. തുടക്കത്തിൽ കോളേജ് വിദ്യാർഥികളെ കണ്ണികളാക്കിക്കൊണ്ട് മണിചെയിൻ രൂപത്തിലായിരുന്നു തട്ടിപ്പ്. കണ്ണിയിൽ ചേരുക വഴി തൊഴിലും സാമ്പത്തികവളർച്ചയും ഇവർ വാഗ്ദാനം ചെയ്യുന്നു. ഒരാളിൽനിന്ന് ഒരുലക്ഷം മുതൽ 10 ലക്ഷം വരെയാണ് ഈടാക്കിയത്.

ചിലർക്കുള്ള വാഗ്ദാനം ഇങ്ങനെ. സിങ്കപ്പൂരിലേക്ക് ട്രിപ്പ് അഡ്വൈസറായി പോകുകയും അങ്ങോട്ടും ഇങ്ങോട്ടും വരുന്ന സഞ്ചാരികൾക്ക് സൗകര്യം നൽകുന്ന ഏജൻസിയായി പ്രവർത്തിക്കുകയും ചെയ്യുക. ഇതിനായി ക്യുനെറ്റിന്റെ ഫ്രാഞ്ചൈസികളിൽ അംഗത്വമെടുക്കുക. നിക്ഷേപിച്ച പണം ചുരുങ്ങിയ സമയത്തിനുള്ളിൽ ഇരട്ടിക്കുക മാത്രമല്ല, നിക്ഷേപകർക്ക് ജോലിയും വിലയുള്ള ഉപഹാരവും കമ്പനി നൽകും. ചേർന്നവർ ചെയ്യേണ്ടത് കൂടുതൽ പേരെ ചേർത്തുകൊടുക്കുക. ഒരാളിൽനിന്ന് മറ്റൊരാളും മറ്റൊരാളിൽനിന്ന് പലയാളുകളും ചെയിനായി ഇതിന്റെ ഭാഗമാകുന്നു. ഇതോടെ ചുരുങ്ങിയ സമയത്തിനുള്ളിൽ ലക്ഷങ്ങൾ കമ്പനിയുടെ കൈയിലെത്തുന്നു.

നേരിട്ട് പണം വാങ്ങില്ല

കമ്പനി ഒരിക്കലും നേരിട്ട് പണം വാങ്ങില്ല. ബാങ്കിടപാടുകൾ മൂന്നാമതൊരു പേരുകാരനിലൂടെയാണ്. ഇപ്പോൾ അറസ്റ്റിലായ നാലുപ്രതികളുടെ പേരിലും പണം അയക്കാൻ ആവശ്യപ്പെട്ടു. അവരെല്ലൊം പിന്നീട് മറ്റൊരു കേന്ദ്രത്തിലേക്ക് പണം കൈമാറും. ഫലത്തിൽ കേസ് വന്നാൽ, കമ്പനി പ്രതിനിധിയും വഞ്ചിക്കപ്പെട്ടയാളും തമ്മിൽ നേരിട്ടുള്ള ഇടപാടില്ലെന്ന് പറഞ്ഞ്‌ ഒഴിയാനാണിതെന്ന്‌ പറയുന്നു. അതേസമയം തട്ടിപ്പുമായി ക്യുനെറ്റിന്‌ ബന്ധമില്ലെന്നാണ്‌ അവർ പറയുന്നത്‌. എന്നാൽ, ഇടപാടുകാർക്ക് നൽകിയ രശീതിയിൽ ക്യുനെറ്റ്‌ (ടാൻസാനിയ) എന്നാണുള്ളത്‌. കേരളത്തിൽ ‘വിഹാൻ ഡയറക്ട്‌ സെല്ലിങ്‌ പ്രൈവറ്റ് ലിമിറ്റഡ് കമ്പനി’ എന്നപേരിലും ഇടപാട്‌ നടന്നിട്ടുണ്ട്‌. പ്രതികളിൽനിന്ന് രണ്ട് ആഡംബര കാർ പോലീസ് പിടിച്ചെടുത്തു.

Content Highlights: money chain fraudulent Kannur

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


Mamatha

വേദിയില്‍ നിന്നിറങ്ങി, പിന്നെ  നര്‍ത്തകിമാര്‍ക്കൊപ്പം നാടോടിനൃത്തം; വൈറലായി മമത

Aug 15, 2022


Jaleel-Surendran

1 min

ജലീലിന് ഇന്ത്യയില്‍ കഴിയാന്‍ അവകാശമില്ല, പാകിസ്താനിലേക്ക് പോകണം - കെ സുരേന്ദ്രന്‍

Aug 14, 2022

Most Commented