നിമിൽ, സ്വരാജ്
മേലുകാവ്: കെ.എസ്.ആര്‍.ടി.സി.ബസില്‍ യുവതിയെ കടന്നുപിടിച്ചതിന് രണ്ടുപേര്‍ പിടിയില്‍.റാന്നി സ്വദേശികളായ നിമില്‍(34), സ്വരാജ്(25) എന്നിവരെയാണ് മേലുകാവ് പോലീസ് അറസ്റ്റുചെയ്തത്. ഇവര്‍ മദ്യലഹരിയിലായിരുന്നു. ഞായറാഴ്ച രാത്രി 11.30-ാടെ പത്തനംതിട്ട-കല്‍പ്പറ്റ റൂട്ടില്‍ സര്‍വീസ് നടത്തുന്ന കെ.എസ്.ആര്‍.ടി.സി. ബസിലാണ് സംഭവം.
പത്തനംതിട്ടയില്‍നിന്ന് തൃശ്ശൂര്‍ക്കുപോകാനാണ് യുവതി ബസില്‍ കയറിയത്. റാന്നിയിലേക്ക് പോകാനാണ് പ്രതികള്‍ ബസില്‍ കയറിയതെങ്കിലും മദ്യലഹരിയില്‍ ഇവരും തൃശ്ശൂര്‍ക്ക് ടിക്കറ്റെടുത്തു. ഈരാറ്റുപേട്ട കഴിഞ്ഞപ്പോള്‍ ഇരുവരുംചേര്‍ന്ന് യുവതിയെ കടന്നുപിടിക്കുകയായിരുന്നു. യുവതി ബഹളംവെച്ചതോടെ ജീവനക്കാര്‍ ബസ് മേലുകാവ് പോലീസ് സ്റ്റേഷനിലെത്തിച്ചു.
യുവതിയുടെ മൊഴിയില്‍ പോലീസ് കേസെടുത്തു. പാലാ ഡിവൈ.എസ്.പി. ഷാജു ജോസ്, എസ്.ഐ.മാരായ മനോജ് കുമാര്‍, നാസര്‍, സനല്‍കുമാര്‍, സി.പി.ഒ. വരുണ്‍, വിനോജ്, ബിബിന്‍ എന്നിവര്‍ചേര്‍ന്നാണ് പ്രതികളെ അറസ്റ്റുചെയ്തത്. കോടതിയില്‍ ഹാജരാക്കിയ പ്രതികളെ റിമാന്‍ഡുചെയ്തു.
Content Highlights: molestation in bus two arrested in melukavu
Also Watch
RELATED STORIES
.jpg?$p=8b480bb&f=1x1&w=100&q=0.8)
IN CASE YOU MISSED IT
.jpg?$p=cf32acb&f=1x1&w=100&q=0.8)
.jpg?$p=8312ca4&q=0.8&f=16x11&w=104)
.jpg?$p=b4643a5&q=0.8&f=16x11&w=104)
.jpg?$p=8a6554b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..