തീവണ്ടിയിലെ അതിക്രമം: പ്രതികളെ തിരിച്ചറിഞ്ഞു, പക്ഷേ, പിടിക്കാനാവാതെ പോലീസ്, എല്ലാവരും ഒളിവില്‍


പെൺകുട്ടിയെ ഉപദ്രവിച്ച സംഭവത്തിൽ പ്രതികരിച്ച യുവാവിനോട് കയർക്കുന്ന പ്രതികളിൽ ഒരാളുടെ ദൃശ്യം

കൊച്ചി: പിതാവിനൊപ്പം തീവണ്ടിയില്‍ യാത്ര ചെയ്ത പതിനാറുകാരിക്കു നേരേ അതിക്രമം നടത്തിയ അഞ്ചുപേര്‍ ഇപ്പോഴും കാണാമറയത്തുതന്നെ. പ്രതികളെയെല്ലാം തിരിച്ചറിഞ്ഞെങ്കിലും പിടിക്കാനായിട്ടില്ല. എല്ലാവരും ഒളിവിലാണ്. ഇവര്‍ മൊബൈല്‍ ഫോണും ഉപയോഗിക്കുന്നില്ല. ഒളിയിടത്തെക്കുറിച്ച് സൂചന കിട്ടിയതായാണ് വിവരം. എറണാകുളത്ത് ജോലി ചെയ്യുന്ന തൃശ്ശൂര്‍ സ്വദേശികളാണ് ഇവര്‍. സീസണ്‍ ടിക്കറ്റുകാരായ ഇവര്‍ സുഹൃത്തുക്കളുമാണ്. സ്വകാര്യ സ്ഥാപനങ്ങളിലെ ജീവനക്കാരാണെന്നാണ് വിവരം. പ്രതികളെക്കുറിച്ച് വ്യക്തമായ വിവരം കിട്ടിയിട്ടും അറസ്റ്റ് ചെയ്യാനാകാത്തത് പോലീസിനെ സമ്മര്‍ദത്തിലാക്കിയിട്ടുണ്ട്. പ്രതികളുടെ ബന്ധുക്കള്‍, സുഹൃത്തുക്കള്‍ എന്നിവരില്‍നിന്ന് വിവരം തേടാനുള്ള നീക്കം തുടങ്ങിയിട്ടുണ്ട്. സുഹൃത്തുക്കളുടെയും മറ്റും മൊഴിയെടുക്കും.

ശനിയാഴ്ച രാത്രി 7.50-ന് എറണാകുളം-ഗുരുവായൂര്‍ സ്‌പെഷ്യല്‍ ട്രെയിനിലാണ് പെണ്‍കുട്ടിക്കു നേരേ അതിക്രമമുണ്ടായത്. തൃശ്ശൂര്‍ റെയില്‍വേ പോലീസ് രജിസ്റ്റര്‍ ചെയ്ത കേസ് എറണാകുളം സൗത്ത് റെയില്‍വേ പോലീസിന് കൈമാറുകയായിരുന്നു. ഇരിങ്ങാലക്കുട വരെയുള്ള വിവിധ സ്റ്റേഷനുകളിലായാണ് സംഘത്തിലെ അഞ്ചുപേരും ഇറങ്ങിയത്. പോക്‌സോ പ്രകാരവും പെണ്‍കുട്ടിയോട് മോശമായി പെരുമാറിയതിനും ട്രെയിനില്‍ അടിപിടിയുണ്ടാക്കിയതിനുമാണ് കേസെടുത്തത്.

സഹായവുമായി വിക്ടിം റൈറ്റ്‌സ് സെന്റര്‍

കൊച്ചി: തീവണ്ടി യാത്രയ്ക്കിടയില്‍ 16-കാരിയോട് അതിക്രമം നടത്തിയ സംഭവത്തില്‍ ഇടപെട്ട് വിക്ടിം റൈറ്റ്സ് സെന്റര്‍. വിക്ടിം റൈറ്റ്സ് സെന്റര്‍ പ്രവര്‍ത്തകര്‍ പെണ്‍കുട്ടിയെയും അച്ഛനെയും ബന്ധപ്പെട്ട് വിവരങ്ങള്‍ തിരക്കി. പെണ്‍കുട്ടിക്ക് ആവശ്യമായ കൗണ്‍സലിങ് നല്‍കും. കേരള ലീഗല്‍ സര്‍വീസസ് സെന്ററിനു കീഴില്‍ പ്രവര്‍ത്തിക്കുന്ന സ്ഥാപനമാണ് വിക്ടിം റൈറ്റ്സ് സെന്റര്‍. ഹൈക്കോടതി മുന്‍കൈയെടുത്ത് തുടങ്ങിയതാണിത്.

സംഭവവുമായി ബന്ധപ്പെട്ട് സ്വീകരിച്ച നടപടികള്‍ പോലീസിനോടും തിരക്കിയിട്ടുണ്ട്. സെന്ററിന്റെ പ്രവര്‍ത്തകരായ അഡ്വ. പാര്‍വതി സഞ്ജയ്, അഡ്വ. ഷിബി എന്നിവര്‍ പെണ്‍കുട്ടിയെയും അച്ഛനെയും നേരില്‍ കണ്ട് വിവരങ്ങള്‍ തിരക്കും. പെണ്‍കുട്ടിക്ക് നിയമപരവും അല്ലാത്തതുമായ എല്ലാ സഹായവും വിക്ടിം റൈറ്റ്സ് സെന്റര്‍ വഴി നല്‍കും.

Content Highlights: molestation in train,thrissur news,eranakulam guruvayur special express

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022

Most Commented