പ്രതീകാത്മക ചിത്രം | Photo: PTI & AP
പാറശ്ശാല(തിരുവനന്തപുരം): പൊഴിയൂര്‍ കടല്‍ക്കരയില്‍നിന്നു കാണാതായ 24-കാരിയെ മുംബൈയില്‍നിന്ന് പോലീസ് കണ്ടെത്തി. സ്വന്തമായി ജോലിചെയ്ത് ജീവിക്കുന്നതിനാണ് മുംബൈയിലേക്കു കടന്നതെന്നാണ് യുവതി പോലീസിനോടു പറഞ്ഞത്. യുവതി നടത്തിയ ഗൂഗിള്‍ പേ ഇടപാടു കേന്ദ്രീകരിച്ച് പോലീസ് നടത്തിയ അന്വേഷണത്തിലാണ് കണ്ടെത്താന്‍ സാധിച്ചത്. ഇക്കഴിഞ്ഞ ഞായറാഴ്ചയാണ് കൊല്ലങ്കോട് മേടവിളാകം സ്വദേശിനിയെ കാണാതായത്.
പൊഴിയൂരില്‍നിന്നു പര്‍ദ്ദ ധരിച്ച് ഓട്ടോറിക്ഷയില്‍ കളിയിക്കാവിളലെത്തിയ യുവതി അവിടത്തെ കടയുടമയില്‍ നിന്ന് 200 രൂപ വാങ്ങിയാണ് ഓട്ടോ ഡ്രൈവര്‍ക്ക് കാശുകൊടുത്തത്. തുടര്‍ന്ന് ഗൂഗിള്‍ പേ വഴി കടയുടമയ്ക്ക് പണം നല്‍കി. ഈ അക്കൗണ്ട് നമ്പര്‍ കേന്ദ്രീകരിച്ചു നടത്തിയ അന്വേഷണത്തില്‍ മാര്‍ത്താണ്ഡം സ്വദേശിയായ യുവാവിന്റെ പേരിലുള്ള അക്കൗണ്ടാണെന്നു വ്യക്തമാ യി. സുഹൃത്തിന്റെ പേരില്‍ തുടങ്ങിയ അക്കൗണ്ട് യുവതി രഹസ്യമായി ഉപയോഗിച്ചുവരികയായിരുന്നു. സുഹൃത്തുക്കള്‍ വഴിയാണ് യാത്രയ്ക്കു വേണ്ട ബാഗുകളും മറ്റും ഓണ്‍ലൈനായി വരുത്തിയത്.
യുവതിയുടെ സുഹൃത്തിന്റെ ബെംഗളൂരുവിലുള്ള സഹോദരിയുടെ വീട്ടിലാണ് ആദ്യം യുവതി എത്തിയത്. ഇവരാണ് യുവതിയെ മുംബൈയിലേക്ക് അയച്ചത്.
ബെംഗളൂരുവില്‍നിന്ന് ബസ് മാര്‍ഗം മുംബൈയിലെത്തിയ യുവതി വിവിധ ഇടങ്ങളില്‍നിന്ന് തന്റെ രഹസ്യ അക്കൗണ്ടില്‍നിന്നു പണം പിന്‍വലിച്ച രേഖകളും ഗൂഗിള്‍ അക്കൗണ്ടിനായി ഉപയോഗിച്ചിരുന്ന ഫോണ്‍ നമ്പരും പിന്തുടര്‍ന്നാണ് പൊഴിയൂര്‍ പോലീസ് മുംബൈയിലെത്തിയത്.
ശനിയാഴ്ച രാവിലെ മുംബൈയിലെത്തിയ പൊഴിയൂര്‍ എസ്.ഐ. സജികുമാറിന്റെ നേതൃത്വത്തിലുള്ള പോലീസ് സംഘം ഉച്ചയോടെ പെണ്‍കുട്ടിയെ കണ്ടെത്തി. യുവതിയുമായി പോലീസ് കേരളത്തിലേക്കുള്ള മടക്കയാത്രയിലാണ്.
Content Highlights: missing woman from parassala pozhiyur found in mumbai
Also Watch
RELATED STORIES
.jpg?$p=d607ec7&f=1x1&w=100&q=0.8)
.jpg?$p=e46f401&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..