.jpg?$p=08558d0&f=16x10&w=852&q=0.8)
അസുറുദീൻ
കോട്ടയം: കോട്ടയം നഗരത്തില്‍നിന്ന് കാണാതായ യുവാവിനെ കൊച്ചിയില്‍ മരിച്ച നിലയില്‍ കണ്ടെത്തി. കോട്ടയം ചന്തക്കവലയിലെ തുണിക്കടയിലെ ജീവനക്കാരനായ ശിവപുരം പടുപാറ സുബൈദ മന്‍സിലില്‍ അസുറുദീന്‍ (23) എന്നയാളെയാണ് മറൈന്‍ഡ്രൈവ് സി.എം.എഫ്.ആര്‍.ഐ.ക്ക് സമീപമുള്ള കൊച്ചി കോര്‍പ്പറേഷന്റെ കെട്ടിടത്തിനടുത്തുള്ള കുഴിയില്‍ മരിച്ച നിലയില്‍ കണ്ടെത്തിയത്. ചൊവ്വാഴ്ച ഉച്ചയോടെയാണ് മൃതദേഹം കണ്ടെത്തിയത്.
കാണാനില്ലെന്നുള്ള പരാതിയില്‍ വെസ്റ്റ് പോലീസ് കേസെടുത്തിരുന്നു. ജോലിയുടെ ആവശ്യത്തിന് എന്നപേരില്‍ എറണാകുളം ഭാഗത്തേക്ക് പോയതാണ്. യുവാവിന്റെ മൊബൈല്‍ ടവര്‍ പിന്‍തുടര്‍ന്ന് പോലീസ് സംഘം നടത്തിയ അന്വേഷണത്തിലാണ് ഇയാള്‍ എറണാകുളം ഭാഗത്തുണ്ടെന്ന് കണ്ടെത്തിയത്. തുടര്‍ന്ന് ഇയാളുടെ ഫോണില്‍നിന്ന് അവസാനം പോയ കോള്‍ കേന്ദ്രീകരിച്ച് അന്വേഷണം നടത്തുകയായിരുന്നു.
സുഹൃത്തായ ഒരു പെണ്‍കുട്ടിയാണ് അവസാനം ഫോണ്‍ ചെയ്തതെന്ന് പോലീസ് കണ്ടെത്തിയിരുന്നു. പോസ്റ്റ്മോര്‍ട്ടം നടപടി പൂര്‍ത്തിയായ ശേഷമേ മരണകാരണം വ്യക്തമാകൂ എന്ന് പോലീസ് അറിയിച്ചു.
Content Highlights: missing man from kottayam found dead in kochi
Also Watch
RELATED STORIES
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..