.jpg?$p=6a12f4a&f=16x10&w=852&q=0.8)
അനുജ
തിരുവനന്തപുരം: വെമ്പായം വേറ്റിനാട് ശാന്തി മന്ദിരത്തിനു സമീപമുള്ള ആളൊഴിഞ്ഞ ഉപയോഗശൂന്യമായ കിണറ്റില്‍നിന്നും യുവതിയുടെ മൃതദേഹം പോലീസ് കണ്ടെടുത്തു. വേറ്റിനാട് ചന്തയ്ക്കു സമീപം കുന്നും പുറത്ത് വീട്ടില്‍ പത്മാവതിയുടെ മകള്‍ അനുജ (26)യുടെ മൃതദേഹമാണ് കഴിഞ്ഞ ദിവസം വൈകുന്നേരത്തോടെ ഇരുപത് അടിയോളം താഴ്ചയുള്ള കിണറ്റില്‍നിന്ന് പോലീസ് കണ്ടെത്തിയത്.
ഓഗസ്റ്റ് 31-ന് അനുജയുടെ അമ്മ അനുജയെ കാണാനില്ലെന്ന് വട്ടപ്പാറ പോലീസില്‍ പരാതി നല്‍കിയിരുന്നു. പരാതിയുടെ അടിസ്ഥാനത്തില്‍ പോലീസ് അന്വേഷണം നടത്തിവരുകയായിരുന്നു. മിക്കവാറും ദിവസങ്ങളില്‍ ഈ പ്രദേശങ്ങള്‍ പോലീസ് സന്ദര്‍ശിക്കുന്നുണ്ടായിരുന്നു. വീടിനു സമീപത്തുള്ള ഉപയോഗശൂന്യമായ കിണറ്റില്‍ പരിശോധന നടത്തുമ്പോഴാണ് മൃതദേഹം കണ്ടെത്തിയത്.
മൃതദേഹം പൂര്‍ണമായും അഴുകിയ നിലയിലായിരുന്നു. ധരിച്ചിരുന്ന വസ്ത്രത്തിന്റെ അടിസ്ഥാനത്തിലാണു മൃതദേഹം അനുജയുടേത് എന്ന് മനസ്സിലാക്കിയത്.
വട്ടപ്പാറ പോലീസും അഗ്‌നിരക്ഷാസേനയും ചേര്‍ന്നാണ് മൃതദേഹം കരയ്‌ക്കെടുത്തത്. പോസ്റ്റുമോര്‍ട്ടം നടപടികള്‍ക്കായി മൃതദേഹം തിരുവനന്തപുരം മെഡിക്കല്‍ കോളേജിലേക്കു കൊണ്ടുപോയി.
Content Highlights: deadbody, anuja
Also Watch
RELATED STORIES
IN CASE YOU MISSED IT
.jpg?$p=24703dc&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..