വിവാഹാവശ്യം വീട്ടുകാര്‍ നിരസിച്ചു, ഒരുകുടുംബത്തിലെ നാലുപേര്‍ക്ക് വെട്ടേറ്റു; പ്രതി അറസ്റ്റില്‍


മുകേഷ്

പെരുങ്ങോട്ടുകുറിശ്ശി: ചൂലനൂരില്‍ വിഷുദിനത്തില്‍ ഒരു കുടുംബത്തിലെ നാലുപേര്‍ക്ക് വെട്ടേറ്റ സംഭവത്തില്‍ വീട്ടുകാരുടെ ബന്ധുകൂടിയായ പ്രതി രണ്ടരമാസത്തിനുശേഷം അറസ്റ്റില്‍. പല്ലാവൂര്‍ സ്വദേശിയായ മുകേഷാണ് (30) തിങ്കളാഴ്ച വൈകീട്ടോടെ കോയമ്പത്തൂര്‍ അവിനാശിയില്‍നിന്ന് കോട്ടായി പോലീസിന്റെ പിടിയിലായത്.

ഏപ്രില്‍ 15-ന് പുലര്‍ച്ചെ രണ്ടുമണിക്കാണ് ചൂലനൂരില്‍ അച്ഛനും അമ്മയും മക്കളുമുള്‍പ്പെടെ കുടുംബത്തിലെ നാലുപേര്‍ക്ക് വെട്ടേറ്റത്. ഇവരുടെ വീടിനോടുചേര്‍ന്ന അടുക്കളയ്ക്ക് തീയിടുകയുംചെയ്തു. ചൂലനൂര്‍ കിഴക്കുമുറിവീട്ടില്‍ മണികണ്ഠന്‍ (47), ഭാര്യ സുശീല (43), മകള്‍ രേഷ്മ (25), സഹോദരന്‍ ഇന്ദ്രജിത്ത് (23) എന്നിവര്‍ക്കാണ് വെട്ടേറ്റത്. രേഷ്മയെ വിവാഹം ചെയ്തുകൊടുക്കണമെന്ന മുകേഷിന്റെ ആവശ്യം വീട്ടുകാര്‍ നിരസിച്ചതാണ് പ്രകോപനത്തിന് കാരണമായതെന്നാണ് പോലീസ് പറയുന്നത്. സുശീലയുടെ അനുജത്തിയുടെ മകനാണ് മുകേഷ്.

സംഭവശേഷം ഇയാള്‍ പഴനി, മധുര, ചെന്നൈ, ബെംഗളൂരു, മഹാരാഷ്ട്ര എന്നിവിടങ്ങളിലായി ഒളിവില്‍ക്കഴിയുകയായിരുന്നെന്ന് പോലീസ് പറയുന്നു. രണ്ടാഴ്ച മുമ്പാണ് മുകേഷ് അവിനാശിയില്‍ എത്തിയത്. ? ഞായറാഴ്ച മുകേഷ് മഹാരാഷ്ട്ര സിം ഉപയോഗിച്ച് വീട്ടിലേക്കും പാലക്കാട്ടുള്ള സുഹൃത്തുക്കള്‍ക്കും ഫോണ്‍ചെയ്തതാണ് പോലീസിന് വഴിതുറന്നത്. സംഭവശേഷം രേഖകളും മൊബൈല്‍ഫോണുകളും ഉള്‍പ്പെടെയുള്ളവ മുകേഷ് ചൂലനൂരിലെ വീട്ടിനടുത്ത് ഉപേക്ഷിച്ചിരുന്നു. ഇതാണ് പ്രതിയിലേക്കെത്താന്‍ ഇത്രയും വൈകിയതെന്നാണ് പോലീസ് പറയുന്നത്.

മുകേഷിനെതിരേ വധശ്രമത്തിനാണ് കോട്ടായിപോലീസ് കേസെടുത്തിരിക്കുന്നത്. പ്രതിയെ സംഭവസ്ഥലത്തെത്തിച്ച് തെളിവെടുപ്പ് നടത്തി. കോടതിയില്‍ ഹാജരാക്കി റിമാന്‍ഡ് ചെയ്തു. ചിറ്റൂര്‍ ഡിവൈ.എസ്.പി. സുന്ദരന്റെ നേതൃത്വത്തില്‍ കോട്ടായി സി.ഐ. കെ.സി. വിനു, എസ്.ഐ. സി.ആര്‍. ദിനേഷ്, എ.എസ്.ഐ. എസ്. അനിത, സീനിയര്‍ സിവില്‍പോലീസ് ഓഫീസര്‍മാരായ പി. പ്രശാന്ത്, ജി. സ്‌നേഹദാസന്‍, വി. വിനോദ്, സിവില്‍പോലീസ് ഓഫീസര്‍ ടി. സജീഷ് എന്നിവരുള്‍പ്പെട്ട അന്വേഷണസംഘമാണ് പ്രതിയെ പിടികൂടിയത്.

തെളിവെടുപ്പുനടത്തി

മുകേഷിനെ പെരിങ്ങോട്ടുകുറിശ്ശി ചൂലനൂരിലെവീട്ടില്‍ തെളിവെടുപ്പിനെത്തിച്ചു. പ്രതിയെ കൊണ്ടുവരുന്നതിന് മുമ്പുതന്നെ നാട്ടുകാര്‍ പ്രദേശത്ത് തടിച്ചുകൂടിയിരുന്നു. മുകേഷിനെ കണ്ടതോടെ നാട്ടുകാര്‍ രോഷാകുലരായി. തടിച്ചുകൂടിയെവരെ നിയന്ത്രിക്കാന്‍ പോലീസ് ഏറെ പണിപ്പെട്ടു. മുകേഷ് പന്നിപ്പടക്കം, പെട്രോള്‍, മടവാള്‍ ഉള്‍പ്പെടെയുള്ള സാധനങ്ങള്‍ വാങ്ങിയ കുനിശ്ശേരി, ആലത്തൂര്‍, വക്കാവ്, മോലാര്‍കോട്, നെന്മാറ എന്നിവിടങ്ങളിലും പോലീസ് തെളിവെടുപ്പ് നടത്തി.

Content Highlights: Men arrested in attempt to murder case

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022


08:52

ഒറ്റ രാത്രിയില്‍ രജീഷിന് നഷ്ടം 40 ലക്ഷം; ഒലിച്ചുപോയത് നാലേക്കര്‍ പൈനാപ്പിള്‍ തോട്ടം

Aug 5, 2022


04:08

എന്താണ് ലോൺ ബോൾസ്? കോമണ്‍വെല്‍ത്ത് ഗെയിംസില്‍ ഇന്ത്യ സ്വര്‍ണമണിഞ്ഞ ലോണ്‍ ബോള്‍സിനെ കുറിച്ച് അറിയാം..

Aug 6, 2022

Most Commented