.jpg?$p=a80322e&f=16x10&w=852&q=0.8)
പ്രതീകാത്മക ചിത്രം / AFP
ചെന്നൈ: മദ്യപിച്ചുണ്ടായ വഴക്കില്‍ സുഹൃത്തിനെ കൊലപ്പെടുത്തിയശേഷം മൃതദേഹത്തിനൊപ്പം സെല്‍ഫിയെടുത്ത നാലുപേരെ പോലീസ് അറസ്റ്റ്‌ചെയ്തു. ചെന്നൈയിലെ മണലിയിലാണ് സംഭവം. വെള്ളിവയല്‍വാടിയിലെ ഓട്ടോ ഡ്രൈവര്‍ രവിചന്ദ്രനാ(32)ണ് മരിച്ചത്. മദന്‍, ബബ്ലു, ജയപ്രകാശ്, ഭരത് എന്നിവരെയാണ് മണലി ന്യൂ ടൗണ്‍ പോലീസ് അറസ്റ്റ്‌ചെയ്തത്.
ഏതാനുംദിവസംമുമ്പ് മദന്‍ എന്ന സുഹൃത്തുമായി രവിചന്ദ്രന്‍ വഴക്കിട്ടിരുന്നു. ഒത്തുതീര്‍പ്പാക്കാന്‍വേണ്ടി മദന്‍ ബുധനാഴ്ച രവിചന്ദ്രനെ മദ്യവിരുന്നിന് ക്ഷണിച്ചു. രാത്രി വൈകിയിട്ടും രവിചന്ദ്രന്‍ വീട്ടിലെത്താത്തതിനെത്തുടര്‍ന്ന് ഭാര്യ കീര്‍ത്തനയും ബന്ധുക്കളും തിരഞ്ഞപ്പോള്‍ വെട്രിനഗറിലെ മൈതാനത്ത് രവിചന്ദ്രനെ രക്തത്തില്‍ കുളിച്ച് കിടക്കുന്ന നിലയില്‍ കണ്ടെത്തി. കീര്‍ത്തനയെയും ബന്ധുക്കളെയും കണ്ടപ്പോള്‍ മദനും മറ്റു മൂന്നുപേരും രക്ഷപ്പെടുകയായിരുന്നു. രവിചന്ദ്രനെ മദ്യക്കുപ്പികൊണ്ട് ആക്രമിച്ചെന്നും ശരീരത്തില്‍ വെട്ടേറ്റപാടുകളുണ്ടായിരുന്നെന്നും കല്ലുകൊണ്ട് തല ഇടിച്ചുതകര്‍ത്ത നിലയിലായിരുന്നെന്നും കീര്‍ത്തന നല്‍കിയ പരാതിയില്‍ പറയുന്നു.
അന്വേഷണത്തിനായി പ്രത്യേകസംഘത്തെ നിയോഗിച്ച് മദനെയും മറ്റു മൂന്നുപേരെയും അറസ്റ്റ്ചെയ്യുകയായിരുന്നു. രവിചന്ദ്രനെ കൊലപ്പെടുത്തിയശേഷം മൃതദേഹത്തിനൊപ്പംനിന്ന് ഇവര്‍ സെല്‍ഫിയെടുത്തതായി കണ്ടെത്തി. നാലുപേരെയും ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്തു.
Content Highlights: man killed in chennai four arrested by police
Also Watch
RELATED STORIES
Premium
IN CASE YOU MISSED IT
.jpg?$p=afe3202&f=1x1&w=100&q=0.8)
.jpg?$p=5d7e19c&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..