മിഥുൻ രാജീവ്
പത്തനംതിട്ട: ബെംഗളൂരുവില്‍നിന്ന് സ്വകാര്യബസില്‍ കടത്തിക്കൊണ്ടുവന്ന 9.61 ഗ്രാം എം.ഡി.എം.എ.യുമായി മൈലപ്ര സത്യഭവന്‍ വീട്ടില്‍ മിഥുന്‍ രാജീവ് (24) പോലീസ് പിടിയിലായി. െബംഗളൂരുവില്‍നിന്ന് ആഴ്ചതോറും ഇയാളും സംഘവും മയക്കുമരുന്ന് കൊണ്ടുവരുന്നുണ്ടെന്ന രഹസ്യവിവരം കിട്ടിയതിനെത്തുടര്‍ന്നായിരുന്നു പരിശോധന.
ബ്രെഡിനകത്ത് ഒളിപ്പിച്ചനിലയിലായിരുന്നു എം.ഡി.എം.എ. സൂക്ഷിച്ചിരുന്നത്. കുട്ടികളെ കേന്ദ്രീകരിച്ചായിരുന്നു കച്ചവടമെന്ന് മിഥുന്‍ പോലീസിനോട് പറഞ്ഞു. അവധിക്കാലങ്ങളില്‍ കളിക്കളങ്ങളില്‍ ഒത്തുകൂടുന്ന കുട്ടികള്‍ക്കാണിത് കൊടുത്തിരുന്നത്.
നാര്‍കോട്ടിക് സെല്‍ ഡിവൈ.എസ്.പി. കെ.എ.വിദ്യാധരന്റെ നേതൃത്വത്തില്‍ ഡാന്‍സാഫ് സംഘവും പത്തനംതിട്ട ഡിവൈ.എസ്.പി. എസ്.നന്ദകുമാറിന്റെ നേതൃത്വത്തിലുള്ള പത്തനംതിട്ട പോലീസും ചേര്‍ന്നുനടത്തിയ നീക്കത്തിലാണ് പ്രതി കുടുങ്ങിയത്. സംഘത്തിലെ മറ്റുള്ളവരെക്കുറിച്ചറിയാന്‍ ചോദ്യം ചെയ്തുവരുകയാണ്. പത്തനംതിട്ട എസ്.എച്ച്.ഒ. ജിബു ജോണ്‍, എസ്.ഐ.മാരായ അനൂപ്, സവി രാജന്‍, സി.പി.ഒ. െഷഫീക്, ഡാന്‍സാഫ് ടീമിലെ എസ്.ഐ. അജി സാമുവല്‍, എ.എസ്.ഐ. അജി കുമാര്‍, സി.പി.ഒ.മാരായ മിഥുന്‍ ജോസ്, ബിനു, ശ്രീരാജ്, അഖില്‍, സുജിത് എന്നിവരാണ് ബസില്‍ പരിശോധന നടത്തിയത്.
Content Highlights: man arrested with mdma drugs in pathanamthitta
Also Watch
RELATED STORIES
.jpg?$p=a3c1fa2&f=1x1&w=100&q=0.8)
.jpg?$p=f0b49be&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=1990e2a&q=0.8&f=16x11&w=104)
.jpg?$p=e66fa2b&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..