അരുൺകുമാർ
കൊഴിഞ്ഞാമ്പാറ: പ്രായപൂര്ത്തിയാവാത്ത പെണ്കുട്ടിയെ വിവാഹവാഗ്ദാനം നല്കി പീഡിപ്പിച്ച യുവാവിനെ ബാലപീഡന നിരോധന (പോക്സോ) നിയമപ്രകാരം അറസ്റ്റുചെയ്തു. പഴണിയാര്പാളയം കോട്ടുക്കാരന്വീട്ടില് ജെ. അരുണ്കുമാര് (23) ആണ് അറസ്റ്റിലായത്.
കഴിഞ്ഞമാസം 22-ന് പെണ്കുട്ടിയെ കാണാനില്ലെന്നുകാണിച്ച് രക്ഷിതാക്കള് പോലീസില് പരാതിനല്കിയിരുന്നു. തുടര്ന്ന്, നടത്തിയ അന്വേഷണത്തില് ശനിയാഴ്ച കോയമ്പത്തൂരില്നിന്ന് ഇരുവരെയും കണ്ടെത്തി. 16 വയസ്സുകാരിയായ പെണ്കുട്ടിയെ വിവാഹവാഗ്ദാനം നല്കി ലൈംഗികമായി പീഡിപ്പിക്കയായിരുന്നെന്ന് പോലീസ് പറഞ്ഞു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
ജില്ലാ പോലീസ് മേധാവി ആര്. വിശ്വനാഥിന്റെ നിര്ദേശപ്രകാരം ചിറ്റൂര് ഡിവൈ.എസ്.പി. സി. സുന്ദരന്, കൊഴിഞ്ഞാമ്പാറ ഇന്സ്പെക്ടര് വി. കൃഷ്ണന്കുട്ടി, എസ്.ഐ. പി. സുജിത്ത്, പ്രൊബേഷന് എസ്.ഐ. വി. അനുരാജ്, സീനിയര് സിവില് പോലീസ് ഓഫീസര് ആര്. വിനോദ്കുമാര്, സിവില് പോലിസ് ഓഫിസര്മാരായ കെ. അനു, എന്. ഷിബു, ഇ. നടരാജ, ജനമൈത്രി ബീറ്റ് ഓഫീസര് എം. നൗഷത്ത് എന്നിവരാണ് അന്വേഷണസംഘത്തിലുണ്ടായിരുന്നത്.
Content Highlights: man arrested in pocso case kozhinjambara palakkad
Also Watch
Share this Article
Related Topics
RELATED STORIES
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..